અદાણી ગ્રૂપના પ્રતિનિધિઓએ બુધવારે તેલંગાણાના મુખ્ય પ્રધાન રેવન્ત રેડ્ડી સાથે મુલાકાત કરી હતી અને દક્ષિણ રાજ્યમાં ડેટા સેન્ટર અને એરોસ્પેસ પાર્ક સ્થાપવા અંગે ચર્ચા કરી હતી. આ માહિતી સત્તાવાર પ્રેસ રિલીઝમાં જણાવાઈ હતી.
અદાણી ગ્રુપના પ્રતિનિધિમંડળનું નેતૃત્વ અદાણી પોર્ટ્સ અને સેઝના સીઈઓ કરણ અદાણી અને અદાણી ડિફેન્સ એન્ડ એરોસ્પેસના સીઈઓ આશિષ રાજવંશીએ કર્યું હતું.સીએમ રેડ્ડીએ પ્રતિનિધિમંડળને ખાતરી આપી હતી કે રાજ્ય સરકાર તેલંગાણામાં ઔદ્યોગિક વિકાસ અને રોજગારની તકોને પ્રોત્સાહન આપવાના ઉદ્દેશ્ય સાથે નવા ઉદ્યોગોને સુવિધાઓ, સબસિડી અને ઈન્ફ્રાસ્ટ્રક્ચરના સ્વરૂપમાં જરૂરી સમર્થન આપશે.
આ બેઠકમાં તેલંગાણાના ઉદ્યોગ મંત્રી ડી શ્રીધર બાબુ, રાજ્યના મુખ્ય સચિવ સાંતિ કુમારી અને તેલંગાણાના આઈટી સચિવ જયેશ રંજન પણ હાજર હતા.