સોશિયલ મીડિયા (Social Media) પર રોજ લગ્ન પ્રસંગ સાથે જોડાયેલા વીડિયો વાયરલ (Viral Video) થતા હોય છે. આમા કેટલાક વીડિયો યૂઝર્સને હસાવી હસાવીને લોટપોટ કરી નાખે છે તો કેટલાક વીડિયો લોકોને ચોંકાવી દે છે. કેટલાક વીડિયો એવી શીખ આપીને જાય છે કે તેને વારંવાર જોવાનું મન થાય. લગ્ન પ્રસંગનો એક એવો જ વીડિયો હાલ સોશિયલ મીડિયામાં વાયરલ થઈ રહ્યો છે. વીડિયો જોઈને તમે સમજી જશો કે લગ્ન હોય કે અન્ય કોઈ ફંક્શન દરેક જગ્યાએ કામ કરતી વખતે સાવધાની રાખવાની જરૂર છે.
આપણે બધા તો જાણીએ જ છીએ કે ભારતીય લગ્ન ખૂબ ધામધૂમથી થાય છે અને તેમાં ઘણા બધા રિતી રિવાજો હોય છે. લોકોને લગ્ન પ્રસંગમાં ફોટોઝ ખેંચાવડાવવાનો ખૂબ શોખ હોય છે. લોકો ફોટોગ્રાફરને પકડીને વારંવાર સારા ફોટોઝ ક્લિક કરવા રિક્વેસ્ટ કરતા રહે છે સાથે જ નવા નવા પોઝ અને એન્ગલ સાથે ફોટોઝને ક્લિક કરવા કહે છે. આ વીડિયોને જોઈને લાગે છે કે ફોટોગ્રાફરે કપલની વાતને જરા વધારે જ સીરિયસ લઈ લીધી. જેનું પરિણામ પણ તેણે ભોગવવું પડ્યુ. ફોટોગ્રાફીમાં સમગ્ર રીતે ડૂબેલો ફોટોગ્રાફર ક્યારે પાણીમાં પડી જાય છે તેને ખબર જ નથી પડતી.
વીડિયોમાં તમે જોઈ શકો છો કે વરરાજા અને દુલ્હન ફેરા લીધા બાદ ખુશી ખુશી ચાલીને આગળ આવી રહ્યા છે. પરંતુ અચાનક જ તેમના ચહેરાના હાવભાવ અચાનક બદલાઈ જાય છે. તેમના હાવભાવ જોઈને કોઈને પણ લાગશે કે કોઈ મોટી ઘટના ઘટી ગઈ છે. તેમના આ એક્સપ્રેશન્સ ખૂબ વ્યાજબી હતા કારણ કે તેમનો ફોટોગ્રાફર ફોટો ક્લિક કરતા કરતા પૂલમાં પડી જાય છે અને પ્રસંગમાં હાજર દરેક લોકો જોતા જ રહી જાય છે. સોશિયલ મીડિયા પર આ વીડિયોને યૂઝર્સ ખૂબ જ પસંદ કરી રહ્યા છે. એક યૂઝર્સે લખ્યુ કે ફોટોગ્રાફર જ્યારે પૂલમાં પડ્યો ત્યારે વરરાજાના એક્સપ્રેશન્સ જોવા જેવા હતા.
આ પણ વાંચો – Gold Price Today : શું હાલમાં છે સોનુ ખરીદવાનો ઉત્તમ સમય? જાણો શું છે આજના લેટેસ્ટ રેટ