Dance Viral Video : રોડ પર એકસાથે વીસેક જેટલા જોવા મળ્યા સાપ, લોકોએ સૌથી ઝેરી પ્રજાતિ ગણાવી કહ્યું,”લાગે છે કે આજે નાગમણી લઈને જ માનશે”

અત્યાર સુધી તમે ઘણા લોકોને લગ્ન અને સરઘસોમાં ડીજેના મ્યુઝિક પર જોરથી નાગીન ડાન્સ (Nagin Dance) કરતા જોયા હશે. પરંતુ શું તમે ક્યારેય લોકોને ટ્રકના હોર્નની ધૂન પર ઝૂમતા જોયા છે? જો ના જોયું હોય તો અત્યારે જ જોઈ લો. આ દિવસોમાં આવા જ એક વીડિયોએ સોશિયલ મીડિયા પર ખૂબ જ ધૂમ મચાવી છે. જેમાં એક ટ્રકમેન હોર્ન (Truck Horn) વગાડતા હાઇવે પરથી આવતો હોય છે, ત્યારે ત્યાં હાજર રહેલા ઘણાં છોકરાઓ તેનો અવાજ સાંભળીને પહેલાં તેને રોકે છે. આ પછી, નાગિન હોર્ન વગાડીને તેની ધૂન પર નાચવાનું શરૂ કરે છે. આ વીડિયો કર્ણાટકનો (Karnataka) હોવાનું બતાવામાં આવી રહ્યું છે.

બાઈક રોડની બાજુમાં પાર્ક કરીને કર્યો મસ્તીથી ડાન્સ

આ વીડિયો માત્ર થોડીક સેકન્ડનો છે, પરંતુ સોશિયલ મીડિયાના લોકો તેને ખૂબ જ મસ્તીથી જોઈ રહી છે. વીડિયોની શરૂઆતમાં તમે જોઈ શકો છો કે ઘણા છોકરાઓ બાઇક લઈને રોડ પરથી પસાર થઈ રહ્યા છે અને ખૂબ ધમાલ કરી રહ્યા છે. જ્યારે તેમની પાછળ એક ટ્રક આવી રહી છે. તમે જોઈ શકો છો કે બધા છોકરાઓ તેમની બાઈક રોડની બાજુમાં પાર્ક કરે છે અને મસ્તીથી ડાન્સ કરવા લાગે છે. આ દરમિયાન, ટ્રક તેમની પાસે આવતાં જ છોકરાઓ તેના ડ્રાઈવરને ઈશારો કરે છે. આના પર ટ્રક ડ્રાઈવર નાગિન ડાન્સ સાથે હોર્ન વગાડવા લાગે છે. પછી શું…… રસ્તા પર વચ્ચે જ ટ્રક રોક્યા પછી છોકરાઓ એનર્જી સાથે નાગિન ડાન્સ કરવાનું શરૂ કરે છે. વીડિયોમાં કેટલાક છોકરાઓ ખુશીથી ચીસો પાડતાં જોઈ શકાય છે. તે જ સમયે, તેમાંથી એક, સાપની જેમ જ રસ્તા પર સરકીને નાગની જેમ નાચવા લાગે છે.

લોકોએ કાર્યવાહીની કરી માંગ

આ વીડિયો સોશિયલ મીડિયાના અલગ-અલગ પ્લેટફોર્મ પર જોરદાર શેર કરવામાં આવી રહ્યો છે. એક યુઝરે લખ્યું છે કે, જરૂરી નથી કે ડીજે વાલા બાબુ દરેક વખતે ડાન્સ કરવા માટે ગીત વગાડે. જ્યારે કોઈનો જોરદાર ડાન્સ આવે છે, ત્યારે તે પણ ટ્રકના હોર્નની ધૂનથી નાચવા લાગે છે. જો કે, ઘણા લોકો એવું પણ કહે છે કે, આ મ્યુઝિકલ હોર્નની આડઅસર છે. કેટલાક લોકોએ કેન્દ્રીય માર્ગ અને પરિવહન મંત્રી નીતિન ગડકરીને ટેગ કર્યા છે અને આ મામલે કાર્યવાહી કરવાની અપીલ કરી છે.