કહેવાય છે કે પ્રેમ જાતિ-ધર્મ કે રૂપ રંગ જોઈને નથી થતો. એ તો બસ થઈ જાય છે અને જેને થાય છે તેનો અહેસાસ માત્ર તે જ જાણી શકે છે. તમે જોયુ હશે કે અનેક કપલ એવા પણ હોય છે જે રંગરૂપની રીતે ઘણા અલગ હોય છે. પરંતુ બંને એકબીજાના પ્રેમમાં ગળાડૂબ હોય છે. આવા સાચો પ્રેમ મળવો થોડો મુશ્કેલ છે પરંતુ જેમને મળી જાય છે, તેઓ એકબીજાના જીવનસાથી જ બની જાય છ. પરંતુ આજકલ એક ઘણો જ અજીબોગરીબ કિસ્સો ચર્ચાનો વિષય બનેલો છે.
જેમાં મહિલાએ કોઈ વ્યક્તિ સાથે લગ્ન કરતા એક રઝાઈ સાથે લગ્ન કરી લીધા છે, તેની પાછળનું કારણ પણ ઘણુ નવાઈ પમાડે તેવુ છે. જે જાણીને આપને ખરેખર આશ્ચર્ય થશે. ડેલી સ્ટારના રિપોર્ટ અનુસાર ઈંગેન્ડની રહેનારી પાસ્કેલ સેલિક નામની આ મહિલાએ વર્ષ 2019માં વેલેન્ટાઈન્સ ડેના અવસરે એક રઝાઈ સાથે લગ્ન કર્યા હતા.
નવાઈની વાત એ છે કે તેનો એક બોયફ્રેન્ડ પણ છે. યુવતિ જેની સાથે લગ્ન કર્યા તે એક સિંગલ બેડની રઝાઈ છે. યુવતિ આ રઝાઈને તેની એકલતાની સાથીદાર માને છે. એવામાં તેમણે તેના બોયફ્રેન્ડ સાથે લગ્ન ન કરી એ રઝાઈ સાથે લગ્ન કરી લીધા. આ અજીબોગરીબ લગ્ન એક વીડિયોમાં સોશિયલ મીડિયા પર વાયરલ થઈ રહ્યો છે.
Pascale Sellick married her #duvet says her boyfriend is ‘very proud’ and not jealous pic.twitter.com/OFnaAWcr1M
— Patriot (@NamoTheBestPM) January 13, 2023
રિપોર્ટ્સ અનુસાર મહિલાએ આ લગ્નમાં ન ફક્ત તેમના પરિવારવાળા અને સંબંધીઓને આમંત્રણ આપ્યુ હતુ. પરંતુ તેમના બોયફ્રેન્ડને પણ બોલાવ્યો હતો. એક ઈન્ટરવ્યુમાં મહિલાએ જણાવ્યુ કે એવુ નથી કે તેની પાસે માત્ર આ એક જ રઝાઈ છે જેમની સાથે તેમણે લગ્ન કર્યા છે. તેની પાસે બીજી પણ ઘણી રઝાઈ છે. પરંતુ તેને આ સિંગલ બેડ રઝાઈ સાથે ખાસ લગાવ છે. આ રઝાઈ સાથે લગ્ન કરવા પાછળનો તેનો આશય એ છે કે તે દુનિયાને જાગૃત કરવા માગે છે કે ખુશ રહેવા માટે જરૂરી નથી કે કોઈ વ્યક્તિના બંધનમાં જ બંધાઈને રહેવુ જોઈએ.
મહિલાના જણાવ્યા મુજબ રઝાઈ સાથે લગ્ન કરવા અંગે તેના બોયફ્રેન્ડને કોઈ આપત્તિ નથી નોંધાવી. તેમણે કહ્યુ કે જ્યારે તે તેના બોયફ્રેન્ડ સાથે લગ્ન કરશે ત્યારે એક ડબલ બેડ રઝાઈ ખરીદી લેશે. પરંતુ તેની એ સિંગલ બેડ રઝાઈનો સાથ તે ક્યારેય નહીં છોડે.