Viral Video : કોલ્ડડ્રિંકસ દિવાની બે મધમાખીઓએ આ રીતે ખોલ્યું ફેન્ટાની બોટલનું ઢાંકણું

દરરોજ સોશયલ મીડિયા પર અનેક વીડિયો જોવા મળે છે. પરંતુ આમાંથી કેટલાક વીડિયો ખૂબ જ રસપ્રદ હોય છે. જેને જોઇને લોકો ચોંકી જાય છે. હાલ સોશિયલ મીડિયા પર આવો જ એક વીડિયો વાયરલ થઈ રહ્યો છે. વાયરલ વીડિયોમાં, જોઇ શકાય છે કે કોલ્ડડ્રિંક(Cold Drinks)દિવાની બે મધમાખી (Bees)ઓ ફેન્ટાની બોટલનું ઢાંકણું ખોલે છે. હાલ આ વીડિયો લોકોમાં ખૂબ લોકપ્રિય થઈ રહ્યો છે.

બે મધમાખીએ ખૂબ જ સરળતાથી ફેન્ટા બોટલનું ઢાંકણું ખોલ્યું

આ વીડિયોને એક ટ્વિટર હેન્ડલ @TheMichaelMoran એ શેર કર્યો છે. આ વીડિયો જોયા બાદ ઘણા લોકો ચોંકી ગયા હતા. ઘણી વખત ભલભલા લોકોને બોટલનું ઢાંકણ ખોલવામાં પરસેવો છૂટી જાય છે. ત્યારે આ વીડિયોમાં તમે જોઇ શકો છો કે બે મધમાખી(Bees)એ ખૂબ જ સરળતાથી ફેન્ટા બોટલનું ઢાંકણું ખોલ્યું છે. બોટલનું ઢાંકણું ખોલવા માટે, બે મધમાખીઓ બંને બાજુથી ધીરે ધીરે તેને ફેરવીને ઉપરની બાજુથી ઉપાડે છે.

Well, that's it for humanity. We've had a decent run but if bees have mastered the screw-top lid I think this is the beginning of the end. pic.twitter.com/XyHonJ2q73

— Michael Moran (@TheMichaelMoran) May 25, 2021

મધમાખી મસ્ત રીતે ફેન્ટાની બોટલનું ઢાંકણું ખોલે છે

સોશિયલ મીડિયા પર આ વીડિયો શેર થતાંની સાથે જ લોકોએ તેમની પ્રતિક્રિયાઓ પણ આપવાની શરૂ કરી દીધી હતી. આ વીડિયો જોયા પછી, એક યુઝર્સે એ કહ્યું કે તે ખરેખર માનવામાં ન આવે તેવું છે કે બે મધમાખીઓ કોલ્ડ ડ્રિંકસનું ઢાંકણું આટલી સરળતાથી ખોલી શકે છે. બીજા યુઝર્સેએ કહ્યું કે મેં આ પ્રથમ વખત જોયું છે. તે ખરેખર આશ્ચર્યજનક છે. આ સિવાય અન્ય ઘણા વપરાશકર્તાઓએ વિવિધ પ્રકારની ટિપ્પણીઓ કરી હતી.