બોલિવૂડ એક્ટ્રેસ વિદ્યા બાલન સોશિયલ મીડિયા પર ઘણી એક્ટિવ છે. ઇન્સ્ટાગ્રામ પર તે અવાર નવાર ફની વીડિયો પોસ્ટ કરીને ફેન્સનું મનોરંજન કરતી રહે છે અને ઘણી વાર તે વીડિયો દ્વારા ફેન્સ માટે ટિપ્સ શેર કરતી રહે છે. પરંતુ આ વખતે અભિનેત્રીએ ફની રીતે ચાહકોને એવી ટિપ્સ આપી છે કે તમે તમારું વીજળીનું બિલ વગર કોઈ પણ જાતની મહેનતે ઘટાડી શકશો.
જી હા, અભિનેત્રી વિદ્યા બાલન એક વિચાર લઈને આવી છે, જેમાં કેવી રીતે વીજળીનું બિલ ઓછું કરવું તે જણાવે છે. ત્યારે અભિનેત્રી વિજળીનું બિલ ઘટાડવાનો એકદમ સરળ ઉપાય લોકો સાથે શેર કર્યો છે જે સાંભળીને તમે પણ તમારી હસવું રોકી નહીં શકો. આ ફની વીડિયો પર ફેન્સ પોતાની પ્રતિક્રિયા આપી રહ્યા છે અને એક્ટ્રેસના આઈડિયા પર ફની કમેન્ટ્સ કરતા જોવા મળી રહ્યા છે.
ઈન્સ્ટાગ્રામ રીલ્સ પર વિડીયો શેર કરતા અભિનેત્રી વિદ્યા બાલને લખ્યું, “બત્તિયા બુજાઈ રખદી”. વાસ્તવમાં, વીડિયોની શરૂઆતમાં, એક વ્યક્તિ તેને પંજાબીમાં પૂછે છે કે તેનું વીજળીનું બિલ તેના બિલની સરખામણીમાં માત્ર ₹5000 જ કેમ આવ્યું, જ્યારે તેનું બિલ ₹35000 આવ્યુ છે. ત્યારે તે વ્યક્તિ અભિનેત્રીને પુછે છે કે એવું તે તેણે શું કર્યુ જેના કારણે તેનું બિલ ઓછું આવ્યું જેમાં અભિનેત્રી એકદમ ફની અંદાજમાં બિલને ફેકીને અભિનેત્રી સવાલના જવાબમાં બત્તિયાં બુઝાઈ રખદી ગીત પર ડાન્સ કરવાનું શરૂ કરે છે.
વિદ્યા બાલનના આ વીડિયો પર ઈન્ડસ્ટ્રીના મિત્રો અને ચાહકો કોમેન્ટ કરતા જોવા મળી રહ્યા છે. અભિનેત્રી શેફાલી શાહે લખ્યું કે, તમે ખૂબ જ ક્યૂટ છો. વિડિયો પર કોમેન્ટ કરતાં સેલિબ્રિટી ફોટોગ્રાફર ડબ્બુ રત્નાનીએ હાર્ટ ઈમોજી શેર કર્યું છે. જ્યારે એક ચાહકે લખ્યું, “હાહાહા સાચું! દર વખતે જ્યારે મારું વીજળી બિલ વધારે હોય, ત્યારે હું બધી લાઇટ અને પંખા બંધ રાખીને બેસી રહેવું જોઈએ. અન્ય એક પ્રશંસકે લખ્યું, “આ વીડિયો જોયા પછી હસવું રોકી નહીં શકું.” અભિનેત્રીની રીલ્સના વખાણ કરતા યુઝરે લખ્યું, “હાહાહા તમે હંમેશા અમને જબરદસ્ત સર્જનાત્મકતાથી હસાવશો.”
તમને જણાવી દઈએ કે, હાલમાં જ એક પાકિસ્તાની પ્રભાવકનો ડાન્સ વીડિયો વાયરલ થયા બાદ ‘બત્તિયા બુઝાઈ રાખી વે’ ગીત ખૂબ જ લોકપ્રિય થયું છે. તે જ સમયે, આ ગીતની રીલ્સ સોશિયલ મીડિયા પર વાયરલ થઈ રહી છે. તે જ સમયે, સેલેબ્સ પણ આ ટ્રેન્ડમાં જોડાયા છે.