વ્યક્તિની નજીક આવી ગયો દરિયાઈ સાપ, વાયરલ વીડિયો જોઈને છૂટી જશે તમને પરસેવો

કોઈ પણ વીડિયો (Video) હોય સોશિયલ મીડિયામાં (Social Media) વાયરલ થતાં જોવા મળે છે. હવે સોશિયલ મીડિયા પર વધુ એક વીડિયો ઝડપથી વાયરલ થઈ રહ્યો છે. આ વીડિયો ઓસ્ટ્રેલિયાનો છે. વીડિયોમાં એક ઓસ્ટ્રેલિયન માણસ પેડલ બોર્ડિંગ કરી રહ્યો હતો અને તે દરમિયાન તેણે દરિયાઈ સાપને તરતો જોયો હતો. યુટ્યુબર બ્રોડી મોસ ત્યારે આશ્ચર્યચકિત થયા હતા, જ્યારે દરિયાઈ સાપ તેમની પાસે આવ્યો હતો. તમને જણાવી દઈએ કે તેમનો આ વીડિયો દરેકને આશ્ચર્યચકિત કરે છે.

વીડિયોમાં દરિયાઈ સાપ ​​શેવાળ સુધી તરતો જોઈ શકાય છે, સાપ થોડી ક્ષણોમાં મોસની ​​નજીક આવે છે અને પેડલ બોર્ડ પર માથું મૂકે છે. ત્યારબાદ સાપને વળતો બતાવવામાં આવે છે. દરિયાઈ સાપને જોઈને બ્લોગર ખૂબ જ રોમાંચિત થઈ જાય છે.

મોસે શેર કરેલા વીડિયોમાં જોઈ શકાય છે કે સાપ સીધો તેની તરફ આવ્યો, તે કેટલો ડરામણો છે. તેમણે કહ્યું- દરિયાઈ સાપ તેમની તરફ આવે છે જ્યારે સામાન્ય રીતે તેઓ મનુષ્યોથી દૂર રહેવાનું પસંદ કરે છે. જો કે આ તેમનો પ્રજનનનો સમય છે અને તેથી તેઓ વધુ આક્રમક અને ઉત્સાહિત હોય છે. આ વર્ષનો એવો સમય ચાલી રહ્યો છે, જ્યારે તેઓ મનુષ્યને પણ કરડી શકે છે.

સોશિયલ મીડિયા યુઝરે પ્રતિક્રિયા આપી

હવે આ વીડિયો સોશિયલ મીડિયા પર દરેક વાયરલ પેજ પર જોવા મળી રહ્યો છે. આ સાથે યુઝર્સ પોતપોતાની પ્રતિક્રિયાઓ આપતી વખતે રમુજી કમેન્ટ પણ આપી રહ્યા છે. એક યુઝરે કમેન્ટ કરતી વખતે લખ્યું ‘આટલા નજીકથી દરિયાઈ સાપ ​​જોવો પણ ખૂબ જ ખતરનાક છે, ખરેખર મોસ તમારી પાસે ઘણી હિંમત છે’ અન્ય એક યુઝરે લખ્યું, ‘લાગે છે કે તે તેની ગર્લ ફ્રેન્ડને શોધી રહ્યો છે’ આ સિવાય બાકીના યુઝરે હાર્ટ ઈમોટિકોન અને તેના કેપ્શન વાંચતા હસતા ઈમોજી શેર કર્યા.

આ પણ વાંચો :સપ્ટેમ્બરની આ તારીખથી બેકાર થઈ જશે એન્ડ્રોઈડ ફોન! બચવા માટે કરો આ ઉપાય

આ પણ વાંચો :સપ્ટેમ્બરની આ તારીખથી બેકાર થઈ જશે એન્ડ્રોઈડ ફોન! બચવા માટે કરો આ ઉપાય