અલ્લાહ હુ અકબર – હું ફ્લાઇટને બોમ્બથી ઉડાવી દઈશ… લંડનથી ઉડતા વિમાનમાં મુસાફરે મચાવ્યો હંગામો, જુઓ Video

લંડનના લુટન એરપોર્ટથી ગ્લાસગો જતી ઇઝીજેટ એરલાઇન્સની ફ્લાઇટમાં એક ચોંકાવનારી ઘટના પ્રકાશમાં આવી છે. જેમાં ફ્લાઇટમાં હાજર એક મુસાફરે અચાનક હંગામો મચાવ્યો હતો. જેના કારણે ગભરાટ ફેલાયો હતો. જોરથી બૂમો પાડતા મુસાફરે વિમાનને બોમ્બથી ઉડાવી દેવાની ધમકી આપી હતી. તે વ્યક્તિએ અમેરિકા મુર્દાબાદના નારા લગાવ્યા હતા, અને ટ્રમ્પ મુર્દાબાદના નારા પણ લગાવ્યા હતા. આ કરનાર વ્યક્તિની ધરપકડ કરવામાં આવી છે અને તેની પૂછપરછ હજુ પણ ચાલી રહી છે.

જ્યારે આ ફ્લાઇટ ગ્લાસગો એરપોર્ટ પર ઉતરી ત્યારે ટ્રમ્પ મુર્દાબાદના નારા લગાવનાર વ્યક્તિની સ્કોટલેન્ડથી ધરપકડ કરવામાં આવી હતી. આ ઘટનાનો એક વીડિયો સોશિયલ મીડિયા પર વાયરલ થઈ રહ્યો છે. જેમાં તે વ્યક્તિ બૂમો પાડતો જોવા મળે છે કે હું વિમાનને બોમ્બથી ઉડાવી દઈશ. આ ઉપરાંત, તે વીડિયોમાં અમેરિકા મુર્દાબાદ, ટ્રમ્પ મુર્દાબાદ અને ‘અલ્લાહ હુ અકબર’ ના નારા પણ લગાવતો જોવા મળે છે. ત્યારબાદ ફ્લાઇટમાં હાજર અન્ય એક મુસાફરે તેને પકડી લીધો અને તેને નીચે પાડી દીધો.

‘DEATH to Trump’ and ‘ALLAHU AKBAR’ — man causes panic on flight

Says he’s going to ‘BOMB the plane’

SLAMMED to ground by passenger pic.twitter.com/mVYwXqx7Yr

— RT (@RT_com) July 27, 2025

મોટી અથડામણની શક્યતા ટળી ગઈ

તેની ઉંમર 41 વર્ષ હોવાનું કહેવાય છે. પોલીસના જણાવ્યા અનુસાર, ઇન્ટરનેટ પર વાયરલ થયેલા આ વીડિયોની તપાસ આતંકવાદ વિરોધી વિભાગ કરી રહ્યું છે. મીડીયા અહેવાલ મુજબ, ફ્લાઇટમાં હાજર તમામ મુસાફરો સુરક્ષિત છે, કોઈપણ મુસાફરને કોઈ નુકસાન થયું નથી. મુસાફરોની સલામતી સાથે કોઈ સમાધાન કરવામાં આવ્યું નથી.

અમેરિકાના રાષ્ટ્રપતિ ડોનાલ્ડ ટ્રમ્પ પાંચ દિવસના પ્રવાસે સ્કોટલેન્ડ ગયા છે. યુરોપિયન યુનિયનના વડા ઉર્સુલા વોન ડેર લેયેન સાથે ટ્રમ્પ દ્વારા કરવામાં આવેલા એક મહત્વપૂર્ણ કરાર હેઠળ, ટ્રાન્સએટલાન્ટિક ટેરિફ અંગેનો વિવાદ સમાપ્ત થઈ ગયો છે, જેના કારણે મોટા અથડામણની શક્યતા ટળી ગઈ છે. ટ્રમ્પની મુલાકાતનો પણ વિરોધ થઈ રહ્યો છે.

નોંધ : અહીં આપવામાં આવેલો વીડિયો સોશિયલ મીડિયામાં વાયરલ થયેલો છે અને ફક્ત આપની જાણકારી માટે છે. 

યુવતીએ 35 કિલો વજન ઘટાડ્યું, જાણી લો ઝડપથી વજન ઘટાડવાના 5 રહસ્યો, Video જોવા માટે અહીં ક્લિક કરો..