દરીયાની અંદર તરતી જોવા મળી રહસ્યમય માછલી, જુઓ અદ્ભૂત વાયરલ વીડિયો

આ વિશ્વમાં વિવિધ પ્રકારના લાખો જીવ છે, જેમાંથી ઘણા આપણે રોજેરોજ જોઈએ છીએ, પરંતુ ઘણા એવા છે, જે ખૂબ જ દુર્લભ છે. તેઓ માત્ર ક્યારેક જ જોવા મળે છે. ત્યારે પૃથ્વી પર અને સમુદ્રની ઊંડાઈમાં એવા કેટલાક જીવો રહે છે, જે બિલકુલ દેખાતા નથી અને જ્યારે પણ તેઓ દેખાય છે, ત્યારે તેઓ લોકોને આશ્ચર્યચકિત કરી દે છે. ક્યારેક એવા વિચિત્ર જીવો જોવા મળે છે, જેને જોઈને દરેકના હોશ ઉડી જાય છે. આજકાલ આને લગતો એક વીડિયો સોશિયલ મીડિયા પર વાયરલ થઈ રહ્યો છે, જેમાં એક ખૂબ જ વિચિત્ર પ્રાણી જોવા મળી રહ્યું છે. હવે આ વિચિત્ર પ્રાણીને જોઈને લોકો આશ્ચર્યમાં પડી ગયા છે, આખરે આ શું છે?

આ વિચિત્ર પ્રાણી કંઈક અંશે ઓક્ટોપસ જેવું લાગે છે, પરંતુ આ પ્રાણીના ઘણા પગ છે, જે પક્ષીઓની પાંખો જેવા દેખાય છે. સમુદ્રના ઊંડાણમાં, આ પાંખો જાણે હવામાં ઉડી રહી હોય તેમ ફફડી રહી છે. જે રીતે કહેવામાં આવી રહ્યું છે કે આ એક રહસ્યમય માછલી છે. વીડિયોમાં તમે જોઈ શકો છો કે આ માછલી કેટલી વિચિત્ર લાગે છે, જે કંઈક અંશે ઓક્ટોપસ અને જેલીફિશ જેવી લાગે છે.

સામાન્ય રીતે એવું માનવામાં આવે છે કે અવકાશમાં રહસ્યમય જીવો હોઈ શકે છે, પરંતુ આવા રહસ્યો સમુદ્રની અસીમ ઊંડાઈમાં છુપાયેલા છે, જેના વિશે પૃથ્વી પર રહેતા મનુષ્યો પણ આજ સુધી જાણી શક્યા નથી. આ રહસ્યમય માછલી પણ તેનું ઉદાહરણ બની શકે છે.

દરિયામાં સ્વિમિંગ કરતી આ રહસ્યમય માછલીનો વીડિયો સોશિયલ મીડિયા પ્લેટફોર્મ ટ્વિટર પર @OTerrifying નામની ID સાથે શેર કરવામાં આવ્યો છે અને કેપ્શનમાં લખ્યું છે, ‘રહસ્યમય માછલી પેસિફિક મહાસાગરમાં સ્વિમિંગ કરતી જોવા મળી છે’. માત્ર 20 સેકન્ડના આ વીડિયોને અત્યાર સુધીમાં 29 લાખ વખત જોવામાં આવ્યો છે, જ્યારે 1 લાખથી વધુ લોકોએ વીડિયોને લાઈક પણ કર્યો છે.

લોકોએ વીડિયો જોયા પછી અલગ-અલગ પ્રતિક્રિયાઓ આપી છે. એક યુઝરે લખ્યું છે કે ‘આ બ્લેક ફિન્સવાળી સ્ટારફિશ છે, તે કોઈ નવી માછલી નથી કે દુર્લભ માછલી નથી’, જ્યારે બીજા યુઝરે કહ્યું કે તે કદાચ એલિયન છે, ખબર નથી કે તે ક્યાંથી આવી છે.