આજના આધુનિક યુગમાં દરેક વ્યક્તિ પોતાની જાતને નવીનતમ ફેશન (Fashion Trend)થી અપડેટ રાખવા માંગે છે. બજારમાં જ્યારે કોઈ નવો ટ્રેન્ડ આવે છે ત્યારે લોકો તેને પોતાની સ્ટાઈલ સ્ટેટમેન્ટ (Style) બનાવે છે. પરંતુ ક્યારેક વિચિત્ર ફેશન ટ્રેન્ડ પણ જોવા મળે છે. હવે વાત આ જાપાની (japan) એક કંપનીની લઇ લો. આ કંપનીએ નવા સનગ્લાસ બજારમાં ઉતાર્યા છે, પરંતુ તેને પહેર્યા બાદ માત્ર આંખો જ નહીં પરંતુ તમારો આખો ચહેરો ઢંકાઇ જશે છે.
ZGHYBD નામની એક પ્રખ્યાત જાપાની કંપનીએ કહ્યું છે કે આ ચશ્મા પહેરવાથી તમારી આંખો તો સૂર્યના કિરણોથી સુરક્ષિત રહેશે જ, પરંતુ તે તમારો ચહેરો પણ ઢાંકી દેશે. કંપનીએ આ વિચિત્ર સનગ્લાસને બજારમાં ઉતારવા માટે દલીલ તો કરી છે, પરંતુ સવાલ એ થાય છે કે આખરે આવા ચશ્મા કોણ પહેરશે ?
તમને જણાવી દઈએ કે આ ચશ્મા ફેસ શીલ્ડ જેવા જ દેખાય છે. આ જોયા પછી તમારા મનમાં એ જ પ્રશ્ન આવશે કે આંખોની સુરક્ષા માટે આખો ચહેરો ઢાંકવાની શું જરૂર છે. કંપનીએ તેની કિંમત 2000 યેન રાખી છે.
ચશ્મામાં મોટા પોલરાઇઝ્ડ લેન્સનો ઉપયોગ કરવામાં આવ્યો છે. આ વિચિત્ર ચશ્મા જોયા પછી બધા કહી રહ્યા છે કે તે અન્ય લોકોનું ધ્યાન આકર્ષિત કરવા માટે રચાયેલ છે. કંપનીનો દાવો છે કે આ ચશ્મા કોઈપણ પ્રકારના દબાણનો સામનો કરી શકે છે. આ ચશ્મા વપરાશકર્તાને માત્ર પવન અને ધૂળથી જ બચાવશે નહીં, પરંતુ ધુમ્મસના દિવસોમાં પણ તેમનું વિઝન ક્લિયર રાખશે.
જો કે, નિયમિત સનગ્લાસની જેમ, તેમાં પણ યુવી પ્રોટેક્શન છે. આ ડિઝાઇન પાછળ કંપનીનું કહેવું છે કે આ વરસાદના દિવસોમાં પણ ગ્રાહકને પાણીના છાંટાથી બચાવશે. તે જ સમયે, જેમને સનસ્ક્રિન લગાવવાની આદત ન હોય તેમને ધ્યાનમાં રાખીને તેની રચના કરવામાં આવી છે.
આ પણ વાંચો –
આ પણ વાંચો –
આ પણ વાંચો –