Inspiring: પતિથી અલગ થયેલી બે સંતાનોની માતા અને સફાઈ કર્મીએ સિવિલ સર્વિસ પાસ કરી સમાજમાં આપ્યું પ્રેરણાદાયક ઉદાહરણ
પતિથી અલગ થયા પછી કોઈ પર નિર્ભર રહેવાને બદલે પોતે સ્વતંત્ર રહી આત્મનિર્ભર બનીને પોતાના બાળકોનો ઉછેર કરવો હતો.
Inspiring: માનવીનો સખત પરિશ્રમ એક દિવસ તેને સફળતાના શિખર પર જરૂર પહોચાડીને રહે છે. આજે આપણે અહી એક શ્રેષ્ઠ સફળતાની વાત કરવાની છે, જેમાં એક 40 વર્ષીય સિંગલ મધરે સિવિલ સર્વિસની એક્ઝામ પાસ કરીને સમાજમાં એક શ્રેષ્ઠ ઉદાહરણ પૂરું પાડ્યું છે.
રાજસ્થાન (Rajasthan) ની 40 વર્ષીય આશા કંડારા (Asha Kandara) બે બાળકોની સિંગલ મધર છે. આશાએ વર્ષ 2018 માં જ સિવિલ એક્ઝામ (Civil Service Exam) પાસ કરી દીધી હતી. જેનું રિઝલ્ટ 13 જુલાઈ, 2021 ના રોજ જાહેર થયું હતું. સફાઈ કર્મચારીથી RAS ઓફિસર બનવા માટે તેને અનેક મુશ્કેલીઓનો સામનો કરવો પડ્યો હતો. સફળતાના આ શિખર સાર કરવા માટે તને સખત મહેનત કરી હતી.
આશા વાત કરતાં કહે છે કે જીવનમાં ઘણું સહન કરીને આ મુકામ પર પહોંચી છે. પતિ સાથે છૂટા-છેડા, જાતિને લઈને આવતા અવરોધો, જેન્ડર બાયસ જેવી મુશ્કેલીઓએ જીવનમાં ઘણું શીખવી ગયું છે. આવી તમામ મુશ્કેલીઓ સામે હાર માની લેવાને બદલે સખત મહેનત કરીને મુશ્કેલીઓ સામે લડવાનું નક્કી કર્યું.
પતિથી અલગ થયા પછી કોઈ પર નિર્ભર રહેવાને બદલે પોતે સ્વતંત્ર રહી આત્મનિર્ભર બનીને પોતાના બાળકોનો ઉછેર કરવો હતો. તેને આશાએ ભણવાનું ચાલુ ચાલુ રાખ્યું અને વર્ષ 2017 માં ગ્રેજ્યુએશન પૂરું કર્યું. પોતાની સફળ યાત્રા વિષે વાત કરતા આશા જણાવે છે કે 2018 જોધપુર મ્યુનિસિપલ કોર્પોરેશનમાં સફાઈ કર્મચારીની નોકરી કરતાં કરતાં પણ નોકરીની તૈયારીઓ ચાલુ રાખી હતી.
આશાએ પ્રથમ પ્રયાસે જ પરીક્ષા પાસ કરી દીધી હતી. ત્યારબાદ અંતિમ પરિક્ષાની તૈયારીઓ શરૂ કરી દીધી હતી. મેયર અને સિનિયર ઓફિસરે આશાની આ સિદ્ધિ બદલ ભવ્ય સન્માન કર્યું હતું. એક સમયે સફાઈ કર્મીની નોકરી કરતી આશા આજે કોર્પોરેશનમાં ઓફિસર બનીને સમાજની લાખો કરોડો યુવતીઓને પ્રેરણા પૂરી પાડી રહી છે.
Published On - 2:32 pm, Tue, 20 July 21