IND Vs PAK: ભારતની રોમાંચક જીત પર ચાહકોએ વ્યક્ત કરી ખુશી, સોશિયલ મીડિયા પર રમુજી મીમ્સ થયા વાયરલ

India Vs Pakistan : ભારત અને પાકિસ્તાનની ક્રિકેટ ટીમ જ્યારે પણ વર્લ્ડ કપમાં એકબીજા સામે મેચ રમે છે, ત્યારે તે દિવસ તમામ ક્રિકેટ પ્રેમીઓ માટે યાદગાર બની જાય છે. આજે ટી-20 વર્લ્ડકપમાં ભારતીય ટીમે પોતાના અભિયાનની રોમાંચક અને શાનદાર શરુઆત કરી છે. પહેલી બેટિંગ કરતા પાકિસ્તાને 160 રનનો ટાર્ગેટ આપ્યો હતો, જેને ભારતે 6 વિકેટના નુકશાન સાથે રોમાંચક રીતે ચેઝ કરી લીધો હતો. આ જીત ભારતને છેલ્લા બોલે મળી હતી. જેના કારણે આ મેચ વધારે રોમાંચક બની ગઈ હતી. આ ટાર્ગેટ સુધી પહોંચવામાં વિરાટ કોહલી એ મહત્વની ભૂમિકા ભજવી હતી. તેણે 82 રન બનાવી ભારતના આ યાદગાર જીત અપાવી હતી. ભારતની જીતને લઈ સોશિયલ મીડિયા પર ઘણા રમૂજી મીમ્સ (Memes) વાયરલ થઈ રહ્યા છે.

આ રહ્યા એ વાયરલ મીમ્સ

ભારત પાકિસ્તાનની આ મેચ કદાચ તમામ ક્રિકેટ પ્રેમીઓને છેલ્લા શ્વાસ સુધી યાદ રહેશે. કોહલીની ધમાકેદાર વિરાટ ઈનિગ્સને કારણે ભારતે મેચ જીતી લીધી હતી. આ મેચના કારણે આખા દેશમાં આજથી જ દિવાળી જેવો માહોલ જામ્યો છે, આકાશમાં આતાશબાજીથી લઈને સોશિયલ મીડિયા પર ભારતની જીત સુધી ભારતીય ક્રિકેટ ફેન્સનો ઉત્સાહ અને ખુશી જોવા મળી રહી છે.