સોશિયલ મીડિયા (Social Media) પર ઘણી અવનવી વાનગીઓના વીડિયો વાયરલ (Viral Video) થતા હોય છે. આ વીડિયો જોઈને કેટલીકવાર લોકોને ગુસ્સો આવે છે કારણ કે આ વીડિયોમાં ફૂડ સાથે જે અવનવા પ્રયોગો કરવામાં આવે છે તે વિચિત્ર હોય છે. તમે ચોકલેટ મેગી, બ્લેક ઈડલી, મેગી મિલ્ક શેક, રસગુલ્લા બિરયાની વગેરેના વીડિયો તો જોયા જ હશે, પરંતુ હાલમાં જે વીડિયો વાયરલ થઈ રહ્યો છે તે લેટેસ્ટ છે.
ભારતનું એક પ્રખ્યાત સ્ટ્રીટ ફૂડ છે સમોસા, દેશમાં એવું કોઈ નહીં હોય જેમણે સમોસા ન ખાધા હોય. સમોસા એક એવી વાનગી છે જે ભારતમાં બધા જ રાજ્યોમાં મળે છે બસ એને બનાવવાની રીત અલગ અલગ હોય શકે છે. ભારતીય મીઠાઈની દુકાનો માટે સમોસા જેવા નાસ્તાની સાથે મીઠાઈઓનું વેચાણ કરવું અસામાન્ય નથી. જો કે શું તમે ક્યારેય કોઈને બંનેને મિશ્રિત કરતા જોયા છે?
હાલમાં આવો જ એક કિસ્સો સોશિયલ મીડિયા પર વાયરલ થઈ રહ્યો છે. એક દુકાનદારે ગુલાબ જામુન સમોસા વેચવાનું શરૂ કર્યું છે અને લોકોને આ જોઈને ખૂબ જ આશ્ચર્ય થાય છે, કારણ કે સામાન્ય રીતે સમોસાની અંદર બટાકાનો મસાલો જોવા મળે છે અથવા સ્ટફિંગમાં ચીઝ, શાકભાજી, પનીર વગેરે વપરાતું હોય છે.
જ્યારે ગરમ સમોસાની વાત આવે છે, ત્યારે લોકોને ક્રિસ્પી મેંદાના પડની અંદર ગરમ તીખો બટાકાનો મસાલો યાદ આવે છે, પરંતુ જો તેમાં બટાકાનો મસાલો ભરવાની જગ્યાએ ગુલાબ જામુન ભરવામાં આવે તો? હમણાં, ધ ફૂડી હેટના એક ફૂડ બ્લોગરે તાજેતરમાં આ પ્રયાસ કર્યો, ઈન્સ્ટાગ્રામ પર શેર કરાયેલા વીડિયોમાં તમે જોઈ શકો છો કે એક દુકાનદારે સમોસા માટેની રોટલી વણી અને તેમાં બટેટાના મસાલાની જગ્યાએ ગુલાબ જામુન ભર્યુ અને અંતમાં તેને ડીપ ફ્રાય કરી દીધુ.
જોકે બ્લોગરે જણાવ્યું ન હતું કે તેને આ વિચિત્ર વાનગી ક્યાંથી મળી છે, પરંતુ લોકોએ તેને સોશિયલ મીડિયા પર આવો વીડિયો બતાવવા બદલ બહાદુર ગણાવ્યો હતો અને સ્થળ જાહેર ન કરવા બદલ આભાર માન્યો હતો. જોકે કેટલાક લોકોને તે વિચિત્ર લાગી શકે છે. મીઠા સમોસાનો ખ્યાલ નવો નથી. આપણે અગાઉ ચોકલેટ સમોસા પાવ, ઓરિયો આઈસ્ક્રીમ સમોસા પણ જોયા છે.
આ પણ વાંચો –
આ પણ વાંચો –
આ પણ વાંચો –