Funny Viral Video : વ્યક્તિ કાર લઈને ગયો એડવેન્ચર પર, એક ક્ષણમાં ‘પાણી’ થઈ ગયું ચાલુ, લોકોએ કહ્યું – ધોઈ નાખી

કેટલાક લોકોને એડવેન્ચર કરવાનો ખૂબ શોખ હોય છે. જંગલોમાં ફરવાની, ઉંચા પહાડો પરથી કૂદવાની અને ડાઇવિંગ કરવાની બહુ મજા આવે છે. જો કે આ વસ્તુઓ ખતરનાક છે, જેમાં મૃત્યુનો ખતરો છે, પરંતુ કંઈક અલગ કરવા માટે લોકો આ જોખમ લેવા માટે પણ તૈયાર છે. ઘણી વખત લોકો સાહસ માટે કારને પર્વતીય વિસ્તારોમાં લઈ જાય છે, જ્યાં ડ્રાઇવિંગ એટલું જોખમી છે કે થોડી ભૂલ પણ જીવલેણ સાબિત થઈ શકે છે.

આ પણ વાંચો : Funny video : યુવરાજ સિંહને તેની માતાએ ઘરની બહાર કાઢી મૂક્યો, ફની વીડિયો જુઓ

આજકાલ સોશિયલ મીડિયા પર આને લગતો એક વીડિયો વાઈરલ થઈ રહ્યો છે, જેને ખતરનાક તો ન કહી શકાય, પરંતુ ફની ચોક્કસ કહી શકાય, કારણ કે આમાં વ્યક્તિ એડવેન્ચર દરમિયાન સંપૂર્ણપણે ‘પાણી-પાણી’ થઈ જાય છે.

વીડિયોમાં તમે જોઈ શકો છો કે કેવી રીતે વ્યક્તિ તેની મહિન્દ્રા કાર લઈને પહાડી વિસ્તારમાં ગયો હતો, જ્યાં તેણે ધોધ જોયો અને મજાનો અહેસાસ થયો. તે તરત જ કાર લઈને ધોધના નીચે પહોંચી ગયો, પરંતુ તે પછી તે પરેશાન થઈ ગયો. પહાડ પરથી પડતાં ઝરણાનું પાણી થોડીવારમાં કારની અંદર પડવા લાગ્યું. લીકેજને કારણે આખું વાહન ભીંજાઈ ગયું હતું. આગળની સીટ પર પાણી એવી રીતે પડ્યું કે ધોધ પર્વત પર નહીં પણ કારમાં જ હોય. આવી સ્થિતિમાં તે વ્યક્તિ ઝડપથી કાર લઈને આગળ વધ્યો. તેણે વિચાર્યું પણ નહીં હોય કે કાર બહારથી નહી પણ અંદરથી ધોવાઈ જશે. આ રીતે એડવેન્ચરને કારણે વ્યક્તિની કાર પાણીમાં ભરાઈ ગયું.

આ રમુજી વીડિયો જુઓ

આ રમુજી વીડિયો સોશિયલ મીડિયા પ્લેટફોર્મ ટ્વિટર પર @rsnairx નામના આઈડી સાથે શેર કરવામાં આવ્યો છે અને કેપ્શનમાં લખ્યું છે, ‘બિચારો મહિન્દ્રા લઈને એડવેન્ચર પર ગયો હતો પણ પ્લાન પર પાણી ફરી વળ્યું છે. માત્ર 45 સેકન્ડના આ વીડિયોને 8 લાખ 53 હજારથી વધુ વખત જોવામાં આવ્યો છે, જ્યારે વીડિયોને 6 હજારથી વધુ લોકોએ લાઈક પણ કર્યો છે.

લોકોએ વીડિયો જોયા પછી અલગ-અલગ પ્રતિક્રિયાઓ આપી છે. એક યુઝરે ફની રીતે લખ્યું છે કે, ‘જ્યારે તમે ખૂબ હોશિયાર થઈ જાઓ છો ત્યારે આવું થાય છે. ગાડી છે, કોઈ ધોધની નીચે લિરિલ સાબુની મોડલ નથી’, તેથી એક યુઝરે લખ્યું છે કે, આ વોટરફોલે તો ખરેખર કારને ધોઈ નાખી.