Viral video : બોલ કેચ કરવાના કૂતરાના કૌશલ્યથી પ્રભાવિત થયા ક્રિકેટના ભગવાન, ટ્વીટર પર શેર કરી કહી દીધી આ વાત

ભૂતપૂર્વ દિગ્ગજ સચિન તેંડુલકરનો પ્રાણીઓ પ્રત્યેનો પ્રેમ જાણીતો છે. માસ્ટર બ્લાસ્ટર સચિન તેંડુલકરે સોમવારે ટ્વિટર પર એક વીડિયો શેર કર્યો છે. આ વીડિયોમાં જોઈ શકાય છે કે બે બાળકો કૂતરા સાથે ક્રિકેટ રમી રહ્યા છે. ભારતીય ટીમના મહાન બેટ્સમેન સચિન તેંડુલકરે અહીં બાળકના નહીં પરંતુ એક કૂતરાના વખાણ કર્યા છે, કારણ કે આ કૂતરો પણ બોલને પકડીને દૂરથી લાવે છે. સોશિયલ મીડિયા પર આ કૂતરાનું કૌશલ્ય જોઈને દરેક લોકો આશ્ચર્યચકિત થઈ જાય છે.

ઈન્ટરનેશનલ ક્રિકેટમાં 100 સદીનો વર્લ્ડ રેકોર્ડ બનાવનાર સચિન તેંડુલકરે વિડિયો ટ્વીટ કરીને લખ્યું, “આ એક મિત્ર પાસેથી મળ્યું અને મારે કહેવું જ જોઈએ કે તેની પાસે ‘ઝડપી’ બોલને પકડવાની કુશળતા છે. અમારી પાસે ક્રિકેટમાં વિકેટકીપર, ફિલ્ડર અને ઓલરાઉન્ડર જોયા છે, પણ તમે તેને શું નામ આપશો?”

સચિન તેંડુલકરે ફેન્સને આ સવાલ એટલા માટે પૂછ્યો છે કારણ કે આ કૂતરો પહેલા વિકેટકીપિંગ કરે છે અને શાર્પ કેચ પકડે છે. આ પછી જ્યારે બોલ મિડ-વિકેટમાં જાય છે, ત્યારે કૂતરો પોતે બોલને પકડવા દોડે છે અને ઝડપથી બોલ લાવે છે અને ફિલ્ડરને આપે છે. જ્યાં બોલ જાય છે ત્યાં કૂતરો વિકેટકીપિંગ છોડીને તેના માટે દોડે છે.

નોંધનીય છે કે આ પહેલા સચિન તેંડુલકરે એક નાના બાળકનો વીડિયો શેર કર્યો હતો. જે તેના લેગ સ્પિનથી બેટ્સમેનને પરેશાન કરી રહ્યો હતો. નાના બાળકના બોલમાં એટલો ટર્ન હતો કે બોલને લેગ સ્ટમ્પની બહાર પિચ કર્યા પછી પણ બોલ સ્ટમ્પને અથડાતો હતો. તે પ્રતિભાશાળી બાળકના ક્રિકેટના ભગવાન કહેવાતા સચિન તેંડુલકરે પણ વખાણ કર્યા હતા.

આ પણ વાંચો : Ramayana Circuit Train: સાધુ-સંતોની ચેતવણી બાદ IRCTCએ વેઈટરોના ભગવા ડ્રેસ બદલ્યા, હવે પહેરશે આવા કપડાં

આ પણ વાંચો : Corona vaccine ના બૂસ્ટર ડોઝ અંગે કોઈ વૈજ્ઞાનિક પુરાવા નથી, ICMR ડાયરેક્ટર જનરલે કર્યો આ મોટો દાવો