Funny Video: ટીવીમાં કૂતરાને જોઈ બિલાડીની હાલત થઈ ખરાબ, એ રીતે ભાગી જે જોઈ હસવું નહીં રોકી શકો

પ્રાણીઓની ક્રિયાઓ પણ ખૂબ વિચિત્ર છે. તે કોઈ વાત પર એવી રીતે પ્રતિક્રિયા આપે છે, જેને જોઈને જ લોકો હસતા રહી જાય છે. આપણે દરરોજ ટીવી જોતા હોઈએ છીએ અને જો આપણા ઘરમાં કૂતરા (Dog Video)અને બિલાડી જેવા પાળતુ પ્રાણી હોય તો ક્યારેક તેઓ પણ આરામથી સોફા અથવા બેડ પર બેસીને ટીવી જુએ છે. તમે સોશિયલ મીડિયા પર આવા ઘણા વીડિયો જોયા હશે, જેમાં આ પાલતુ પ્રાણીઓ ટીવી પર અલગ-અલગ વસ્તુઓ જોતા જોવા મળે છે. તેમના માટે ટીવીમાં બતાવવામાં આવતી વસ્તુઓ ખૂબ જ આશ્ચર્યજનક છે.

ઘણીવાર એવું જોવા મળે છે કે આ પ્રાણીઓ પણ ટીવીમાં દેખાતી વસ્તુઓને સાચી માની લે છે. આવો જ એક વીડિયો આજકાલ સોશિયલ મીડિયા પર વાઈરલ (Viral Media)થઈ રહ્યો છે, જેમાં ટીવી પર દેખાડવામાં આવેલા એક સીનએ બિલાડીની હાલત બગાડી નાખી અને તે વિલંબ કર્યા વિના ત્યાંથી ભાગી જાય છે.

Poor kitty cat.. 😂 pic.twitter.com/XNlapUHHzZ

— Buitengebieden (@buitengebieden_) April 23, 2022

ખરેખર, આ વીડિયોમાં એક બિલાડી ખૂબ જ ધ્યાનથી ટીવી જોઈ રહી છે. તેમાં કાર્ટૂન ‘ટોમ એન્ડ જેરી’ ચાલી રહ્યું છે. હવે કાર્ટૂનમાં એક કૂતરો ભસવાનું શરૂ કરે કે તરત જ ટીવી જોતી બિલાડીની હાલત પણ ખરાબ થઈ જાય છે અને તે ઝડપથી ત્યાંથી ભાગી જાય છે.

આપણે જાણીએ છીએ કે તે ટીવી છે અને તેમાં બતાવવામાં આવેલી વસ્તુઓ ક્યારેય બહાર આવતી નથી, પરંતુ બિલાડીને કોણ સમજાવે. તેને લાગે છે કે ટીવીમાં પણ વાસ્તવિક પ્રાણીઓ છે, જે બહાર પણ આવે છે. એટલા માટે બિલાડી પોતાનો જીવ બચાવવા ટીવી પાસેથી ભાગી જાય છે. આ વીડિયો ખૂબ જ ફની છે, જેને જોઈને તમે હસીને લોટપોટ થઈ જશો.

આ ફની વીડિયો(Funny Video)ને સોશિયલ મીડિયા પ્લેટફોર્મ ટ્વિટર પર @buitengebieden_ નામથી શેર કરવામાં આવ્યો છે અને કેપ્શનમાં લખ્યું છે, ‘બિચારી બિલાડી’. માત્ર 10 સેકન્ડના આ વીડિયોને અત્યાર સુધીમાં 8 લાખ 54 હજારથી વધુ વ્યૂઝ મળી ચૂક્યા છે, જ્યારે વીડિયોને 43 હજારથી વધુ લોકોએ લાઈક પણ કર્યો છે. તે જ સમયે, લોકોએ વીડિયો જોયા પછી વિવિધ પ્રકારની પ્રતિક્રિયાઓ આપી છે. જો કોઈએ આ વીડિયો ફેક હોવાનું કહ્યું છે તો કોઈ તેને જોયા બાદ હસવું રોકી શકતું નથી.

આ પણ વાંચો: Viral Video: બાળક અને ઘોડાનો પ્રેમ ભરેલો વીડિયો સોશિયલ મીડિયા પર થયો વાયરલ, જૂઓ આ પ્રેમ ભર્યો વીડિયો

આ પણ વાંચો: Viral: એક હાથમાં દેશ સેવા એક હાથમાં જનસેવા, સિપાહીએ ગર્ભવતી મહિલાને સમયસર પહોંચાડી હોસ્પિટલ

વધુ સમાચાર વાંચવા માટે અમારી ટ્વીટર કોમ્યુનિટીમાં જોડાવા અહીં ક્લિક કરો