કેટલીકવાર એવી કેટલીક ઘટનાઓ બને છે, જેનાથી લોકો હસવા લાગે છે, પરંતુ એવું ભાગ્યે જ જોવા મળે છે કે એન્કર ફની ન્યૂઝ વાંચતા કે બોલતા હસવા લાગે છે. તમે જોયું જ હશે કે જ્યારે પણ એન્કર સમાચાર બોલે છે, પછી ભલે તે સમાચાર ફની (Funny Video)હોય કે ગંભીર, પરંતુ તેમના ચહેરાના હાવભાવ સરખા જ દેખાય છે. હા, કેટલાક એન્કર એવા હોય છે જેમના ચહેરા પર થોડું સ્મિત હોય છે, પરંતુ તમે ભાગ્યે જ કોઈ એન્કરને લાઈવ ન્યૂઝમાં હસતા જોયા હશે અને તે પણ ન્યૂઝ બોલતી વખતે. આજકાલ સોશિયલ મીડિયા પર આવો જ એક વીડિયો વાયરલ (Viral Video)થઈ રહ્યો છે, જેને જોયા પછી તમે ચોક્કસ હસવા લાગશો.
વાસ્તવમાં, મામલો જ એટલો ફની છે કે એન્કર તો શું કોઈ પણ હસવા માટે મજબૂર થઈ જાય. વીડિયોમાં તમે જોઈ શકો છો કે એન્કર ખૂબ જ સીરીયસ મૂડમાં ન્યૂઝ વાંચે છે અને લગભગ 30 સેકન્ડ સુધી ન્યૂઝ વિશે જણાવ્યા બાદ તે પોતાનું હાસ્ય રોકી શકતો નથી. તે માથું નીચું કરે છે અને મોટેથી હસવા લાગે છે. પછી તે વચ્ચેના સમાચારો વિશે વધુ કહેવાનો પ્રયત્ન કરે છે, પરંતુ તેનું હાસ્ય અટકવાનું નામ નહોતું લેતું. તે હસ્યા જ કરે છે. લગભગ 1 મિનિટના આ વીડિયોમાં તે અડધી મિનિટ સુધી હસતો રહ્યો.
जब ऐंकर को भी ख़बर में मज़ा आ जाए!
कोई दो सौ की गति पर कार चलाता पकड़ा गया, जुर्माना नहीं भरा, अदालत में बोला मैं सब काम तेज़ी से करता हूँ तो जज साहब ने फ़ैसला सुनाते हुए फ़रमाया कि देखते हैं छह महीने की जेल की सज़ा कितनी तेज़ी से काटकर आते हो! pic.twitter.com/OTXyC6x6fe— Om Thanvi | ओम थानवी (@omthanvi) August 4, 2022
એન્કર જણાવે છે કે 57 વર્ષના એક વ્યક્તિને 200 કિલોમીટર પ્રતિ કલાકની ઝડપે ગાડી ચલાવતા પોલીસે પકડી લીધો હતો અને દંડ ફટકાર્યો હતો, પરંતુ તેણે દંડ ભર્યો નહોતો. આ કારણે તેને કોર્ટમાં રજૂ કરવામાં આવ્યો, જ્યાં તેણે કહ્યું કે હું તમામ કામ ઝડપથી કરું છું. પછી શું, ન્યાયાધીશે ઝડપથી નિર્ણય સંભળાવતા કહ્યું કે ‘ચાલો જોઈએ કે તમે છ મહિનાની જેલની સજા કેટલી ઝડપથી ભોગવીને આવો છો!’
એન્કરનો આ ફની વીડિયો વરિષ્ઠ પત્રકાર અને લેખક ઓમ થાનવી(Om Thanvi)એ પોતાના ટ્વિટર હેન્ડલ પર શેર કર્યો છે અને આ બાબતનો ખુલાસો કરતા લખ્યું છે કે, ‘જ્યારે એન્કર પણ સમાચારનો આનંદ લે છે!’ લોકો આ વીડિયોને ખૂબ પસંદ કરી રહ્યા છે. અત્યાર સુધીમાં તેને એક લાખથી વધુ વ્યૂઝ મળી ચૂક્યા છે.