‘લૈન્ડ કરા દે…’ ના ભાઈ યાદ હશે. જો તમે નથી જાણતા તો તમને જણાવી દઈએ કે થોડા સમય પહેલા સોશિયલ મીડિયા પર એક સાથી પેરાગ્લાઈડિંગનો વીડિયો ખૂબ વાયરલ થયો હતો. જેમાં વિપિન કુમાર (Vipin Kumar) નામનો આ વ્યક્તિ એટલો નર્વસ થઈ ગયો હતો કે તેણે બૂમો પાડવાનું શરૂ કરી દીધું હતું અને પેરાગ્લાઈડરને વારંવાર કહી રહ્યો હતો કે ભાઈ 200 રૂપિયા કે તેથી વધુ લઈ લો પણ મને ઉતારી દો. હવે એક્ટ્રેસ આલિયા ભટ્ટે (Alia Bhatt) આ ફેમસ વીડિયોને રિક્રિએટ કર્યો છે, જેનો વીડિયો ખૂબ જ વાયરલ થઈ રહ્યો છે. આ વીડિયો ખરેખર ચોકલેટ બ્રાન્ડની જાહેરાતનો ભાગ છે. જેમાં આલિયા પણ વિપિન સાથે પેરાગ્લાઈડિંગ (Alia Bhat Paragliding Video) કરતી જોવા મળે છે.
વાયરલ થઈ રહેલા વીડિયોમાં વિપિન સેલ્ફી સ્ટીક સાથે વીડિયો શૂટ કરતી વખતે પેરાગ્લાઈડિંગ કરતા જોઈ શકાય છે. આ દરમિયાન તેણે તે જ લાઇન્સનું પુનરાવર્તન કર્યું, જે તેણે 2019માં વાયરલ થયેલા તેના વીડિયોમાં કહ્યું હતું. નવા વીડિયોમાં આલિયા ભટ્ટ ફ્લાઈંગ ઈન્સ્ટ્રક્ટરની ભૂમિકામાં જોવા મળી રહી છે. વિપિન વીડિયોમાં કહે છે- ચારેબાજુ ધુમ્મસ છે… હું પાગલ હતો જે આમાં આવ્યો. ભાઈ, મારે લાંબી સવારી નથી કરવી. 500થી વધુ રૂપિયા લઈ લો પણ મને નીચે ઉતારો. આ પછી, આલિયા વિપિનને શાંત કરવા માટે એક ચોકલેટ બહાર કાઢે છે અને કહે છે – પર્ક ખાઓ ઔર લાઈટ હો જાઓ.
વિપિન કુમારે પોતે આ વીડિયો પોતાના ઈન્સ્ટાગ્રામ એકાઉન્ટ પર શેયર કર્યો છે. તેણે કેપ્શનમાં લખ્યું, કોણે કહ્યું કે, એક મીમ ઊંચાઈ નથી મેળવી શકતો? કોણે કહ્યું કે, મીમનું જીવન માત્ર એક-બે મહિનાનું છે? આજે જુઓ, આ બધી બકવાસ વાતોને નકારીને હું આલિયા ભટ્ટ સાથે શૂટિંગ કરી રહ્યો છું.
વિપિને આ તક માટે અભિનેત્રી આલિયા ભટ્ટ અને કેડબરીનો પણ આભાર માન્યો છે. વિપિને લખ્યું છે કે, આલિયાજી તમારી સાથે શૂટિંગ કરવું મારા માટે સપના જેવું છે. શૂટિંગ દરમિયાન હું ખૂબ જ નર્વસ હતો. કારણ કે મેં ક્યારેય કલ્પના નહોતી કરી કે એક દિવસ આપણે બંને સાથે બેસીને વાત કરીશું. 7 મેના રોજ શેયર કરાયેલા આ વીડિયોને અત્યાર સુધીમાં 95 હજારથી વધુ લોકોએ લાઈક કર્યો છે. આ સિવાય પણ ઘણા લોકોએ પોતાના ફીડબેક આપ્યા છે. દરેક વ્યક્તિ વિપિનને શુભેચ્છા પાઠવી રહી છે.