જીભ પર વાળ કેમ ઉગ્યા અને તેનો રંગ કેમ બદલાઈ ગયો, અમેરિકી મહિલાએ જણાવી પોતાની આપવીતી

જીભ પર વાળ કેમ ઉગ્યા અને તેનો રંગ કેમ બદલાઈ ગયો, અમેરિકી મહિલાએ જણાવી પોતાની આપવીતી
Cameron Newsom

અમેરિકામાં રહેતી 42 વર્ષીય કેમરન ન્યુઝમ કહે છે કે કેન્સરની સારવાર દરમિયાન તેની જીભના એક ભાગમાં વાળ ઉગી ગયા હતા. તેણે તે ભાગમાંથી સ્વાદ અનુભવવાનું બંધ થઈ ગયું હતું. જીભનો રંગ પણ બદલાઈ ગયો હતો. જાણો આવું કેમ થયું?

TV9 GUJARATI

| Edited By: Pankaj Tamboliya

Jan 24, 2022 | 10:45 AM

અમેરિકામાં રહેતી 42 વર્ષીય કેમરન ન્યુઝમ કહે છે કે કેન્સર (Cancer)ની સારવાર દરમિયાન તેની જીભ (Tongue)ના એક ભાગમાં વાળ ઉગી ગયા હતા. તેણે તે ભાગમાંથી સ્વાદ અનુભવવાનું બંધ કરી દીધું હતું. જીભનો રંગ પણ બદલાઈ ગયો હતો. તેણે ટિકટોક પર શેર કરેલા વીડિયોમાં આ વાતનો ખુલાસો કર્યો છે. તેણી કહે છે કે 2013માં તેણીને સ્કવામસ સેલ કાર્સિનોમા (Squamous Cell Carcinoma) નામનું ત્વચા કેન્સર હોવાનું નિદાન થયું હતું. કેન્સરની પ્રથમ અસર જીભમાંથી જ દેખાવા લાગી. જીભમાં એક સ્પોટ દેખાયો અને પીડા જેવું લાગ્યું. જ્યારે તેની તપાસ કરવામાં આવી તો રિપોર્ટ નેગેટિવ આવ્યો. કેન્સરની પુષ્ટિ થઈ ન હતી. જ્યારે ખરેખર કેન્સરની શરૂઆત અહીંથી જ થઈ હતી.

બે વખત કેન્સરનો રિપોર્ટ નેગેટિવ આવ્યો

કેમેરોન કહે છે કે, પ્રથમ ટેસ્ટ નેગેટિવ આવ્યાના એક વર્ષ બાદ ફરીથી જીભ પર સફેદ નિશાન દેખાયા, પરંતુ આ વખતે પણ રિપોર્ટમાં કંઈ મળ્યું નથી. જ્યારે ધીમે ધીમે દુખાવો એટલો વધી ગયો કે કંઈપણ ખાવું કે પીવું મુશ્કેલ થઈ ગયું, ત્યારે એન્ટિબાયોટિક્સ આપવામાં આવી. દવાઓ લીધા પછી, દુખાવો સહન કરવાની ક્ષમતા બહાર થઈ ગયો અને ત્યાં ગુલાબી રંગની ટ્યૂમર વિકસિત થઈ ગયું. ત્રીજી વખત ટેસ્ટ કરાવતા તેમાં કેન્સરની પુષ્ટિ થઈ હતી.

જીભની સર્જરી સાડા નવ કલાક સુધી ચાલી

મે 2013માં કેન્સરના ચોથા તબક્કાની પુષ્ટિ થઈ. જ્યારે તેમને આ વિશે ખબર પડી તો એવું લાગ્યું કે કોઈએ મૃત્યુદંડની સજા ફટકારી છે. તેણી કહે છે કીમોથેરાપીના 3 રાઉન્ડ પછી જીભની ગાંઠ સંકોચાઈ ગઈ હતી, તેમ છતાં બોલવું મુશ્કેલ બન્યું હતું. જીભની ડાબી બાજુની ગાંઠને દૂર કરવા માટે સર્જરી સાડા નવ કલાક ચાલી હતી. આ ભાગને જીભનો આકાર આપવા માટે જાંઘમાંથી એક ટુકડો કાપી લગાવવામાં આવ્યો હતો.

જીભની ડાબી બાજુ સ્વાદ ન અનુભવાયો

કેમેરોન કહે છે, સૌથી ખરાબ બાબત એ હતી કે જ્યારે જીભને શરીરના બીજા ભાગની ચામડી જેવી લાગણી થાય છે, ત્યારે તે વિચિત્ર લાગ્યું હતું. થોડા સમય પછી અરીસામાં જોતી વખતે મેં જોયું કે મારી જીભ પર વાળ વધી રહ્યા છે. આ જ કારણ છે કે જીભની ડાબી બાજુથી સ્વાદ મળતો નથી.

સ્ક્વૈમસ સેલ કાર્સિનોમા શું છે જેની સામે કેમેરોન લડી રહ્યા હતા

હેલ્થલાઈન રિપોર્ટ કહે છે કે સ્કવામસ સેલ કાર્સિનોમા એક પ્રકારનું ત્વચા કેન્સર છે. આ પ્રકારનું કેન્સર શરીરના એક ભાગમાં શરૂ થાય છે અને બાકીના ભાગમાં ફેલાય છે. તે 0થી 4 તબક્કા ધરાવે છે. ચોથા તબક્કાનો અર્થ છે કે ત્વચા સિવાય તે અંદરના ભાગમાં પણ ફેલાય છે. આ કેન્સરની અસર ચહેરા, માથાની ચામડી, હાથ અને પગની આંગળીઓમાં વધુ જોવા મળે છે. શરીરમાં તેની શરૂઆત ઘા તરીકે દેખાય છે. તેની મોટાભાગની ગાંઠો ત્વચાના નીચેના ભાગમાં વિકસે છે. તેથી, એકવાર સારવાર કર્યા પછી તે ફરી થવાનું જોખમ પણ છે.

આ પણ વાંચો: Viral: વાયરલ ફોટોમાં કેટલા હાથી છે તેનો નથી ઉકેલાતો ભેદ, ફોટો જોઈ સોશિયલ મીડિયા યુઝર્સ છે કન્ફ્યૂઝ

આ પણ વાંચો: ખેતી સાથે આ વ્યવસાય અપનાવી ખેડૂતો કરી શકે છે સારી કમાણી, જાણો કેવી રીતે

Follow us on

Related Stories

Most Read Stories

Click on your DTH Provider to Add TV9 Gujarati