Bird Video: અરે આ શું ! રંગ બદલતું પક્ષી? ભાગ્યે જ તમે આવું રિયલ લાઈફમાં જોયું હશે, વીડિયો જોઈને લોકો થયા મંત્રમુગ્ધ
આપણે ક્યારેક એવું સાંભળ્યું હશે કે કાંચિડો પોતાનો રંગ બદલે છે, પણ એક પક્ષીનો રંગ બદલતો (Birds Changing Color) તાજેતરનો એક વીડિયો ઇન્ટરનેટ પર વાયરલ થયો છે અને તેને જોઈને યુઝર્સ બધા મંત્રમુગ્ધ થઈ ગયા છે.
સોશિયલ મીડિયા (Social Media) એ વાયરલ વીડિયોનો ખજાનો છે. અવાર-નવાર આવા ફની વીડિયો અહીં વાયરલ થાય છે. જે લોકોનું ખૂબ મનોરંજન કરે છે. લોકો હસવા-ગલીપચી કરતા વીડિયો પણ પસંદ કરે છે. જો કે ક્યારેક આવા વીડિયો પણ વાયરલ થઈ જાય છે, જે જોઈને ખૂબ જ આશ્ચર્ય થાય છે. હાલના દિવસોમાં આવો જ એક વીડિયો સામે આવ્યો છે. આપણે ક્યારેક એવું સાંભળ્યું હશે કે કાંચિડો પોતાનો રંગ બદલે છે, પણ એક પક્ષીનો રંગ બદલતો (Birds Changing Color) તાજેતરનો એક વીડિયો ઇન્ટરનેટ પર વાયરલ થયો છે અને તેને જોઈને યુઝર્સ બધા સ્તબ્ધ થઈ ગયા છે.
હમીંગબર્ડ આકર્ષક સુંદર નાના પક્ષીઓ છે. સુરકાવ અથવા અન્ના પક્ષીનો એક વીડિયો વાયરલ થઈ રહ્યો છે જેમાં તે તેના માથાના દરેક વળાંક સાથે તેનો રંગ બદલતો જોવા મળે છે. સુરકાવ હમીંગબર્ડ પરિવારનો છે અને તેને ‘કલર ચેન્જિંગ બર્ડ’ કહેવામાં આવે છે કારણ કે તે દર સેકન્ડે રંગ બદલી શકે છે. આ પક્ષી લાલ માથું ધરાવતું એકમાત્ર ઉત્તર અમેરિકાનું હમીંગબર્ડ છે.
વીડિયોએ યુઝર્સને કર્યા મંત્રમુગ્ધ
ટ્વિટર પર શેર કરવામાં આવેલ વીડિયોમાં એક નાનું પક્ષી માણસના હાથ પર બેઠેલું જોવા મળે છે. પંખી અહીં-ત્યાં માથું હલાવતું રહે છે. પક્ષી દરેક વળાંક સાથે તેનો રંગ બદલે છે. પક્ષી ઝડપથી તેનો રંગ નારંગી-ગુલાબીથી કાળાથી વાયોલેટ-ગુલાબીમાં બદલાતો જોઈ શકાય છે. પક્ષીને આવા સુંદર પીંછામાં રંગો બદલતા જોઈને આ વીડિયોએ યુઝર્સને મંત્રમુગ્ધ કરી દીધા છે.
પક્ષીના પીછાઓના જે રંગ બદલવાની વિવિધતા દેખાય છે, તે પીછાંઓની ટોચ પરના કેરાટીન સ્તરોને કારણે છે. જે ચળકતા અને પાતળા હોય છે.
અહીં જૂઓ આ સુંદર વીડિયો…
From #BirdMonday
Hummingbird showcases reflective feather colour changes. pic.twitter.com/yICKE6uqfw— Crash MacDuff🏴⚔️【ツ】 (@___MacDuff___) June 7, 2022
આ વીડિયોને ટ્વિટર પર @_MacDuff_ નામના એકાઉન્ટ દ્વારા શેર કરવામાં આવ્યો છે. સમાચાર લખાય છે ત્યાં સુધીમાં ઘણા લોકોએ આ વીડિયોને લાઈક કર્યો છે. આ સિવાય સોશિયલ મીડિયા યુઝર્સે આ ક્લિપ પર કોમેન્ટ્સ દ્વારા પોતાનો પ્રતિભાવ આપ્યો છે. લોકો આ વીડિયોને ખૂબ જ સુંદર કહી રહ્યા છે અને કુદરતના સર્જનના વખાણ કરી રહ્યા છે.
વીડિયો પર કોમેન્ટ કરતાં એક યૂઝરે લખ્યું, ‘ખૂબ જ સુંદર.’ જ્યારે અન્ય એક યુઝરે લખ્યું, ‘Thank god for your beautiful creations. અન્ય એક યુઝર્સે કહ્યું, ‘કુદરતની 3D ઈફેક્ટ’. તમારી જાણકારી માટે તમને જણાવી દઈએ કે આ પક્ષીની ઓળખ ‘સુરકાવ’ પ્રજાતિના પક્ષી તરીકે કરવામાં આવી છે. આ ખાસ પક્ષીની કિંમત ઉત્તર અમેરિકામાં $37,000 છે, જે ભારતમાં લગભગ 28.8 લાખ રૂપિયા છે.