Viral Video : આ દિવસોમાં એક 80 વર્ષના કાશ્મીરી મહિલાનો વીડિયો સોશિયલ મીડિયા (Social Media) પર ખૂબ વાયરલ થઈ રહ્યો છે. આ વીડિયોમાં તે સ્પષ્ટ રીતે અંગ્રેજીના(English) કેટલાક શબ્દો બોલતા જોવા મળી રહ્યા છે. અત્યાર સુધી જેણે પણ આ ક્યૂટ વીડિયો જોયો છે તે બધા દંગ રહી ગયા છે. કાશ્મીરી ભાષામાં ફળો, શાકભાજી અને પ્રાણીઓના નામ પૂછવામાં આવે છે. ત્યારે આ દાદીજી તેનો જવાબ આપતા જોવા મળે છે.
37 સેકન્ડનો વીડિયો સૈયદ સ્લીત શાહ (Syed Sleet Shah )દ્વારા સોશિયલ મીડિયા પ્લેટફોર્મ ટ્વિટર પર શેર કરવામાં આવ્યો હતો. વાયરલ થઈ રહેલા આ વીડિયોમાં જોઈ શકાય છે કે યુવક કાશ્મીરી ભાષામાં કેટલાક ફળો, શાકભાજી અને પ્રાણીઓના નામ કહે છે અને પરંપરાગત પોશાકમાં તેની 80 વર્ષીય દાદીને તેમના અંગ્રેજી નામ આપવાનું કહે છે. જો કે, જ્યારે યુવક તેને બિલાડીનું અંગ્રેજી પૂછે છે, ત્યારે તે જવાબ આપવામાં થોડી ગુંચવણ અનુભવે છે. પરંતુ પછી તે પોતાની ભૂલ સુધારે છે અને કહે છે ‘Cat’. વૃદ્ધ મહિલાનો આ અંદાજ યુઝર્સને ખુબ જ પસંદ આવી રહ્યો છે.
The circle of life ! 💜
They taught us how to talk when we were babies and how the turntables ! What is even more wholesome is that learning is a consistent process in life ! 💫 pic.twitter.com/NxQ7EHjAwZ— Syed Sleet Shah (@Sleet_Shah) February 14, 2022
આ વીડિયો હાલ સોશિયલ મીડિયા પર ધમાલ મચાવી રહ્યો છે.જોકે, હાલ આ વૃદ્ધ મહિલાનું નામ શું છે અને તે ક્યા સ્થળની છે તે વીડિયો પરથી જાણી શકાયું નથી. પરંતુ મહિલાનો પહેરવેશ અને યુવકની વાણીનો સ્વર બતાવે છે કે બંને કાશ્મીરના કોઈ ગ્રામીણ વિસ્તારના છે. યુઝર્સ આ વીડિયો એકબીજા સાથે શેર કરી રહ્યા છે અને તેના પર પોતાની પ્રતિક્રિયા (Comments) આપતા જોવા મળી રહ્યા છે.
આ પણ વાંચો: મગરથી બચ્યું તો ચિત્તાનો શિકાર થયું હરણનું બચ્ચુ, જુઓ શ્વાસ માટે સંઘર્ષનો Viral વીડિયો
Published On - 1:16 pm, Thu, 17 February 22