દરિયા (Sea)માં માછીમારી કરવા ગયેલા માછીમારોની હાલત અચાનક 13 ફૂટ લાંબુ રહસ્યમય પ્રાણી મળી આવતા હાલત કફોડી બની હતી. જો કે પહેલા તો તેમને લાગ્યું કે તે શાર્ક (Shark) છે, પરંતુ પછીથી વિચિત્ર પ્રાણી બહાર આવતાની સાથે જ ખબર પડી કે તે શું છે. શાર્કને પકડવાની આશાએ પ્રવાસે ગયેલા એક માછીમારે (Fisherman) આકસ્મિક રીતે દુર્લભ સોફિશ (Sawfish) માછલી પકડી લીધી હતી.
યુકેના લન્કાશાયરમાં રહેતા ઈયાન એથર્ટનનો દાવો છે કે તેણે ફ્લોરિડામાં ફિન એન્ડ ફ્લાય ચાર્ટર્સ (Fin & Fly Charters)ના સહયોગથી યુનાઈટેડ સ્ટેટ્સના સ્પેસ કોસ્ટ પરથી શાર્કને પકડી લીધી છે. તે શાર્કને પકડવાના હેતુથી દરિયામાં ગયો હતો. જ્યારે ઈયાન સમુદ્રમાં ગયો, ત્યારે કેટલીક બ્લુફિશને બાઈટ તરીકે ફિશિંગ રોડમાં લટકાવવામાં આવી હતી. તે પછી તેમને રોડ પર હલચલ અનુભવાઈ અને તેઓએને લાગ્યુ કે તેમણે શાર્ક પકડી છે.
લગભગ એક કલાક સુધી તે જીવ તડફડતો રહ્યો. ઈયાન કિનારા તરફ આગળ વધ્યો, ત્યારે તેણે જોયું કે તે શાર્ક નહીં, પરંતુ 13 ફૂટ લાંબી દુર્લભ સોફિશ માછલી છે. ત્યારબાદ તે સોફિશને પાણીમાં છોડવામાં આવી અને તરત જ તરવા લાગી.
સોફિશ માછલીના માથા પર કરવત જેવો દેખાવ હોય છે, જેને રોસ્ટ્રમ કહેવામાં આવે છે. તે લગભગ પાંચ ફૂટ ઊંચું થઈ શકે છે. માછલીને કાર્પેન્ટર શાર્ક (Carpenter Shark) તરીકે પણ ઓળખવામાં આવે છે. સોફિશ 16 ફૂટ લાંબી સુધી વધી શકે છે.
આ પણ વાંચો: Viral: જો તેજ નજર હોય તો તસ્વીરમાંથી શોધી બતાવો 13 ચહેરા, મોટાભાગના લોકોને 4 જ મળ્યા
વધુ સમાચાર વાંચવા માટે અમારી ટ્વીટર કોમ્યુનિટીમાં જોડાવા અહીં ક્લિક કરો