દુબઈમાં ‘વિશ્વની સૌથી સુંદર ઇમારત’નું થયું ઉદ્ઘાટન, જુઓ વિડીયો
આ સાત માળની ઈમારત 77 મીટર ઊંચી છે અને આ ઈમારત 30 હજાર ચોરસ મીટરમાં બનાવવામાં આવી છે. તે વિશ્વની સૌથી ઊંચી ઇમારત બુર્જ ખલીફાથી થોડે દૂર સ્થિત છે.
દુબઈમાં આયોજિત ભવ્ય સમારોહમાં ‘મ્યુઝિયમ ઑફ ધ ફ્યુચર’નું ઉદ્ઘાટન કરવામાં આવ્યું હતું જેને “વિશ્વની સૌથી સુંદર ઇમારત” કહેવામાં આવી રહી છે. આ ઈમારતને બનાવવામાં નવ વર્ષ લાગ્યા હતા. આ સાત માળની આ ઈમારત 77 મીટર ઊંચી છે અને આ ઈમારત 30 હજાર ચોરસ મીટરમાં બનાવવામાં આવી છે. તે વિશ્વની સૌથી ઊંચી ઇમારત બુર્જ ખલીફાથી થોડે દૂર સ્થિત છે.
વાસ્તુકાર શોન કિલ્લાએ બિલ્ડિંગની ડિઝાઇન કરી તૈયાર
‘મ્યુઝિયમ ઑફ ધ ફ્યુચર’ એ દુબઈમાં બાંધવામાં આવેલા આર્કિટેક્ચરલ નમુનાઓમાં નવીનતમ ઉમેરો છે. આ ઇમારતની ડિઝાઇન કિલ્લા ડિઝાઇનના વાસ્તુકાર, સીન કિલ્લા દ્વારા કરવામાં આવી છે અને તે એન્જિનિયરિંગ અને કમ્પ્યુટર-સહાયિતથી બનાવેલી ડિઝાઇનનો શ્રેષ્ઠ નમુનો છે. તે સ્ટેનલેસ સ્ટીલથી બનેલું છે અને અહીં રોબોટ્સના ઉપયોગથી બનાવવામાં આવેલી 1,024 કલાકૃતી માંની એક છે.
متحف المستقبل … @MOTF
22/2/22 pic.twitter.com/G1oTXO9EaX— Dubai Media Office (@DXBMediaOffice) February 22, 2022
માનવતાના ભવિષ્યની રૂપરેખા આપવા માટેનું મ્યુઝિયમ
એક અખબારી યાદીમાં જણાવાયું છે કે મ્યુઝિયમ માનવતાના ભાવિની રૂપરેખા આપે છે અને માનવ વિકાસ દ્વારા સામનો કરવામાં આવતા પડકારો અને તકો અને તેના ઉકેલો માટે પ્રેરણા આપે છે. UAEના કેબિનેટ પ્રધાન અને દુબઈ ફ્યુચર ફાઉન્ડેશનના અધ્યક્ષ મોહમ્મદ અલ ગર્ગાવીએ મંગળવારે ઉદ્ઘાટન સમારોહમાં જણાવ્યું હતું કે ‘મ્યુઝિયમ ઑફ ધ ફ્યુચર’ એક જીવંત મ્યુઝિયમ છે.
ઇન્ટરેક્ટિવ લેક્ચર્સ અને વર્કશોપ્સ માટે મલ્ટિફંક્શનલ હોલ
મ્યુઝિયમમાં એક બહુ-ઉપયોગી હોલ છે જેમાં 1,000 થી વધુ લોકો બેસી શકે છે, અને ઇન્ટરેક્ટિવ લેક્ચર્સ અને વર્કશોપ માટે એક ખાસ હોલ છે જેમાં 345 થી વધુ લોકો બેસી શકે છે. આ 14,000 મીટરની પ્રકાશ રેખાઓથી પ્રકાશિત થાય છે, શેખ મોહમ્મદ બિન રશીદ અલ મકતુમ, ઉપરાષ્ટ્રપતિ અને સંયુક્ત આરબ અમીરાતના વડા પ્રધાન અને દુબઈના શાસક દ્વારા ભવિષ્ય પરના ત્રણ અવતરણો રજૂ કરે છે.
