Smart Plug : સ્માર્ટ પ્લગ વડે બચશે તમારા ઘરની વીજળી, ઇન્સ્ટોલ કરવાથી કેટલા રૂપિયાનો ફાયદો થશે, જુઓ આખી ગણતરી
સ્માર્ટ પ્લગ વીજળી બચાવવામાં મદદરૂપ છે, ખાસ કરીને 'ફેન્ટમ એનર્જી' રોકીને. જોકે, તેનો યોગ્ય ઉપયોગ જરૂરી છે.
આજકાલ દરેક વ્યક્તિ વીજળી બચાવવા માંગે છે. લોકો અનેક રીતો અજમાવે છે, પરંતુ ઘણી વખત સારા પરિણામ મળતા નથી, કારણ કે રોજિંદા જરૂરી ગેજેટ્સ ચાલુ રાખવા તો પડે જ છે. આ કારણે વીજળી બચાવવી ઘણી વખત મુશ્કેલ બની જાય છે.
આવા સમયમાં બજારમાં ઉપલબ્ધ સ્માર્ટ પ્લગ એક મોટો વિકલ્પ તરીકે ઉભર્યા છે. ઘણા લોકો માને છે કે સ્માર્ટ પ્લગ ઇન્સ્ટોલ કરવાથી વીજળીનો બિલ આપમેળે ઘટી જાય છે, પરંતુ શું આ સાચું છે? ચાલો જાણીએ.
સ્માર્ટ પ્લગ વીજળી ખરેખર બચાવે છે?
સેન્ટ્રલ આયોવામાં શ્રી ઇલેક્ટ્રિક કંપનીના માલિક અને ઇલેક્ટ્રિશિયન બેન કોલોના જણાવ્યા મુજબ, સ્માર્ટ પ્લગ વીજળી બિલ ઘટાડે છે — પરંતુ તે તમે તેનો ઉપયોગ કેવી રીતે કરો છો તેના પર આધારિત છે.
જો સ્માર્ટ પ્લગને એવા સોકેટમાં લગાવવામાં આવે છે જે વર્ષમાં માત્ર બે વખત ઉપયોગમાં આવે છે, તો તેનાથી ખાસ ફાયદો નથી.
પરંતુ જો તમે તેને ટીવી, ચાર્જર, ફ્રિજ, માઇક્રોવેવ અથવા અન્ય રોજિંદા ઉપકરણો સાથે જોડો છો, તો બચત સ્પષ્ટ જોવા મળે છે.
સામાન્ય ઉપકરણો બંધ હોવા છતાં થોડી પાવર ખેંચતા રહે છે — જેને Phantom Energy (છુપાયેલી વીજળી વપરાશ) કહેવામાં આવે છે.
સ્માર્ટ પ્લગ આ એનર્જી વપરાશને પૂર્ણ રીતે અટકાવી આપે છે, એટલે વીજળીની બરબાદી થતી નથી.
સ્માર્ટ પ્લગની મુખ્ય સુવિધાઓ
- Wi-Fi દ્વારા કનેક્ટ થાય છે
- મોબાઇલ એપથી નિયંત્રિત કરી શકાય છે
- Alexa અને Google Assistant સાથે કામ કરે છે
- ઘરમાં ન હો ત્યારે પણ ઉપકરણોને બંધ/ચાલુ કરી શકાય છે
- નક્કી કરેલા સમયે આપમેળે બંધ/ચાલુ કરવા ટાઈમર સેટ કરી શકાય છે
- ઉપકરણો કેટલો યુનિટ વાપરે છે તેની લાઈવ માહિતી મળે છે — જેથી સૌથી વધુ વીજળી વાપરતા ઉપકરણોને ઓળખી શકાય
વર્ષમાં કેટલી બચત થઈ શકે?
બેન કોલોના અંદાજ મુજબ, સ્માર્ટ પ્લગનો યોગ્ય ઉપયોગ કરવાથી સામાન્ય ઘરોએ આસરે ₹1500 થી ₹5000 (લગભગ $20 થી $60) સુધી બચત કરી શકે છે. ઘરમાં રૂમ અને ઇલેક્ટ્રોનિક ઉપકરણો વધુ હોય તો બચત પણ વધુ થશે.
પરંતુ યાદ રાખવા જેવી વાત છે કે બચતની અસર એક-બે મહિનામાં નહીં દેખાય, લાંબા ગાળાના ઉપયોગ પછી જ ફેરફાર સ્પષ્ટ થશે.
જો સ્માર્ટ પ્લગ સાથે સ્માર્ટ થર્મોસ્ટેટ (જે ACનું તાપમાન આપમેળે નિયંત્રિત કરે છે) પણ ઇન્સ્ટોલ કરવામાં આવે તો વર્ષે ₹10,000 – ₹12,000 સુધી બચત શક્ય છે.
નોંધ : અહીં આપવામાં આવેલી માહિતી ફક્ત આપની જાણકારી માટે છે. કોઈ પણ બચત માટેની યોજના અંગે નિષ્ણાંતોની સલાહ લેવી જરૂરી છે.
