Tech Tips: YouTube પર નથી જોવા માંગતા Ads, તો ખુબ સરળ છે તેને દુર કરવાની રીત, બસ કરો આ એક સેટિંગ

સ્માર્ટફોન (Smartphone)નો ઉપયોગ કરનાર લગભગ દરેક વ્યક્તિ YouTube ના નામથી પરિચિત છે. આ પ્લેટફોર્મ વીડિયો વપરાશમાં એક અલગ પ્રભુત્વ ધરાવે છે. તેનું એક મોટું કારણ એ છે કે તે ફ્રી છે. એટલે કે, તમે તેને ફક્ત ઇન્ટરનેટના આધારે સરળતાથી ઍક્સેસ કરી શકો છો. જો કે, કંઈપણ મફતમાં હોતું નથી. આ માટે કિંમત ચૂકવવી પડે છે. યૂટ્યૂબ (YouTube)સાથે પણ આવું જ છે. ભલે તમને લાગે કે તમે YouTube પર ફ્રીમાં વીડિયો જોઈ રહ્યા છો, પરંતુ એવું નથી. આ માટે તમે હિડન ચાર્જ ચૂકવી રહ્યા છો.

આ ચાર્જ એડ્સના રૂપમાં હોય છે. તમે આ પ્લેટફોર્મ પર ઘણી જાહેરાતો જુઓ છો અને તમે આ જાહેરાતો જોવા માટે ડેટા ખર્ચો છો. શું તમે ક્યારેય નોંધ્યું છે કે YouTube વીડિઓની ગુણવત્તા ગમે તે હોય? જાહેરાતોની ક્વાલિટી હંમેશા સ્પષ્ટ હોય છે. હવે પ્રશ્ન એ છે કે શું તમે જાહેરાતો વિના યુટ્યુબ જોઈ શકો છો. તમે તેને બિલકુલ જોઈ શકો છો, પરંતુ આ માટે તમારે પૈસા ખર્ચવા પડશે. એટલે કે, તમારે YouTube Premiumનું સબ્સ્ક્રિપ્શન લેવું પડશે.

યુટ્યુબ પ્રીમિયમ પર ખર્ચવા પડશે પૈસા

YouTube પ્રીમિયમ સબ્સ્ક્રિપ્શન 129 રૂપિયાથી શરૂ થાય છે. જો કે તમને કેટલાક ફોન સાથે યુટ્યુબ સબસ્ક્રિપ્શનની ફ્રી એક્સેસ પણ મળે છે, પરંતુ આ એક્સેસ માત્ર થોડા દિવસો માટે છે. વધુમાં વધુ તો તમને એક વર્ષનું મફત સબ્સ્ક્રિપ્શન મળશે. ત્યારે એડ ફ્રી YouTube અનુભવ મેળવવાની અન્ય રીતો છે.

આ સરળ અને ફ્રી રીત

1. જો તમે વેબ બ્રાઉઝર પર YouTube જુઓ છો, તો તમે એડ બ્લોકરનો ઉપયોગ કરી શકો છો. એડબ્લોક ફોર યુટ્યુબ એક્સ્ટેંશનની મદદથી, તમે YouTube પર દેખાતી જાહેરાતોને સરળતાથી બ્લોક કરી શકો છો.
2. સારી વાત એ છે કે તમે આ એક્સટેન્શનનો ઉપયોગ કોઈપણ બ્રાઉઝર, ક્રોમ અને એજ પર કરી શકો છો. આ એક્સટેન્શન પછી તમને એડ ફ્રી યુટ્યુબ એક્સપીરિયન્સ મળશે. બીજી એક રીત છે જેની તમે મદદ લઈ શકો.
3. આ અંતર્ગત તમારે ગૂગલ પ્લે સ્ટોર પરથી ફ્રી એડબ્લોકર બ્રાઉઝરઃ એડબ્લોક અને પ્રાઈવેટ બ્રાઉઝર ડાઉનલોડ કરવાનું રહેશે. આ થર્ડ પાર્ટી એપ ઇન્સ્ટોલ કર્યા પછી તમે એડ ફ્રી યુટ્યુબ જોઈ શકો છો. આ એપ એક સરળ બ્રાઉઝર છે, જે તેના પ્લેટફોર્મ પરની તમામ જાહેરાતોને બ્લોક કરે છે. તમે અન્ય એપ્સ પણ અજમાવી શકો છો.