Twitter કરી રહ્યું છે નવા ફીચર પર કામ, હવે એક જ ટ્વીટમાં યુઝર્સ જોડી શકશે મલ્ટીમીડિયા ફાઈલ્સ

સ્માર્ટફોન આજે જીવનનો એક મહત્વનો ભાગ બની ગયો છે. ટ્વિટર (Twitter)એક નવા ફીચર પર કામ કરી રહ્યું છે. આ ફીચર દ્વારા યુઝર્સ એક જ ટ્વીટમાં ઇમેજ, વીડિયો અને GIF પોસ્ટ કરી શકશે. હાલમાં ટ્વિટર આ ફીચર(Twitter New Feature)નું ટેસ્ટિંગ કરી રહ્યું છે. આપને જણાવી દઈએ કે હાલમાં યુઝર્સ ટ્વીટમાં માત્ર એક મલ્ટીમીડિયા પોસ્ટ કરી શકે છે. આનો અર્થ એ છે કે જો તમે ટ્વીટમાં ફોટા ઉમેરી રહ્યા છો, તો તમે તે ટ્વીટમાં GIF અથવા વીડિયો ફાઇલો ઉમેરી શકતા નથી. ટેસ્ટિંગની પુષ્ટિ કરતા, કંપનીએ કહ્યું કે આ ફીચર હમણાં જ કેટલાક યુઝર્સ માટે રોલઆઉટ કરવામાં આવ્યું છે. કંપનીએ વધુમાં કહ્યું છે કે યુઝર્સ ટ્વીટની સાથે ફોટો અને વીડિયો બંનેમાં ટેગ પણ એડ કરી શકશે. આ ફીચર ક્યારે રોલઆઉટ થશે તે અંગે હાલમાં કોઈ માહિતી નથી.

વિઝ્યુઅલ કંવર્સેશન કરતા વપરાશકર્તાઓ

કંપનીએ તેના નિવેદનમાં જણાવ્યું હતું કે અમે મર્યાદિત સમય માટે પસંદગીના એકાઉન્ટ્સ સાથે એક નવી સુવિધાનું પરીક્ષણ કરી રહ્યા છીએ, જે લોકોને એક જ ટ્વિટમાં ચાર મીડિયા એસેટ ઉમેરવાની મંજૂરી આપશે. ટ્વિટરે કહ્યું કે અમે આ કંવર્સેશનને વધુ રોમાંચક બનાવવા માટે ટ્વિટર પર વધુ લોકોને વધુ વિઝ્યુઅલ કંવર્સેશન કરતા અને ઈમેજો, GIFS અને વીડિયોનો ઉપયોગ કરતા જોઈ રહ્યા છીએ. આ ટેસ્ટિંગ સાથે, કંપની એ જાણવાનો પ્રયાસ કરી રહી છે કે લોકો ટ્વિટર પર 280 અક્ષરો સાથે પોતાને વધુ ક્રિએટિવ બનાવવા માટે આ વિવિધ મીડિયા ફોર્મેટને કેવી રીતે જોડે છે.

કંપની અનેક ફીચર્સનું કરી રહી છે ટેસ્ટીંગ

આપને જણાવી દઈએ કે ટ્વિટર છેલ્લા કેટલાક મહિનાઓથી ઘણા લિમિટેડ ટેસ્ટ કરી રહ્યું છે. આ અઠવાડિયાની શરૂઆતમાં, કંપનીએ જાહેરાત કરી હતી કે તે માયસ્પેસ જેવી સ્ટેટ્સ ફીચર સાથે એક્સપેરિમેન્ટ કરી રહી છે, જે વપરાશકર્તાઓને હોટ ટેક, Unpopular opinion, અથવા વેકેશન મોડ જેવા ટૅગ્સ જોડવાની મંજૂરી આપે છે.

આ સિવાય તમે ટ્વિટર (Twitter) પર કોઈપણ સામગ્રીને બુકમાર્ક કરી શકો છો. આ સુવિધા વપરાશકર્તાઓને ટ્વીટને સાચવવાની મંજૂરી આપે છે જેથી તેઓ પછીથી તેનો જવાબ આપી શકે. ટ્વિટર પર ટ્વીટ્સ કેવી રીતે બુકમાર્ક કરવું અને Twitter પર તમારી બુકમાર્ક કરેલી ટ્વીટ્સને કેવી રીતે ઍક્સેસ કરવું એ જાણવા અહીં ક્લિક કરો.