ફ્લાઈટમાં નેટનો ઉપયોગ..એ પણ 5G સાથે! યુરોપિયન યુનિયને કરી મોટી જાહેરાત

EU સભ્ય દેશોમાં આવનારી અને જનારી ફ્લાઈટ્સ હવે ત્યાંથી જૂની મોબાઈલ ટેક્નોલોજી જનરેશનની સાથે લેટેસ્ટ 5G ટેક્નોલોજી પ્રદાન કરી શકશે. યુરોપિયન યુનિયને આની જાહેરાત કરી છે. યુરોપિયન કમિશને એક નિવેદનમાં કહ્યું કે આનો અર્થ એ થશે કે મુસાફરો હવે તેમના સંબંધીઓને ફોન કૉલ અને ટેક્સ્ટ સંદેશ મોકલી શકશે અને તેમના કૉલ્સ અને સંદેશા પણ પ્રાપ્ત કરી શકશે. એકંદરે, તે ફ્લાઈટમાં ડેટાનો ઉપયોગ કરી શકશે. યુરોપિયન કમિશને ઑન-બોર્ડ એરક્રાફ્ટ મોબાઈલ કમ્યુનિકેશન્સ માટે સ્પેક્ટ્રમ પર અગાઉ લાગુ કરાયેલા ચુકાદાને અપડેટ કર્યા પછી આ નિર્ણય લેવામાં આવ્યો છે.

યુરોપિયન યુનિયને કહ્યું કે 5G સર્વિસ સ્પેશિયલ નેટવર્કવાળા ડિવાઈસનો ઉપયોગ કરી પ્રોવાઈડ કરવામાં આવશે. જેને ‘પિકો-સેલ્સ’ કહેવામાં આવે છે. તે સેટેલાઈટ દ્વારા ઈન-ફ્લાઈટ નેટવર્કને જમીન સાથે જોડવાનું કામ કરે છે. નિવેદનમાં કહેવામાં આવ્યું છે કે યુરોપિયન યુનિયનના સદસ્ય દેશોમાં ઉડાન ભરનારા મુસાફરો તેમની ક્ષમતા અને સુવિધા અનુસાર મોબાઈલ ફોનનો ઉપયોગ કરી શકશે. આંતરિક બજાર માટે યુરોપિયન કાઉન્સિલના કમિશનર થિયરી બ્રેટને જણાવ્યું હતું કે “5G સેવાઓ લોકો માટે નવી સેવાઓ અને યુરોપિયન કંપનીઓ માટે વૃદ્ધિની તકોને સક્ષમ કરશે.”

ફ્લાઈટમાં નેટવર્ક કનેક્શન મજબૂત કરવામાં આવશે

તેમણે કહ્યું “જ્યારે સુપર-ફાસ્ટ, હાઈ-કેપિબિલિટી કનેક્ટિવિટી દ્વારા પૂરી પાડવામાં આવતી સેવાઓની વાત આવે છે, ત્યારે હવે કોઈ મર્યાદા નથી. 5Gએ 4G LTE કરતાં માત્ર ઝડપી જ નહીં, પરંતુ વધુ સારી મોબાઈલ બ્રોડબેન્ડ સેવા પ્રદાન કરવા માટે ડિઝાઈન કરવામાં આવ્યું છે. ઈન-ફ્લાઈટ 5G સેવા મુસાફરોના નેટવર્ક કનેક્શનને મજબૂત અને બહેતર બનાવવા કરતાં વધુ કરશે. ફ્લાઈટમાં બેઠેલા લોકો દેશ અને દુનિયા સાથે જોડાયેલા રહેશે અને ડેટા આધારિત તમામ સુવિધાઓનો લાભ લઈ શકશે.

રોડ ટ્રાન્સપોર્ટ માટે પણ 5G સર્વિસ!

યુરોપિયન કમિશન (EC) એ ઈન-ફ્લાઈટ કનેક્ટિવિટી તેમજ રોડ ટ્રાન્સપોર્ટ માટે 5G કવરેજ પ્રદાન કરવામાં નોંધપાત્ર પ્રગતિ કરી છે. આ પહેલથી બંને ક્ષેત્રોમાં નવી સુવિધાઓ પૂરી પાડવાની તકો વધશે. આયોગે 2008થી ફ્લાઈટ પર મોબાઈલ સંચાર માટે અમુક ફ્રીક્વન્સીઝ અનામત રાખવા માટે નિયમો જાળવી રાખ્યા છે. રોડ ટ્રાન્સપોર્ટમાં 5GHz બેન્ડમાં 5G સેવાનો અમલ કરવાનો નિર્ણય લેવામાં આવ્યો છે, આનાથી કાર અને બસમાં વાઈ-ફાઈ સેવા ચાલુ થશે.