આવતીકાલે લોન્ચ થશે JIOનું TRUE 5G બીટા ટ્રાયલ, આ 4 શહેરમાં મળશે 1Gbpsની સ્પીડ
આ 4 શહેરોમાં ટ્રાયલના ધોરણે Jio ગ્રાહકો પાસેથી ફીડબેક લેવામાં આવશે અને તેના આધારે Jio અન્ય શહેરોમાં તેની સેવા શરૂ કરશે. Jioના દેશમાં 425 મિલિયન મોબાઈલ યુઝર્સ છે, જેના આધારે કંપની 5G સેવાનો વ્યાપ વધારવાની તૈયારી કરી રહી છે.
રિલાયન્સ જિયો (Reliance Jio)નું True 5G બીટા ટ્રાયલ દશેરાના અવસર પર શરૂ થશે. કંપનીએ મંગળવારે આની જાહેરાત કરી હતી. દેશના 4 શહેર મુંબઈ, દિલ્હી, કોલકાતા અને વારાણસીમાં 5G સેવાનું ટ્રાયલ શરૂ કરવામાં આવશે. Jio TRUE 5Gની વેલકમ ઑફર ફક્ત ઈનવિટેશન પર જ આપવામાં આવશે. Reliance Jio દિલ્હી, મુંબઈ, કોલકાતા અને વારાણસીમાં પસંદ કરેલા Jio વપરાશકર્તાઓને ઈનવિટેશન સર્વિસનો લાભ આપશે. આ ઓફરમાં યુઝર્સને 1Gbps સુધીની સ્પીડ અને અનલિમિટેડ 5G ડેટા મળશે. JIO TRUE 5Gને વિશ્વની સૌથી એડવાન્સ 5G સેવા માનવામાં આવે છે.
Jioની 5G સેવા દેશના મેટ્રો શહેરોમાં શરૂ થવાની છે, જેના માટે તૈયારીઓ ચાલી રહી છે. રિલાયન્સની AGMમાં કંપનીના ચેરમેન મુકેશ અંબાણીએ જાહેરાત કરી હતી કે દિવાળી પર દેશમાં 5G સેવા શરૂ કરવામાં આવશે. આ પહેલા મુંબઈ, દિલ્હી, કોલકાતા અને વારાણસી એમ ચાર શહેરોમાં 5Gનું બીટા ટ્રાયલ શરૂ કરવામાં આવી રહ્યું છે. આ કામ દશેરા પર શરૂ કરવામાં આવશે, જેમાં Jioના પસંદ કરેલા ગ્રાહકોને ઈનવિટેશન ઓફર હેઠળ 1 Gbps સ્પીડ આપવામાં આવશે. આ સાથે અનલિમિટેડ 5G ડેટા પણ ઉપલબ્ધ કરાવવામાં આવશે. આ ટ્રાયલના આધારે દેશના બાકીના ભાગોમાં પણ 5G સેવા શરૂ કરવામાં આવશે.
રિલાયન્સ જિયોની તૈયારી
આ 4 શહેરોમાં ટ્રાયલ ધોરણે Jio ગ્રાહકો પાસેથી ફીડબેક લેવામાં આવશે અને તેના આધારે Jio અન્ય શહેરોમાં તેની સેવા શરૂ કરશે. Jioના દેશમાં 425 મિલિયન મોબાઈલ યુઝર્સ છે, જેના આધારે કંપની 5G સેવાનો વ્યાપ વધારવાની તૈયારી કરી રહી છે. Jioનું કહેવું છે કે કંપની ‘WeCare’ ના સિદ્ધાંત પર તેના ગ્રાહકોને True 5G સેવા ઓફર કરવા જઈ રહી છે. કંપનીએ દાવો કર્યો છે કે તેની 5G સેવા શિક્ષણ, આરોગ્ય, કૃષિ, કૌશલ્ય વિકાસમાં ઘણી મદદ કરશે. આ સાથે 5Gનો લાભ મોટા બિઝનેસ, IoT, સ્માર્ટ હોમ્સ અને ગેમિંગમાં પણ મળશે. દેશની 1.25 અબજની વસ્તીને 5G સેવાનો લાભ મળશે.
Jioનું 5G શા માટે ખાસ છે?
Jioની 5G સેવા સ્ટેન્ડઅલોન છે, જેનો અર્થ છે કે Jioના 5G માટે 4G નેટવર્કની જરૂર રહેશે નહીં. જેના કારણે ગ્રાહકોને True 5G સેવાનો સીધો લાભ મળશે. આ સેવા હેઠળ વાતચીતની સરળતા, 5G વૉઇસ, એજ કમ્પ્યુટિંગ અને નેટવર્ક સ્લાઇસિંગ જેવા ફિચરનો લાભ મળશે.