Microsoft ઝડપથી લોન્ચ કરશે Windows ઓપરેટિંગ સિસ્ટમનું નવું વર્ઝન

Microsoft ટૂંક સમયમાં તેની Windows ઓપરેટિંગ સિસ્ટમનું નવું વર્ઝન લોન્ચ કરી શકે છે. મંગળવારે બિલ્ડ ડેવલપર કોન્ફરન્સ 2021 ના ​​પહેલા દિવસે Microsoftના સીઇઓ સત્ય નડેલાએ જણાવ્યું હતું કે કંપની ટૂંક સમયમાં તે Windows ઓપરેટિંગ સિસ્ટમ નેક્સ્ટ જનરેશન વર્ઝન લાવશે.  આ નવા વર્ઝનમાં કેટલાક ખાસ અપડેટ્સ પણ જોવા મળશે. જો કે તેમણે આ વિશે બીજી કોઈ માહિતી આપી ન હતી.

વર્ચ્યુઅલ ડેવલપર કોન્ફરન્સ દરમિયાન નડેલાએ સંબોધનમાં જણાવ્યું હતું કે, “અમે અમારી વિન્ડોઝ ઓપરેટિંગ સિસ્ટમ માટે કેટલાક મોટા અપડેટ કરવા જઈ રહ્યા છીએ. છેલ્લા દાયકા પછીથી આ સૌથી મહત્વપૂર્ણ ફેરફારો થશે અને અમે ટૂંક સમયમાં તેને તમારી સાથે શેર કરીશું. અમારું લક્ષ્ય છે કે આના દ્વારા ડેવલપરો અને ક્રિએટરોને વધુ સારી આર્થિક તકો પૂરી પાડે છે.

હું છેલ્લા કેટલાક મહિનાઓથી જાતે કામ કરી રહ્યો છું અને વિન્ડોઝની આ આગામી નેક્સ્ટ જનરેશન વર્ઝન વિશે હું ખૂબ જ ઉત્સાહિત છું. ”

આ ઉપરાંત તેમણે કહ્યું, “અમે વચન આપીએ છીએ, અમે Windows તમામ ડેવલપરોને વધુ તકો આપવાનો પ્રયાસ કરીશું. આ ઉપરાં નવીનતાઓ પર કામ કરતા સર્જકોને તેમાં નવી એપ્લિકેશનો બનાવવા અને પ્રોત્સાહન આપવા માટે પ્લેટફોર્મ આપવામાં આવ્યું છે.અમે તેના વિશે વધુ માહિતી તમારી સાથે થોડા સમયમાં શેર કરીશું.”

Microsoft છેલ્લા કેટલાક મહિનાઓથી તેના નવા Windows એપ સ્ટોર પર કામ કરી રહ્યું છે. આની સાથે ઓપરેટિંગ સિસ્ટમના યુઝર ઇંટરફેસમાં કેટલાક મહત્વપૂર્ણ ફેરફારો પર પણ કામ કરવામાં આવી રહ્યું છે. ડેવલપરો પણ આ એપ સ્ટોરમાં તેમની પોતાની એપ્લિકેશનો બનાવવા માટે સક્ષમ હશે. જેમાં ક્રોમ અને ફાયરફોક્સ જેવા બ્રાઉઝર્સ સામેલ છે. આ સિવાય યુઝર્સ નવી ઓપરેટિંગ સિસ્ટમમાં Windows95 આઇકન શોધી શકે છે.

Microsoft એ 2015 માં વિન્ડોઝ 10 લોન્ચ કર્યું હતું

Microsoft એ વર્ષ 2015 માં તેની Windows10 ઓપરેટિંગ સિસ્ટમ લોન્ચ કરી હતી. આ ઓપરેટિંગ સિસ્ટમ સ્પ્લિટ મોડ પર કાર્ય કરે છે અને આમાં કંપનીએ Microsoftએકશન સેન્ટર, ઇન્સ્ટોલ કરેલી એપ્સ નોટિફિકેશન તેમજ ઘણી સુરક્ષા સંબંધિત વસ્તુઓ દાખલ કરી હતી. Windows10 મોબાઇલ, ટેબલેટ, વ્યકિત ગત કોમ્પયુટર જેવા ઘણા ઉપકરણો પર કાર્ય કરે છે.

આમાં તમારા ડેટાને સુરક્ષિત રાખવા માટે ખૂબ કાળજી લેવામાં આવી હતી, જેના માટે Microsoft એ તેમાં ‘વિન્ડોઝ હેલો’ સુવિધા ઉમેરી છે. આ દ્વારા, તમે તમારી ફિંગરપ્રિન્ટને તમારો પાસવર્ડ બનાવી શકો છો. એવી અપેક્ષા છે કે નેક્સ્ટ જનરેશન વર્ઝનમાં ઘણા વિશેષ ફેરફારો જોઇ શકાય છે.

આ પણ  વાંચો : WhatsApp લાવી રહ્યું છે નવું જબર જસ્ત ફીચર, ઓટીપી ફ્રોડથી મળશે છુટકારો