K Sivan Family Tree : કોણ છે શિવન? જેમણે Chandrayaan 2ના લોન્ચિંગમાં મુખ્ય ભૂમિકા ભજવી હતી, જાણો તેમના પરિવાર વિશે

ઈન્ડિયન સ્પેસ રિસર્ચ ઓર્ગેનાઈઝેશન (ISRO)એ તેના ત્રીજા ચંદ્ર મિશન ચંદ્રયાન-3ના લોન્ચની જાહેરાત કરી છે. ચંદ્રયાન-3 14 જુલાઈ 2023 ના રોજ શ્રીહરિકોટાના સતીશ ધવન સ્પેસ સેન્ટરથી લોન્ચ કરવામાં આવ્યું હતુ, અગાઉ 2019માં, 22 જુલાઈના રોજ, ચંદ્રયાન 2 મિશન લોન્ચ કરવામાં આવ્યું હતું, તે સમયે કે શિવન અંતરિક્ષ વિભાગના સચિવ અને (ISRO)ના અધ્યક્ષ હતા. આજે અમે તમને જણાવીશું કે કેવી રીતે ISROના પૂર્વ વડા કે સિવને ચંદ્ર મિશનના લોન્ચિંગ માટે તૈયારી કરી હતી.

આ પણ વાંચો : Ritu Karidhal Family Tree : ‘ભારતની રોકેટ વુમન’ના એક ઈશારે લોન્ચ થશે Chandrayaan 3 , જાણો તેમના પરિવાર વિશે

K Sivanની જાણી અજાણી વાતો

હાલમાં, ડિપાર્ટમેન્ટ ઓફ સ્પેસ અને ઈન્ડિયન સ્પેસ રિસર્ચ ઓર્ગેનાઈઝેશન (ISRO) ના સચિવ અને સ્પેસ કમિશનના અધ્યક્ષ એસ.સોમનાથ છે.આજે અમે તમને K Sivanના વિશે એવી ઘણી વાતો જણાવી રહ્યા છીએ, જેના વિશે જાણીને તમને પણ પૂર્વ ઈસરો ચીફ પર ગર્વ થશે.

પ્રથમ વખત પેન્ટ પહેર્યું

શિવાન ગ્રેજ્યુએટ થનાર તેના પરિવારના પ્રથમ સભ્ય છે. તેમના ભાઈઓ અને બહેનો ગરીબીને કારણે તેમનું ઉચ્ચ શિક્ષણ પૂરું કરી શક્યા ન હતા.શિવાનના કહેવા પ્રમાણે, બાળપણમાં તેની પાસે પહેરવા માટે ચપ્પલ પણ નહોતા. તે ઘણીવાર ઉઘાડપગે શાળાએ જતા હતા. કોલેજ સુધી ધોતી પહેરી હતી. એમઆઈટીમાં પ્રવેશ મેળવ્યા પછી તેણે પ્રથમ વખત પેન્ટ પહેર્યું હતું. તે ક્યારેય ટ્યુશન કે કોચિંગ ક્લાસમાં પણ ગયા ન હતા.

K Sivanના માતાનું નામ કૈલાસવદીવૂનાદાર છે તેમની માતાનું નામ ચેલામલ શિવન છે. સિવનને એક ભાઈ અને 2 બહેનો છે. K Sivanની પત્નીનું નામ માલતી શિવન છે. સિવાનને બે બાળકો છે, સિદ્ધાર્થ સિવાન અને સુશાંત સિવાન.

K Sivanનો જન્મ એક સામાન્ય ખેડૂત પરિવારમાં થયો

K Sivan એક સામાન્ય ખેડૂત પરિવારમાંથી આવે છે. સિવાનનો જન્મ ભારતના તમિલનાડુ રાજ્યના કન્યાકુમારી જિલ્લામાં નાગરકોઈલ નજીક મેળા સરક્કલવિલાઈમાં થયો હતો. તેના માતાપિતા કૈલાસવદિવુ અને માતા ચેલમ છે. તેમણે તેમનું પ્રારંભિક શિક્ષણ તમિલ માધ્યમની સરકારી શાળામાં કર્યું હતું. ત્યારબાદ સિવને 1980માં મદ્રાસ ઇન્સ્ટિટ્યૂટ ઑફ ટેક્નોલોજીમાંથી એરોનોટિકલ એન્જિનિયરિંગમાં સ્નાતકની ડિગ્રી મેળવી. તે તેના પરિવારમાં પ્રથમ સ્નાતક છે. તેમણે 1982માં ઈન્ડિયન ઈન્સ્ટિટ્યૂટ ઓફ સાયન્સ, બેંગ્લોરમાંથી એરોસ્પેસ એન્જિનિયરિંગમાં માસ્ટર ડિગ્રી મેળવી અને ઈસરોમાં કામ કરવાનું શરૂ કર્યું.

વિક્રમ સારાભાઈ સ્પેસ સેન્ટરના ડિરેક્ટર બન્યા

તેણે 2006માં ઇન્ડિયન ઇન્સ્ટિટ્યૂટ ઑફ ટેક્નોલોજી, બોમ્બેમાંથી એરોસ્પેસ એન્જિનિયરિંગમાં ડોક્ટરેટની ડિગ્રી મેળવી. તેઓ ઈન્ડિયન નેશનલ એકેડમી ઓફ એન્જિનિયરિંગ, એરોનોટિકલ સોસાયટી ઓફ ઈન્ડિયા અને સિસ્ટમ્સ સોસાયટી ઓફ ઈન્ડિયાના ફેલો છે.કે સિવને ઈન્ડિયન સ્પેસ રિસર્ચ ઓર્ગેનાઈઝેશન (ISRO) માટે લોન્ચ વાહનોની ડિઝાઈન અને ડેવલપમેન્ટ પર કામ કર્યું હતું. પોલર સેટેલાઇટ લોંચ વ્હીકલ (PSLV) પ્રોજેક્ટમાં ભાગ લેવા માટે તેઓ 1982માં ISROમાં જોડાયા હતા. ત્યારબાદ 2 જુલાઈ 2014ના રોજ તેમની ISROના લિક્વિડ પ્રોપલ્શન સિસ્ટમ્સ સેન્ટરના ડિરેક્ટર તરીકે નિમણૂક કરવામાં આવી હતી.

એપ્રિલ 2014માં ચેન્નાઈની સત્યબામા યુનિવર્સિટી તરફથી તેમને ડોક્ટર ઓફ સાયન્સથી નવાજવામાં આવ્યા હતા. આ પછી, 1 જૂન 2015ના રોજ, તેઓ વિક્રમ સારાભાઈ સ્પેસ સેન્ટરના ડિરેક્ટર બન્યા. કે સિવાનને જાન્યુઆરી 2018માં ઈસરોના વડા તરીકે નિયુક્ત કરવામાં આવ્યા હતા. તેમની અધ્યક્ષતા હેઠળ, ISRO એ 22 જુલાઈ 2019 ના રોજ ચંદ્રયાન 2, ચંદ્ર પરનું બીજું મિશન લોન્ચ કર્યું હતુ.

આંતરરાષ્ટ્રીય તમામ સમાચાર વાંચવા માટે અહીં ક્લિક કરો