Fastag Fraud Video: FASTag માંથી પૈસા ઉડાવનાર વીડિયો પર જાણો સરકારે શું કહ્યું, દાવામાં કેટલું સત્ય?
એવો દાવો કરવામાં આવે છે કે બાળક તેની સ્માર્ટવોચ (Smartwatch)વડે FASTag સ્કેન કરી રહ્યું છે. શું કોઈ FASTag માં જમા થયેલી રકમ કોઈપણ ઉપકરણથી સ્કેન કરીને ઉપાડી શકાય છે? ચાલો આ વીડિયોનું સત્ય જાણીએ.
છેલ્લા કેટલાક દિવસોથી તમામ સોશિયલ મીડિયા (Social Media)પ્લેટફોર્મ પર એક વીડિયો ખૂબ જ વાયરલ (Viral Video)થઈ રહ્યો છે. વીડિયોમાં દાવો કરવામાં આવી રહ્યો છે કે કારની વિન્ડસ્ક્રીન સાફ કરી રહેલ એક બાળક સ્માર્ટવોચમાંથી ફાસ્ટેગ (FASTag)માં પૈસા ટ્રાન્સફર કરી રહ્યો છે. એવો દાવો કરવામાં આવે છે કે બાળક તેની સ્માર્ટવોચ (Smartwatch)વડે FASTag સ્કેન કરી રહ્યું છે. શું કોઈ FASTag માં જમા થયેલી રકમ કોઈપણ ઉપકરણથી સ્કેન કરીને ઉપાડી શકાય છે? ચાલો આ વીડિયોનું સત્ય જાણવાનો પ્રયાસ કરીએ.
વાયરલ થઈ રહેલા વીડિયોમાં શું છે?
સોશિયલ મીડિયા પર વાયરલ થઈ રહેલા આ વીડિયોમાં એક બાળક કપડાથી કારની વિન્ડસ્ક્રીન સાફ કરી રહ્યો છે અને આ દરમિયાન તે ફાસ્ટેગ પર તેની સ્માર્ટવોચ ફેરવે છે. જે બાદ કાર ચાલક બાળકને બોલાવીને પૂછે છે કે સફાઈ કરી તો પૈસા કેમ નથી માંગ્યા. તે પછી બાળક કહે છે કે હા, પૈસા જોઈએ છે અને પછી ત્યાંથી ભાગવા લાગે છે. આ પછી કાર ચાલક કહે છે કે આ એક સ્કેમ છે અને આ બાળકો તેમની સ્માર્ટવોચથી સ્કેન કરે છે અને ફાસ્ટેગમાં પડેલા પૈસા ટ્રાન્સફર કરે છે.
Of late such videos claiming FasTag Scam have started doing rounds.
Would like to draw the attention of @MORTHIndia @OfficeOfNG @nitin_gadkari ji.
To my mind, Fastag is a closed system where only registered users should be able to scan & transfer money to their account. pic.twitter.com/mlb4IhnuD1— Commander Ashok Bijalwan 🇮🇳 (@AshTheWiz) June 24, 2022
FASTag કેવી રીતે કામ કરે છે અને શું આ પદ્ધતિ દ્વારા પૈસા ટ્રાન્સફર કરી શકાય છે?
આપની માહિતી માટે, અમે તમને જણાવી દઈએ કે તમારી કાર અથવા અન્ય કોઈપણ વાહનમાં લાગેલું FASTag સ્ટીકર RFID (Radio Frequency Identification) પર કામ કરે છે. RFID એક પ્રકારનું નાનું રેડિયો રીસીવર છે. RFID રીડરની મદદથી, ટોલ પ્લાઝા પર FASTag સ્ટીકરમાંથી ટોલ મની કાપવામાં આવે છે. માત્ર NPCI (National Payments Corporation of India)પાસે FASTagમાં જમા કરાયેલા નાણાંના ખાતા અને કપાત પછી જે ખાતામાં નાણાં જમા થયા છે તેની માહિતી છે.
Paytm, PIB અને FASTagએ વીડિયોને ફેક ગણાવ્યો
ફાસ્ટેગે પણ ટ્વિટ કરીને આ વીડિયોને ફેક ગણાવ્યો છે. આ સિવાય PIB ફેક્ટ ચેકની ટીમે પણ તેને નકલી ગણાવ્યું છે. FASTag એ જણાવ્યું છે કે NETC (National Electronic Toll Collection) FASTag વ્યવહારો ફક્ત નોંધાયેલા વેપારીઓ (ટોલ અને પાર્કિંગ પ્લાઝા ઓપરેટર્સ) દ્વારા જ કરી શકાય છે જેમને NPCI દ્વારા તેમના ભૌગોલિક સ્થાન (Geo Location)દ્વારા FASTag સિસ્ટમમાં સામેલ કરવામાં આવ્યા છે. કોઈપણ અનધિકૃત ડિવાઈસ NETC FASTag પર ટ્રાન્ઝેક્શન કરી શકશે નહીં. આ મામલામાં Paytmનું નામ પણ સામે આવ્યું છે, ત્યારબાદ Paytmએ આ વીડિયોને ફેક ગણાવ્યો છે.
A video is spreading misinformation about Paytm FASTag that incorrectly shows a smartwatch scanning FASTag. As per NETC guidelines, FASTag payments can be initiated only by authorised merchants, onboarded after multiple rounds of testing. Paytm FASTag is completely safe & secure. pic.twitter.com/BmXhq07HrS
— Paytm (@Paytm) June 25, 2022
A #viral Video claims that devices like watches are being used to swipe the #Fastag on vehicles, leading to fraudulent deduction of money from prepaid wallets.#PIBFactCheck:
▶️ This Video is #FAKE
▶️ Such transactions are not possible
▶️ Each Toll Plaza has a unique code pic.twitter.com/n7p01AXF4A
— PIB Fact Check (@PIBFactCheck) June 25, 2022