મેડ ઇન ઇન્ડિયા ટેકનોલોજી અપનાવો ! ગૃહમંત્રી અમિત શાહે Gmail છોડી Zoho Mail પર સ્વિચ કર્યું, જાહેર કર્યું નવું ID

કેન્દ્રીય ગૃહમંત્રી અમિત શાહે તેમનું ઇમેઇલ એકાઉન્ટ બદલ્યું છે અને મેડ ઇન ઇન્ડિયા પ્લેટફોર્મ Zoho Mail પર એક નવું એકાઉન્ટ બનાવ્યું છે. તેમણે પોતે X (ટ્વિટર) પર એક પોસ્ટ દ્વારા આ જાહેરાત કરી હતી. શાહે કહ્યું કે ભવિષ્યમાં બધા સત્તાવાર ઇમેઇલ હવે આ નવા આઈડી પર મોકલવા. તેમણે X પર તેમનું નવું ઇમેઇલ આઈડી પણ શેર કર્યું.

અમિત શાહે Zoho Mail પર એકાઉન્ટ બનાવ્યું

કેન્દ્રીય મંત્રીએ X (ટ્વિટર) પર Zoho Mail માં જોડાવાની જાહેરાત કરી. પોતાની પોસ્ટમાં તેમણે લખ્યું, “મેં Zoho Mail પર સ્વિચ કર્યું છે. કૃપા કરીને મારા ઇમેઇલ સરનામાંમાં ફેરફારની નોંધ લેવી. મારું નવું ઇમેઇલ સરનામું amitshah.bjp@zohomail.in છે. કૃપા કરીને ભવિષ્યના પત્રવ્યવહાર માટે આ ઇમેઇલ સરનામાંનો ઉપયોગ કરો.”

અમિત શાહનું Zoho Mail પર સ્વિચ કરવું એ મોદી સરકારના સ્વદેશી ટેકનોલોજી પર વધતા ધ્યાનનો એક ભાગ છે. ઘણા સરકારી અધિકારીઓએ પહેલાથી જ Zoho ના વિવિધ પ્લેટફોર્મનો ઉપયોગ શરૂ કરી દીધો છે. Zoho Mail સંપૂર્ણપણે ભારતીય ઇમેઇલ ક્લાયંટ છે, જેને Gmail અને Outlook ના સીધા હરીફ તરીકે ઓળખવામાં આવે છે.

Zoho Mail સુવિધાઓ

Zoho Mail એક જાહેરાત-મુક્ત પ્લેટફોર્મ છે જે વ્યક્તિગત અને વ્યવસાયિક વપરાશકર્તાઓ બંનેને સેવા આપે છે. ડેટા એન્ડ-ટુ-એન્ડ એન્ક્રિપ્શન સાથે સુરક્ષિત છે, અને કંપની દાવો કરે છે કે કોઈ ડેટા જાહેરાતકર્તાઓને વેચવામાં આવતો નથી. તે એક સંકલિત અનુભવ પ્રદાન કરે છે, જેમાં વ્યક્તિગત, વ્યવસાયિક અને પ્રમોશનલ ઇમેઇલ અલગ ટેબમાં પ્રદર્શિત થાય છે. તેમાં કેલેન્ડર, નોંધો અને સંપર્કો જેવી સુવિધાઓ પણ સામેલ છે.

Arattai એ સ્વદેશી ટેકનોલોજી વિશે ચર્ચા

Zoho એ તાજેતરમાં તેની મેસેજિંગ એપ્લિકેશન, Arattai લોન્ચ કરી છે, જેણે સ્વદેશી ટેકનોલોજી વિશે ચર્ચા જગાવી છે. પ્રધાનમંત્રી મોદીના મેડ ઇન ઇન્ડિયા ટેક અપીલ બાદ આને વધુ વેગ મળ્યો છે. Zoho ના સ્થાપક શ્રીધર વેમ્બુ નિયમિતપણે તેના ઉત્પાદનો પર અપડેટ્સ આપે છે. વધુમાં, અમિત શાહે કહ્યું કે બઘા લોકોએ Zoho નો ઉપયોગ કરવો જોઈએ.

આ પણ વાંચો – કાંટાની ટક્કર ! ઝોહોના ફાઉન્ડર શ્રીધર વેમ્બુ લાવી રહ્યા છે ‘ઓનલાઈન પેમેન્ટ’ માટેની એપ, GPay અને Paytm સાથે સખત સ્પર્ધા