વર્ષ 2021માં ‘ભૂલ’ શોધવા માટે Google એ આપ્યા 65.79 કરોડ રૂપિયા, ઈન્દોરના અમન પાંડેને મળ્યુ સૌથી વધુ ઈનામ
અમન પાંડે NIT ભોપાલમાંથી ગ્રેજ્યુએટ છે. તેણે વર્ષ 2021માં સત્તાવાર રીતે તેની કંપનીની નોંધણી કરાવી હતી. તેમની કંપની ગૂગલ, એપલ સહિત અન્ય કંપનીઓની સુરક્ષા વ્યવસ્થાને મજબૂત બનાવવામાં મદદ કરે છે.
વર્ષ 2021માં ગૂગલે (Google) સંશોધકોને 87 લાખ ડોલર (લગભગ રૂ. 65.79 કરોડ) Vulnerability પુરસ્કાર તરીકે આપ્યા છે. ગૂગલે આ રકમ સંશોધકોને બગ્સ શોધવા અને જાણ કરવા બદલ ઈનામ તરીકે આપી છે. જો કે આમાં ગૂગલે ઈન્દોરના અમન પાંડેનો ખાસ ઉલ્લેખ કર્યો છે. અમન પાંડે Bugsmirrorના સ્થાપક અને સીઈઓ છે અને તેમને સૌથી વધુ એવોર્ડ મળ્યા છે. રિપોર્ટ્સ અનુસાર, ગૂગલેએ 220 યુનિક રિપોર્ટ્સ માટે 2.96 લાખ ડોલર આપ્યા છે. આમાં ગૂગલે Bugsmirrorના અમન પાંડે, Yu-Cheng Lin અને સંશોધક gzobqq@gmail.comનો ઉલ્લેખ કર્યો છે, જેમણે સૌથી વધુ પુરસ્કારો મેળવ્યા છે. આ લોકોને સૌથી વધુ ઈનામ મળ્યું છે.
ગૂગલે તેના રિપોર્ટમાં કહ્યું, ‘Bugsmirror ટીમના અમન પાંડે ગત વર્ષ અમારા સંશોધકોની યાદીમાં ટોચ પર હતા. તેમણે 2021માં 232 Vulnerabilities સબમિટ કરી છે. તેણે 2019માં પોતાનો પહેલો રિપોર્ટ સબમિટ કર્યો હતો. અમનએ અત્યાર સુધીમાં 280 માન્ય Vulnerabilities ની જાણ કરી છે.
જણાવી દઈએ કે અમન પાંડે NIT ભોપાલમાંથી ગ્રેજ્યુએટ છે. તેણે વર્ષ 2021માં સત્તાવાર રીતે તેની કંપનીની નોંધણી કરાવી હતી. તેમની કંપની ગૂગલ, એપલ સહિત અન્ય કંપનીઓની સુરક્ષા વ્યવસ્થાને મજબૂત બનાવવામાં મદદ કરે છે.
એન્ડ્રોઇડ વલ્નેરેબિલિટી રિવોર્ડ પ્રોગ્રામ (VRP) હેઠળ ગૂગલે વર્ષ 2020ની સરખામણીમાં વર્ષ 2021માં બમણું રિવોર્ડ આપ્યું છે. જે એન્ડ્રોઇડ VRP હેઠળ આપવામાં આવેલી અત્યાર સુધીની સૌથી મોટી રકમ છે. આ સાથે ગૂગલે એન્ડ્રોઇડ ચિપસેટ સિક્યુરિટી રિવોર્ડ પ્રોગ્રામ (ACSRP) પણ શરૂ કર્યો છે.
આ પ્રોગ્રામ ગૂગલ અને કેટલાક એન્ડ્રોઇડ ચિપસેટ ઉત્પાદકો દ્વારા સંયુક્ત રીતે શરૂ કરવામાં આવ્યો છે. વર્ષ 2021 માં, વેલિડ અને યૂનીક સુરક્ષા અહેવાલો માટે ACSRP હેઠળ 2.96 લાખ ડોલર આપવામાં આવ્યા છે. આ સાથે ક્રોમ (Chrome)માં ઘણા બગ જોવા મળ્યા છે. આ માટે વર્ષ 2021માં ગૂગલે 33 લાખ ડોલરનું ઈનામ આપ્યું છે.