બાળકો માટે આવશે Instagram નું નવું સંસ્કરણ, જાણો શું રહેશે ખાસ
ઇન્સ્ટાગ્રામની નીતિ 13 વર્ષથી ઓછી ઉંમરના બાળકો માટે ઇન્સ્ટાગ્રામનો ઉપયોગ કરવાની મંજૂરી આપતી નથી. ઉપરાંત, બાળકો તેમના માતાપિતા અને મેનેજરની દેખરેખમાં ઇન્સ્ટાગ્રામનો ઉપયોગ કરી શકે છે.
Facebook અને Instagram બાળકો માટે નવી એપ્લિકેશન શરૂ કરશે. આ હાલના Instagramનું નવું સંસ્કરણ હશે, ખાસ કરીને 13 વર્ષથી ઓછી વયના બાળકો માટે હશે. Instagram પ્રોડક્ટના વાઇસ પ્રેસિડેન્ટ વિશાલ શાહ આપેલા એક ઇન્ટરવ્યુમાં આ વાત સામે આવી છે. શાહના જણાવ્યા અનુસાર, Instagramના બે વર્ઝન હશે. એક સંસ્કરણ 13 વર્ષથી વધુ ઉંમરના લોકો માટે હશે. જ્યારે બીજુ સંસ્કરણ 13 વર્ષથી ઓછી વયના યુવાનો માટે સુરક્ષિત મોડમાં Instagram ના ઉપયોગને પ્રોત્સાહન આપશે, જે પહેલીવાર ઇન્સ્ટાગ્રામનો ઉપયોગ કરી રહ્યા છે.
તમને જણાવી દઈએ કે હાલમાં, ઇન્સ્ટાગ્રામની નીતિ 13 વર્ષથી ઓછી ઉંમરના બાળકો માટે ઇન્સ્ટાગ્રામનો ઉપયોગ કરવાની મંજૂરી આપતી નથી. ઉપરાંત, બાળકો તેમના માતાપિતા અને મેનેજરની દેખરેખમાં ઇન્સ્ટાગ્રામનો ઉપયોગ કરી શકે છે. એક અહેવાલ મુજબ, કિડ્સ ફોક્સ્ટડ Instagram સંસ્કરણનું કામ Instagramના વડા Adam Mosseri જોશે. જ્યારે તેનું નેતૃત્વ Facebook ના વાઇસ પ્રેસિડેન્ટ Pavni Diwanji કરશે, જેમણે અગાઉ Youtube કિડ્સનું નેતૃત્વ કર્યું હતું. તે Googleની પેટાકંપનીનું ચાઇલ્ડ ફોકસ પ્રોડક્ટ છે. આ સાથે ઇન્સ્ટાગ્રામમાં પૈસેન્ટલ કંટ્રોલ આપવાની પણ તૈયારી ચાલી રહી છે.
સોશિયલ મીડિયા પ્લેટફોર્મ પર બાળકો સામે ગુનાના વધતા જતા કેસોની ફરિયાદો આવી રહી છે
તમને જણાવી દઈએ કે ફેસબુક અને ઇન્સ્ટાગ્રામ જેવા સોશિયલ મીડિયા પ્લેટફોર્મ પર બાળકો સામે ગુનાના વધતા જતા કેસોની ફરિયાદો આવી રહી છે. આ પ્લેટફોર્મ પર બાળકો સાથે સંબંધિત વાંધાજનક પોસ્ટ્સ હોવાનો આક્ષેપ કરવામાં આવ્યા છે. આ પછી, સોશિયલ મીડિયા પ્લેટફોર્મ પર બાળકોની વિરુદ્ધનું કંન્ટેન્ટ દૂર કરવા માટે દબાણ વધ્યું હતું. યુકે સ્થિત નેશનલ સોસાયટી ફોર પ્રિવેન્શન ઓફ ક્રુઅલ્ટી ટુ ચિલ્ડ્રનનાં એક અહેવાલ અનુસાર, ઇન્સ્ટાગ્રામમાં બાળકોને લગતા સૌથી વધુ કેસ છે. છેલ્લા ત્રણ વર્ષમાં તેમાં નોંધપાત્ર વધારો નોંધાયો છે. આવી સ્થિતિમાં, સોશિયલ મીડિયા પ્લેટફોર્મ પર બાળકો માટે અલગ એપ્સ બનાવવાનું દબાણ વધ્યું છે.
હાલમાં, જે વપરાશકર્તાઓ 13 વર્ષથી ઉપરના છે તે ઇન્સ્ટાગ્રામ પર પોતાનું એકાઉન્ટ બનાવી શકે છે. કંપની જાણે છે કે ફોટો શેરિંગ એપ્લિકેશન પર એકાઉન્ટ બનાવવા માટે વિગતો ભરતી વખતે લોકો જૂઠું બોલે છે. પરંતુ હવે ઇન્સ્ટાગ્રામ યુઝરની સાચી ઉંમર નક્કી કરવા માટે આર્ટીફીશીયલ ઈન્ટેલીજન્સનો ઉપયોગ કરી શકે છે. આ યોજના તાજેતરમાં ઇન્સ્ટાગ્રામએ તેના બ્લોગમાં શેર કરી હતી.