દંગલ ગર્લ બબીતા ફોગાટ માતા બનશે, બેબી બંપ સાથેના ફોટો કર્યા શેર

સ્ટાર રેસલર બબીતા ફોગાટે ગત વર્ષે ડિસેમ્બર માસમાં જ રેસલર વિવેક સુહાગ સાથે લગ્ન કર્યા હતા. લગ્ન બાદ હવે બબીતા ફોગાટે સારા સમાચાર તેના પ્રશંસકોને આપ્યા છે, કે તેના પરીવારમાં ખુશીના દીવસો છે. ભારતની સ્ટાર રેસલર ગણાતી બબીતા ફોગાટના જીવનમાં જલ્દી થી એક નાના મહેમાનનુ આગમન થનારુ છે. ભારતની આ કોમનવેલ્થ ગોલ્ડ મેડાલિસ્ટ રેસલર મા બનનારી છે. તેણે સોશિયલ મિડીયા પર પ્રશંસકો માટે આ સમાચાર ને શેર કર્યા છે.

બબીતા ફોગાટે ગત વર્ષે જ ડિસેમ્બર માસમાં પોતાના પિતૃક ગામમાં રેસલર વિવેક સુહાગ સાથે લગ્ન કર્યા હતા. બંને એક બીજાને પાંચ વર્ષ થી ડેટ કરી રહ્યા હતા. બંને પોતાની જીંદગીના નવા પડાવ માટે ખૂબજ ઉત્સાહિત છે. બબીતાએ ઇન્સ્ટાગ્રામ પર વિવેક સાથેની તસ્વીર શેર કરી હતી, જેમાં તે બેબી બંપ ફ્લાંટ કરતા જોવા મળી હતી. સાથે જ તેણે કેપ્શનમાં લખ્યુ હતુ કે, તમારી પત્નિના સ્વરુપે મે જે હર એક પળ વિતાવી છે, મને અહેસાસ થાય છે કે હું કેટલી લકી છુ, જે આ શાનદાર જીવન જીવી રહી છુ. તમારી સાથે હું હંમેશા ખુશ રહી શકુ છુ. તમે મને પુર્ણ કરો છો, હું ખૂબ જ ઉત્સાહિત છુ અને રાહ જોઇ રહી છુ આપણી નવી જીંદગીના આ નવા ચેપ્ટરની.

બજરંગ પૂણીયા સહિત અનેક ખેલાડીઓએ બબીતા અને વિવેકને આ ખુશ ખબરી માટે શુભેચ્છા આપી હતી. સાથે જ અભિનેત્રી યુવિકા ચૌધરી, અનિતા હસનંદાની અને ઉર્વશી ઢોલકિયાએ પણ બબીતા અને વિવેકને શુભકામનાઓ પાઠવી હતી. બબીતા અને વિવેક સ્ટાર પ્લસના રિયાલીટી શો નચ બલેયે માં પણ ભાગ લીધો હતો. આ શોમાં બંનેએ પોતાની પ્રેમ કહાનીને બતાવી હતી કે, કેવી રીતે બંને રેસલીંગ ટ્રેનિંગ સેન્ટર માં મળ્યા અને એક બીજાના પ્રેમમાં પડ્યા હતા.

રોચક VIDEO જોવા માટે TV9Gujaratiના YOUTUBE પેજને SUBSCRIBE કરો