IND vs AUS 3rd ODI: કાળી પટ્ટી બાંધી મેદાનમાં કેમ ઉતર્યા ભારતીય ખેલાડીઓ? જાણો કારણ

ભારત અને ઓસ્ટ્રેલિયાની વચ્ચે આજે છેલ્લી વન-ડે મેચ બેંગલુરૂના એમ ચિન્નાસ્વામી સ્ટેડિયમમાં રમાઈ રહી છે. બંને દેશોના ક્રિકેટ પ્રેમીઓની નજર આ મેચ પર છે. બંને ટીમે સીરીઝની 1-1 મેચ જીતી છે. ત્યારે આજે રમાઈ રહેલી છેલ્લી વન-ડે મેચમાં જે ટીમ જીતશે તે સીરીઝ પોતાના નામે કરશે.

ઓસ્ટ્રેલિયાએ ટોસ જીતીને પ્રથમ બેટિંગ કરવાનો નિર્ણય કર્યો. આ મેચમાં ભારતીય ટીમના ખેલાડીઓ કાળી પટ્ટી બાંધીને મેદાન પર ઉતર્યા છે. કેપ્ટન વિરાટ કોહલી સહિત ટીમના તમામ ખેલાડીઓ કાળી પટ્ટી બાંધીને મેચમાં ઉતર્યા છે. આ કાળી પટ્ટી ભારતીય ટીમના એક પૂર્વ દિગ્ગજ ખેલાડીના સન્માનમાં બાંધી છે.

શુક્રવાર 17 જાન્યુઆરીએ ભારતીય ટીમના પૂર્વ ઓલરાઉન્ડર બાપૂ નાદકર્ણીનું નિધન થયું હતું. લગભગ 13 વર્ષ સુધી ભારતીય ટીમ માટે ટેસ્ટ ક્રિકેટ રમનારા બાપૂ નાદકર્ણીએ 86 વર્ષની ઉંમરમાં આ દુનિયાને અલવિદા કહ્યું. તેમના સન્માનમાં ભારતીય ટીમના તમામ ખેલાડી આજે કાળી પટ્ટી બાંધીને મેચ રમી રહ્યા છે. મેચ પહેલા BCCIએ આ વાતની જાહેરાત કરી દીધી હતી કે ખેલાડી આ મેચમાં ટીમ કાળી પટ્ટીની સાથે ઉતરશે.

4 એપ્રિલ 1933ના રોજ જન્મેલા નાદકર્ણીએ 1955માં ન્યૂઝીલેન્ડની સામે પ્રથમ ટેસ્ટ દિલ્હીમાં રમી હતી. તેમને 191 પ્રથમ શ્રેણી મેચ રમી, જેમાં 500 વિકેટ લઈ 8,880 રન બનાવ્યા. તેમને ભારત માટે 41 ટેસ્ટમાં 1,414 રન બનાવ્યા અને 88 વિકેટ લીધી. 43 રન પર 6 વિકેટ તેમનું સર્વશ્રેષ્ઠ પ્રદર્શન રહ્યું.

રોચક VIDEO જોવા માટે TV9Gujaratiના YOUTUBE પેજને SUBSCRIBE કરો

 આ પણ વાંચો: IND vs AUS: ટોસ જીતીને ઓસ્ટ્રેલિયાએ લીધી બેટિંગ, ભારતની ટીમ માટે આ સારા સમાચાર

[youtube_channel resource=0 cache=300 random=1 fetch=10 num=1 ratio=3 responsive=1 width=306 display=thumbnail thumb_quality=hqdefault autoplay=1 norel=1 nobrand=1 showtitle=above titletag=h3 desclen=0 noanno=1 noinfo=1 link_to=channel goto_txt=”Watch more interesting videos on TV9 Gujarati YouTube channel”]