IPL 2022: ખરાબ ફોર્મની ચિંતા કર્યા વગર વિરાટ કોહલીએ ‘O Antava’ ગીત પર કર્યો ડાન્સ, જુઓ વીડિયો

IPL-2022 (IPL 2022) હાલમાં ભારતમાં આયોજિત છે. આ દરમિયાન તમામ ટીમો બાયો બબલમાં છે, પરંતુ ખેલાડીઓ માટે આનંદની કોઈ કમી નથી. જ્યારે તક મળે છે ત્યારે ખેલાડીઓ પોતાનું મનોરંજન કરે છે. પછી ભલે તે રીલ્સ અથવા અન્ય કોઈપણ માધ્યમ દ્વારા હોય. આ દરમિયાન વિરાટ કોહલી (Virat Kohli) પણ મસ્તીના મૂડમાં જોવા મળ્યો હતો. આ સિઝનમાં ખરાબ ફોર્મ સામે ઝઝૂમી રહેલો કોહલી ડાન્સ કરતો જોવા મળ્યો હતો. કોહલીએ વર્તમાન સમયના એક પ્રખ્યાત ગીત પર જોરદાર ડાન્સ કર્યો હતો.

રોયલ ચેલેન્જર્સ બેંગ્લોર (Royal Challengers Bangalore)ના આ ખેલાડીએ તેના સાથી ખેલાડી શાહબાઝ અહેમદ સાથે ખૂબ જ મસ્તી કરી હતી. આ પ્રસંગ હતો બેંગ્લોરના ખેલાડી ગ્લેન મેક્સવેલના લગ્નની પાર્ટીનો. આ દરમિયાન કોહલીએ કાળો કુર્તો પહેર્યો હતો અને તે પ્રખ્યાત ફિલ્મ પુષ્પાના પ્રખ્યાત ગીત ‘ઓ અંતવા’ પર ડાન્સ કરતો જોવા મળ્યો હતો. કોહલીના ડાન્સનો વીડિયો સોશિયલ મીડિયા પર જોરદાર વાયરલ થઈ રહ્યો છે. ઘણા લોકો તેને પસંદ કરી રહ્યા છે.

કોહલીનો ડાન્સ જુઓ

રન માટે સંઘર્ષ કરી રહ્યો છે

વિરાટ કોહલી આ સિઝનમાં ખરાબ ફોર્મનો સામનો કરી રહ્યો છે. તેના બેટમાંથી રન નથી નીકળી રહ્યા. વર્તમાન સિઝનમાં કોહલીએ અત્યાર સુધી નવ મેચ રમી છે, પરંતુ એક પણ મેચમાં 50નો આંકડો પાર કરી શક્યો નથી. તેણે પંજાબ કિંગ્સ સામે સારી શરૂઆત કરી અને 41 રન બનાવ્યા. કોલકાતા નાઈટ રાઈડર્સ અને રાજસ્થાન રોયલ્સ સામે તેના બેટમાંથી 12 અને પાંચ રન આવ્યા હતા. તેણે મુંબઈ સામે 48 રન બનાવ્યા હતા.

એવું નથી કે કોહલી માત્ર IPLમાં જ રન બનાવી શકતો નથી. આંતરરાષ્ટ્રીય ક્રિકેટમાં તેની સદીઓનો દુકાળ ચાલુ છે. કોહલીએ 2019થી આંતરરાષ્ટ્રીય સ્તરે એક પણ સદી ફટકારી નથી. તે અડધી સદી ફટકારી રહ્યો છે, પરંતુ તેને સદીમાં રૂપાંતરિત કરવામાં સક્ષમ નથી. હવે કોહલી કોઈ ટીમનો કેપ્ટન નથી. તેણે ગયા વર્ષે T20 વર્લ્ડ કપ પહેલા રમતના સૌથી ટૂંકા ફોર્મેટમાં ટીમ ઈન્ડિયાની કેપ્ટનશીપ છોડવાની વાત કરી હતી. તેને ઓડીઆઈની કેપ્ટન્સીમાંથી હટાવી દેવામાં આવ્યો હતો અને ટેસ્ટ કેપ્ટનશિપમાંથી રાજીનામું આપી દીધું હતું.

આ પણ વાંચો :

Russia Ukraine War: માઈક્રોસોફ્ટના રિપોર્ટમાં ખુલાસો, રશિયાએ યુક્રેન પર કર્યો સાયબર એટેક, ડઝનેક સંસ્થાઓનો ડેટા ઉડાવ્યો