Virat Kohli Final Match Performance : IPL ફાઇનલમાં વિરાટ કોહલીનું પ્રદર્શન છે ચોંકાવનારું, આંકડા વધારશે ચાહકોની ચિંતા !
IPL 2026ની ફાઇનલ મેચ આજે 31મી મેના રોજ RCB અને GT વચ્ચે રમાશે. RCBના ટીમને વિરાટ તરફથી સારી ઇનિંગ્સની જરૂર પડશે. જોકે તેના IPL ફાઇનલના આંકડા ચોંકાવનારા છે.
IPL 2026ની ફાઇનલ મેચમાં કિંગ અને પ્રિન્સ સામસામે આવાના છે. આ બંને વચ્ચે જંગ જોવા મળશે. એક તરફ ગુજરાત ટાઇટન્સ છે, અને બીજી તરફ રોયલ ચેલેન્જર્સ બેંગ્લોર છે, જે ક્વોલિફાયર 1 માં ગુજરાતને હરાવીને ફાઇનલમાં પહોંચી છે. પરંતુ IPL ચેમ્પિયનનો તાજ કોને પહેરાવવો તે નક્કી કરવાનું પ્રિન્સ અને કિંગ પર નિર્ભર રહેશે. વિરાટ કોહલી અને શુભમન ગિલ બંને આ સિઝનમાં સારા ફોર્મમાં છે. ઓરેન્જ કેપ યાદીમાં ગિલ બીજા ક્રમે છે જ્યારે વિરાટ કોહલી છઠ્ઠા ક્રમે છે.
ફાઇનલમાં વિરાટના આંકડા છે ચોંકાવનાર
IPL ફાઇનલમાં ગુજરાત ટાઇટન્સનો દબદબો લાગે છે કારણ કે વિરાટનું બેટ અત્યાર સુધી શાંત રહ્યું છે. RCB અને તેના ચાહકો માટે આ એક મોટી ચિંતાનો વિષય છે. વિરાટ કોહલી અત્યાર સુધી ચાર IPL ફાઇનલમાં રમ્યો છે અને તેણે ફક્ત એક જ અડધી સદી મારી છે. ચાર મેચમાં વિરાટે 34.75ની સરેરાશ અને 126.36ના સ્ટ્રાઇક રેટથી 139 રન બનાવ્યા છે. આ સમયગાળા દરમિયાન તેનો સર્વોચ્ચ વ્યક્તિગત સ્કોર 54 છે. આ ઇનિંગ 2016માં સનરાઇઝર્સ હૈદરાબાદ સામે રમાઈ હતી.
આ સિઝનમાં વિરાટ કોહલીનું પ્રદર્શન
IPL 2026માં, વિરાટે 15 મેચમાં 50.00ની સરેરાશ અને 164.38ના સ્ટ્રાઇક રેટથી 600 રન બનાવ્યા છે. આ સમયગાળા દરમિયાન, તેણે ચાર અડધી સદી અને એક સદી મારી છે. તેનો સર્વોચ્ચ વ્યક્તિગત સ્કોર 105 છે. છેલ્લા ચાર સિઝનમાં વિરાટનો સાતત્ય સાબિત કરે છે કે તે ફક્ત આ લીગમાં જ નહીં પરંતુ આ ફોર્મેટમાં પણ શ્રેષ્ઠ ખેલાડી છે. તેણે છેલ્લા ચાર સિઝનમાં દરેકમાં 600થી વધુ રન બનાવ્યા છે. જેના કારણે તે આવું કરનાર પ્રથમ ખેલાડી બન્યો છે. ફાઇનલમાં પહોંચવામાં RCBની સફળતામાં વિરાટની બેટિંગ મુખ્ય પરિબળ રહી છે.
વિરાટ કોહલીના રેકોર્ડ્સ
વિરાટ કોહલી એક ભારતીય ટોપ-ઓર્ડર બેટ્સમેન છે અને આંતરરાષ્ટ્રીય ક્રિકેટના ઇતિહાસમાં સૌથી વધુ રન બનાવનારા ખેલાડીઓમાંનો એક છે. તેણે પોતાની કારકિર્દીમાં 85 આંતરરાષ્ટ્રીય સદીઓ નોંધાવી છે. ઇન્ડિયન પ્રીમિયર લીગમાં (IPL), કોહલી 2008માં ટુર્નામેન્ટની શરૂઆતની સીઝનથી રોયલ ચેલેન્જર્સ બેંગલુરુ (RCB) નું પ્રતિનિધિત્વ કરી રહ્યો છે. તે 267 મેચોમાં 8661 રન બનાવ્યા છે. તે એક જ સીઝનમાં સૌથી વધુ રન (2016 માં 973 રન) અને IPL માં સૌથી વધુ કારકિર્દી સદી (8) નો સત્તાવાર ટુર્નામેન્ટ રેકોર્ડ ધરાવે છે. 2025ની મેગા ઓક્શન પહેલા RCB એ કોહલીને 21 કરોડ રૂપિયામાં રિટેન કર્યો હતો.
આ પણ વાંચો, IPL 2026 Final : બેંગલુરુ કે ગુજરાત, અમદાવાદની પિચ કોને આપશે સાથ ? જાણો કોણ બનશે ચેમ્પિયન !
