U19 World Cup Final, IND vs ENG, LIVE Streaming: ભારત-ઈંગ્લેન્ડ ફાઈનલ મેચ ક્યાં જોઈ શકશો?
ભારતીય ટીમ સતત ચોથી વખત અંડર 19 વર્લ્ડ કપ(U19 World Cup)ની ફાઇનલમાં પહોંચી છે. આ સાથે જ ટૂર્નામેન્ટના ઈતિહાસમાં આ તેની 8મી ફાઈનલ હશે.
U19 World Cup: અંડર 19 વર્લ્ડ કપ (U19 World Cup)ની આજે ફાઈનલ મેચ રમાશે, જેમાં ભારતીય ટીમ ઈંગ્લેન્ડ (India vs England) સામે ટકરાશે. ભારતની નજર પાંચમા ટાઈટલ પર છે. ટીમ ઈન્ડિયા આખી ટૂર્નામેન્ટ દરમિયાન કોરોનાના કહેર સાથે સંઘર્ષ કરી રહી છે. સેમિફાઈનલ પહેલા ટીમ સંપૂર્ણપણે સ્વસ્થ થઈ ગઈ હતી. ભારતીય ટીમ ટૂર્નામેન્ટમાં અત્યાર સુધી વિજય રહી છે. તેણે લીગની તમામ મેચો જીતી છે. આ પછી તેણે ક્વાર્ટર ફાઈનલમાં બાંગ્લાદેશ (Bangladesh)ને હરાવ્યું અને પછી સેમિફાઈનલમાં ઓસ્ટ્રેલિયાને હરાવીને ફાઈનલમાં જગ્યા નિશ્ચિત કરી.
યશ ધૂલની શાનદાર સદીની મદદથી ભારતે ઈંગ્લેન્ડને 96 રનથી હરાવીને સતત ચોથી વખત અંડર-19 વર્લ્ડ કપની ફાઈનલમાં પ્રવેશ કર્યો હતો. ધુલે 110 બોલમાં 110 રન બનાવ્યા અને વાઈસ કેપ્ટન શેખ રાશિદ સાથે 204 રનની ભાગીદારી કરી. રાશિદે 108 બોલમાં 94 રન બનાવ્યા હતા. પ્રથમ બેટિંગ કરતા બંનેએ ટીમને પાંચ વિકેટે 290 રન સુધી પહોંચાડી હતી. આ પછી ભારતીય બોલરોએ પોતાનું કામ સારી રીતે કર્યું અને ઈંગ્લેન્ડને 41.5 ઓવરમાં 194 રનમાં આઉટ કરી દીધું. ઈંગ્લેન્ડ તરફથી માત્ર લચલાન 51 રન બનાવી શક્યો હતો, પરંતુ ત્યાં સુધીમાં ઘણું મોડું થઈ ચૂક્યું હતું.
અંડર 19 વર્લ્ડ કપમાં ભારતની સફર
અંડર-19 વર્લ્ડ કપમાં સૌથી વધુ વખત ફાઈનલમાં પહોંચવાનો રેકોર્ડ ભારતના નામે છે. ટીમ ઈન્ડિયા 2000, 2006, 2008, 2012, 2016, 2018, 2020 અને આ વર્ષે ફાઈનલમાં પહોંચી છે. ભારતે 2000, 2008, 2012 અને 2018માં વર્લ્ડ કપ જીત્યો હતો. તે જ સમયે તેને 2006, 2016 અને 2020માં ફાઈનલમાં હારનો સામનો કરવો પડ્યો હતો.
ભારત અને ઈંગ્લેન્ડ વચ્ચે અંડર 19 વર્લ્ડ કપની ફાઈનલ મેચ ક્યારે રમાશે?
ભારત અને ઈંગ્લેન્ડ વચ્ચે આજે સાંજે (5 ફેબ્રુઆરી) અંડર 19 વર્લ્ડ કપની ફાઈનલ મેચ રમાશે.
ભારત અને ઈંગ્લેન્ડ વચ્ચે અંડર 19 વર્લ્ડ કપની ફાઈનલ મેચ ક્યાં રમાશે?
ભારત અને ઈંગ્લેન્ડ વચ્ચે અંડર વર્લ્ડ કપ એન્ટીગુઆના વિવિયન રિચર્ડ્સ ગ્રાઉન્ડ પર રમાશે.
ભારત અને ઈંગ્લેન્ડ વચ્ચે અંડર 19 વર્લ્ડ કપની ફાઈનલ મેચ કયા સમયે શરૂ થશે?
ભારતીય સમય અનુસાર ભારત અને ઈંગ્લેન્ડ વચ્ચે અંડર 19 વર્લ્ડ કપની ફાઈનલ મેચ સાંજે 6.30 વાગ્યે શરૂ થશે. ટોસ સાંજે 6 વાગ્યે થશે.
ભારત અને ઈંગ્લેન્ડ વચ્ચેની અંડર 19 વર્લ્ડ કપની ફાઈનલ મેચનું લાઈવ ટેલિકાસ્ટ ક્યાં જોઈ શકશો?
ભારત અને ઈંગ્લેન્ડ વચ્ચે અંડર-19 વર્લ્ડ કપની ફાઈનલ મેચનું લાઈવ ટેલિકાસ્ટ સ્ટાર સ્પોર્ટ્સ નેટવર્કની ચેનલ પર થશે.
ભારત અને ઈંગ્લેન્ડ વચ્ચે અંડર 19 વર્લ્ડ કપની ફાઈનલ મેચનું લાઈવ સ્ટ્રીમિંગ ક્યાં થશે?
ભારત અને ઈંગ્લેન્ડ વચ્ચે અંડર-19 વર્લ્ડ કપની ફાઈનલ મેચનું લાઈવ સ્ટ્રીમિંગ Hotstar પર થશે. જ્યાં મેચની લાઈવ અપડેટ https://tv9gujarati.com/ પણ જોઈ શકો છો.
આ પણ વાંચો : કોરોનાના કારણે થયેલા મૃત્યુ પર રાજ્ય અને કેન્દ્રને સુપ્રીમ કોર્ટનો નિર્દેશ, 10 દિવસમાં આપવું પડશે વળતર