Paris Olympic 2024 :ટોક્યો ઓલિમ્પિક -2020 (Tokyo Olympics) ભારત માટે ખૂબ જ ખાસ હતી કારણ કે, આ રમતોમાં ભારતે ઓલિમ્પિકમાં પોતાનું શ્રેષ્ઠ પ્રદર્શન કર્યું છે, ઈતિહાસ પણ રચ્યો છે. કોવિડ -19 વાયરસ દુનિયાભરમાં ફેલાયો છે, ત્યારે તેની અસર ટોક્યો ઓલિમ્પિક -2020 (Tokyo Olympics)પર પણ પડી હતી. આ રમતો એક વર્ષ માટે સ્થગિત રાખવામાં આવી હતી.પરંતુ તમામ મુશ્કેલીઓ પાછળ છોડીને, આંતરરાષ્ટ્રીય ઓલિમ્પિક સમિતિ (IOC) અને જાપાને 23 જુલાઈથી આ રમતોનું આયોજન કર્યું હતુ, જે રવિવારે 8 ઓગસ્ટના રોજ સમાપ્ત થયું છે.
તમામ મુશ્કેલીઓ સામે લડતા જાપાને 16 દિવસ સુધી આ રમતોનું સફળતાપૂર્વક આયોજન કર્યું હતુ. ઉદઘાટન સમારોહની સમાપન સમારોહનું પણ શાનદાર આયોજન કરવામાં આવ્યું હતુ અને અદભૂત આતશબાજી, લાઇટિંગ, નૃત્યએ ખેલાડીઓ સહિત પ્રેક્ષકોને મોહિત કર્યા હતા. ઓલિમ્પિકને ઇતિહાસની સૌથી અનોખી રમતોમાં ગણવામાં આવશે કારણ કે, આ રમતોમાં દર્શકોને સ્ટેડિયમમાં આવવાની મંજૂરી નહોતી. ઓપનિંગ સેરેમનીથી ક્લોઝિંગ સેરેમની સુધી અને મેચોમાં પણ કોઈ દર્શકો નહોતા. ઓલિમ્પિકના ઇતિહાસમાં આ પ્રથમ રમત છે
જ્યાં દર્શકો હાજર ન હતા અને તેનું કારણ કોવિડ -19 હતું. જાપાને કોવિડ -19 સામે લડતા બાયો-સિક્યોર બબલ બનાવ્યા અને ઓલિમ્પિક વિલેજમાં ખેલાડીઓને રોગથી બચાવવાનો પ્રયાસ કર્યો હતા. સમાપન સમારોહમાં, આઇઓસી પ્રમુખ થોમસ બાચે ઓલિમ્પિક ધ્વજ (Olympic flag)ફ્રાન્સને સોંપ્યો હતો. જ્યાં આગામી ઓલિમ્પિક રમતો 2024 માં રમાવાની છે અને સત્તાવાર રીતે ટોક્યો ઓલિમ્પિક સમાપ્ત કરવાની જાહેરાત કરી હતી.
બાકે કહ્યું કે, આભાર જાપાન
ગેમની સમાપ્તિની જાહેરાત કરતા કહ્યું કે, “છેલ્લા 16 દિવસોથી, તમે બધાએ તમારી સિદ્ધિઓથી અમને આશ્ચર્યચકિત કર્યા છે અને ટોક્યો ઓલિમ્પિક -2020 નો જાદુ ફેલાવ્યો છે. આપણે બધા મજબૂત બન્યા છીએ કારણ કે ,આપણે મુશ્કેલ સમયમાં સાથે ઉભા છીએ. આપણે ઓલિમ્પિક વિલેજમાં એક છત નીચે રહ્યા અને તે મહાન સંદેશ છે. તમે બધાએ રમતની શક્તિ બતાવીને બધાને આશ્ચર્યચકિત કર્યા.
તમે આ મુશ્કેલ સમયમાં સમગ્ર વિશ્વને આશા આપી છે. રોગચાળાની શરૂઆતથી આખું વિશ્વ એક સાથે આવ્યું છે. રમતો શરૂ થઈ, બધા એકઠા થયા. તેમણે અમને ભવિષ્ય માટે આશા આપી. ટોક્યો ઓલિમ્પિક ગેમે આશા અને એકતાનો સંદેશ આપ્યો છે.જાપાની લોકોને પોતાના પર ગર્વ હોવો જોઈએ કારણ કે, તમે જે પ્રાપ્ત કર્યું છે તે આશ્ચર્યજનક છે. આભાર ટોક્યો, આભાર જાપાન. ”
ખેલાડીઓએ માર્ચ પાસ્ટ કરી
ખેલાડીઓ સ્ટેડિયમમાં પ્રવેશ્યા હતા. દરેક દેશના ધ્વજવાહક આમાં સામેલ હતા, પુરુષ કુસ્તી ખેલાડીએ ભારત વતી ધ્વજવાહકની જવાબદારી બ્રોન્ઝ મેડલ વિજેતા બજરંગ પુનિયાએ નિભાવી હતી. ઓપનિંગ સેરેમનીમાં દરેક દેશના ખેલાડીઓએ ખાસ કપડાં પહેર્યા હતા, પરંતુ ક્લોઝિંગ સેરેમનીમાં આવું નહોતું અને ભારતીય ખેલાડીઓ ટ્રેક સૂટમાં જોવા મળ્યા હતા. ખેલાડીઓના હાથમાં મોબાઇલ ફોન પણ હતા અને ભારતીય ખેલાડીઓએ સેલ્ફી પણ લીધી હતી.
આ થીમ હતી
ઉદ્ઘાટન સમારોહની જેમ, સમાપન સમારંભમાં પણ એક થીમ હતી અને આ થીમ હતી. ‘વર્લ્ડસ વી શેર. ઓલિમ્પિક મશાલ બુઝાય તે પહેલા, આગામી યજમાન દેશનું રાષ્ટ્રગીત પ્રથમ વખત બતાવવામાં આવ્યું હતું, જે યજમાન શહેરમાં એક ફિલ્મ તરીકે ફિલ્માવવામાં આવ્યું હતું.પેરિસ અને ફ્રાંસે 33 મી ઓલિમ્પિકના યજમાનની ભૂમિકા અપનાવી હતી.
ટોક્યો ટૂ પેરિસ
ટોક્યોના ગવર્નર યુરીકો કોઈકેએ ઓલિમ્પિક ધ્વજ (Olympic flag) બાકને સોંપ્યો જેણે તેને પેરિસ (Paris)ના મેયર એની હિડાલ્ગો આપ્યો હતો. ટોક્યો ઓલિમ્પિક ઓર્ગેનાઇઝિંગ કમિટીના પ્રમુખ સેઇકો હાશિમોટોએ જણાવ્યું હતું કે, “હું તમામ ખેલાડીઓ અને આ તમામ રમતો માટે તૈયારી માટે અને તેમની શ્રેષ્ઠ કામગીરી કરવા માટે અનેક મુશ્કેલીઓ દૂર કરી છે તેમનો આભાર માનું છુ.
બાકે મેડલ એનાયત કર્યા
બાકે કેન્યાની મહિલા પેરેઝ જેપચિરચિરને મેરેથોન સ્પર્ધામાં ગોલ્ડ મેડલ અને પુરુષોની મેરેથોનમાં ગોલ્ડ મેડલ એલ્યુડ કિપચોગેને આપ્યો હતો.કોરોનાવાયરસ પ્રોટોકોલને કારણે આ સમારંભ દર્શકો વિના યોજાયો હતો, પરંતુ આયોજકોએ સ્ટેડિયમની અંદર સ્ક્રીન લગાવી હતી જે વિશ્વભરના ચાહકોના દેખાડવામાં આવ્યો હતો.સમાપન સમારોહની એક વિડીયોની સાથે શરુ થયો હતો જેમાં 17 દિવસની રમતનો સાર હતો.
ટોક્યો ઓલિમ્પિકમાંબ્રોન્ઝ મેડલ વિજેતા બજરંગ પુનિયા ભારતીય ટુકડીના ધ્વજવાહક હતા અને ભારતની સૌથી મોટી ટુકડી ઇતિહાસમાં સૌથી વધુ મેડલ જીતીને ગેમને ‘ગુડબાય’ કહ્યું હતુ. ભારતે સાત મેડલના શ્રેષ્ઠ પ્રદર્શનની સાથે ઉજ્જવળ ભવિષ્યની રાહ જોઈ શકે છે. જેમાં ભાલા ફેંકનાર નીરજ ચોપરાએ 13 વર્ષ બાદ પ્રથમ ગોલ્ડ જીત્યો હતો, જે ગેમ્સમાં ટ્રેક એન્ડ ફિલ્ડમાં દેશનો પ્રથમ મેડલ પણ છે. આ ગોલ્ડ ઉપરાંત ભારતે બે સિલ્વર અને ચાર બ્રોન્ઝ મેડલ પણ જીત્યા હતા.
અમેરિકાએ 39 ગોલ્ડ મેડલ સાથે 113 પોડિયમ સ્થાન સાથે મેડલ ટેલીમાં ટોચનું સ્થાન મેળવ્યું છે જ્યારે ચીન 38 ગોલ્ડ સાથે 88 પોડિયમ સ્થાન સાથે બીજા ક્રમે છે. યજમાન જાપાન 27 ગોલ્ડ મેડલ સહિત 58 મેડલ સાથે ત્રીજા સ્થાને રહ્યું હતુ.