Rupinder pal singh : ભારતના હોકી સ્ટાર રૂપિન્દર પાલ સિંહે સંન્યાસ લીધો, ઓલિમ્પિક મેડલ સાથે તેની સફર સમાપ્ત કરી

Rupinder pal singh :ભારતીય હોકી ટીમના સ્ટાર ડ્રેગ-ફ્લિકર રૂપિન્દર પાલ સિંહે (Rupinder Pal Singh) આંતરરાષ્ટ્રીય હોકીમાંથી નિવૃત્તિ જાહેર કરી છે.

તેણે સોશિયલ મીડિયા (Social media)પર આ માહિતી આપી અને કહ્યું કે તે ઈચ્છે છે કે યુવાનોને હવે તક મળે. રૂપિન્દર સિંહ (Rupinder pal singh) ટોક્યો ઓલિમ્પિક 2020 (Tokyo Olympics 2020)માં બ્રોન્ઝ મેડલ (Bronze medalજીતનાર ટીમનો ભાગ હતો. વર્ષ 2010માં ટીમ ઈન્ડિયામાં ડેબ્યુ કરનાર રૂપિન્દર ભારતના સૌથી સફળ ડ્રેગ ફ્લિકરમાંથી એક છે.

રૂપિંદરે (Rupinder pal singh)પંજાબના ફિરોઝપુરની શેરશાહ વાલી હોકી એકેડમીમાં 6 વર્ષની ઉંમરે તાલીમ શરૂ કરી હતી. સતત સુધારો કરતી વખતે રૂપિંદરે ટોચ પર પહોંચવાનો માર્ગ બનાવ્યો. વર્ષ 2002 માં, તેમણે ચંદીગઢ હોકી એકેડમી (Chandigarh Hockey Academy)માટે રમવાનું શરૂ કર્યું. તે વર્ષ 2010 માં ભારતીય ટીમનો ભાગ બન્યો અને ટીમ માટે રમવાનું ચાલુ રાખ્યું. તેણે 2010 માં સુલ્તાન અઝલાન શાહ કપ દરમિયાન પદાર્પણ કર્યું હતું.

ટીમ ઈન્ડિયાને આ ટુર્નામેન્ટમાં ગોલ્ડ મેડલ મળ્યો. રૂપિંદરે આ ટુર્નામેન્ટમાં બ્રિટન સામે પ્રથમ હેટ્રિક ફટકારી હતી. આ હેટ્રિક રૂપિંદરની કારકિર્દીને આગળ વધારવામાં ઘણી મદદરૂપ સાબિત થઈ.

સોશિયલ મીડિયા પર માહિતી

નિવૃત્તિ વિશે માહિતી આપતા રૂપિન્દર પાલ સિંહે કહ્યું કે, ‘મેં ભારતીય હોકી ટીમ (Indian hockey team)માંથી નિવૃત્તિ લેવાનો નિર્ણય કર્યો છે. છેલ્લા બે મહિના નિશંકપણે મારા જીવનના શ્રેષ્ઠ દિવસો રહ્યા છે. મારા સાથી ખેલાડીઓ સાથે ટોક્યોમાં પોડિયમ પર ઉભા રહેવું એ એક અવિશ્વસનીય અનુભવ છે જે હું હંમેશા યાદ રાખીશ.

મને લાગે છે કે, હવે યુવા અને પ્રતિભાશાળી ખેલાડીઓને જગ્યા આપવાની તક આવી છે જેથી તેઓ પણ ભારતનું પ્રતિનિધિત્વ કરતા છેલ્લા 13 વર્ષમાં મેળવેલો અનુભવ જીવી શકે. મને 223 મેચમાં ભારતની જર્સી પહેરવાનું સન્માન મળ્યું હતું અને આ દરેક મેચ મારા માટે ખાસ હતી.

તેણે આગળ લખ્યું, ‘હું આનંદથી ટીમ છોડી રહ્યો છું કારણ કે અમે ભારત માટે ઓલિમ્પિક મેડલ જીતવાનું સૌથી મોટું સપનું પૂરું કર્યું છે. હું વિશ્વના શ્રેષ્ઠ ખેલાડીઓ સાથે રમવાની યાદોને મારી સાથે લઈ જઈ રહ્યો છું. મને તે બધા માટે ખૂબ માન છે. મારા સાથીઓ વર્ષોથી મારી સૌથી મોટી તાકાત રહ્યા છે અને હું ભારતીય હોકીને વધુ આગળ લઇ જવા માટે શુભેચ્છા પાઠવું છું.

આ પણ વાંચો : Railway Tunnel: રેલવેની સૌથી લાંબી ટનલ ક્યાં છે ? ટ્રેનને ટનલમાંથી પસાર કરવામાં કેટલો સમય લાગે છે ? જાણો અહી