ટોક્યો ઓલમ્પિકમાં ઇતિહાસ રચી દેશે ટેનિસ સ્ટાર લીએન્ડર પેસ, આ મોટો રેકોર્ડ નોંધાવી શકે છે

ભારતીય ટેનિસ સ્ટાર ખેલાડી લીઅંડર પેસ ઓલમ્પિક માં હંમેશા દેશનો મોટો ચહરો રહ્યો છે. વર્ષ 1996માં એટલાંટામાં યોજાયેલા ઓલમ્પિક રમતમાં લીઅંડર પેસે મેડલ જીતીને ઇતિહાસ રચ્યો હતો. પેસ આગામી વર્ષે યોજાનારા ઓલમ્પિકરમતમાં ભાગ લેનાર છે. તેઓનો આ આઠમા ઓલમ્પિક રમવાનો રેકોર્ડ છે, જેની તૈયારીમાં તે લાગી ચુક્યા છે.

ગત વર્ષે ક્રિસમસ પર પેસે કહ્યુ હતુ કે, 2020 તેમના માટે અંતિમ સીઝન હશે. જેમાં ટોક્યો ઓલમ્પિકનુ આયોજન પણ સામેલ હતુ. પેસ એ કહ્યુ હતુ કે, ત્યારે કોઇએ નહોતુ વિચાર્યુ કે, અમારે આવડી મોટી મહામારીનો સામનો કરવો પડશે. તેનાથી આપણે સૌએ આત્મમંથન કરવુ પડી રહ્યુ છે. જોકે આટલા લાંબા વિરામ બાદ પણ હું સારુ મહેસુસ કરી રહ્યો છુ. મારા મનમાં કોઇ શંકા નથી. હું શારીરિક, માનસિક અને ભાવનાત્મક રીતે તૈયાર રહીશ. મારા માટે એ સુનિશ્વિત કરવુ મહત્વપૂર્ણ છે કે ભારતનુ નામ ઇતિહાસના પુસ્તકોમાં બનેલુ રહે. એ જ કારણ છે કે હું 30 વર્ષ થી રમી રહ્યો છુ.

પેસ આગળના વર્ષે 23 જૂલાઇ થી શરુ થનારા ટોકિયો ઓલમ્પિક સુધીમાં 48 વર્ષના થઇ જશે. જોકે તે કહે છે કે ઉંમર એક સંખ્યા છે. મારા નામ પર અગાઉ 7 ઓલમ્પિક રમવાનો રેકોર્ડ અને મારી પ્રેરણાં છે કે આઠમાં ઓલંપિક સુધી લઇ જઇ શકીશ. મારો વિશ્વાસ છે કે ટેનિસમાં સર્વાધિક ઓલમ્પિક રમવાના રેકોર્ડમાં ભારતનુ નામ હંમેશા દર્જ રહે. હું ઓલમ્પિકમાં જઇ રહ્યો છુ જીતવા માટે માત્ર નંબર વધારવા માટે નહી. ટેનિસ માણસની ઉંમરને નહી પણ શક્તિ અને કૌશલને જાણે છે.