Paris Olympics 2024, Day 5, LIVE Score: તરુણદીપ રાયનું નિરાશાજનક પ્રદર્શન, રાઉન્ડ ઓફ 64માં હાર્યા બાદ બહાર થઈ ગયો

તરુણદીપ રાય પુરુષોની તીરંદાજીની વ્યક્તિગત ઇવેન્ટમાંથી બહાર છે. રાઉન્ડ ઓફ 64માં તેને ગ્રેટ બ્રિટનના ટોમ હોલના હાથે 6-4થી હારનો સામનો કરવો પડ્યો હતો. તરુણદીપ પાસેથી ઘણી અપેક્ષાઓ હતી, પરંતુ તેનું પ્રદર્શન ઘણું નિરાશાજનક હતું. પ્રથમ સેટમાં બંને તીરંદાજોએ સમાન પોઈન્ટ મેળવ્યા હતા જ્યારે બીજા સેટમાં હાર બાદ તરુણદીપ 1-3થી પાછળ રહી ગયો હતો. આ પછી, તેણે ત્રીજા સેટમાં પુનરાગમન કર્યું, પરંતુ ચોથા સેટમાં ફરીથી હારનો સામનો કરવો પડ્યો અને મેચ 3-5 પર આવી ગઈ. પાંચમાં સેટમાં બંનેને એક-એક પોઈન્ટ મળ્યો અને હોલ મેચ જીતી ગયો. આ સાથે તરુણદીપ રાઉન્ડ ઓફ 64માંથી બહાર થઈ ગયો હતો.

મનિકા બત્રાને પ્રી-ક્વાર્ટર ફાઇનલમાં જાપાનની મુ હિરાનોના હાથે હારનો સામનો કરવો પડ્યો હતો. આ સાથે તે પેરિસ ઓલિમ્પિકમાં મેડલ જીતવાની રેસમાંથી બહાર થઈ ગઈ છે. હિરાનોએ તેને 4-1થી હરાવ્યો હતો, જોકે આ દરમિયાન બંને વચ્ચે રોમાંચક મેચ જોવા મળી હતી. મનિકાએ ઘણી વખત રમતમાં લીડ લીધી પરંતુ તે તેનો ફાયદો ઉઠાવી શકી નહીં, જેના પરિણામે તે એક પછી એક સેટ ગુમાવતી રહી. તમને જણાવી દઈએ કે હિરાનો સામે તેનો રેકોર્ડ પહેલા પણ સારો રહ્યો નથી. મનિકા આજ સુધી હિરાનો સામે એક પણ મેચ જીતી શકી નથી. એટલું જ નહીં, તે કોઈપણ મેચમાં વધુમાં વધુ એક સેટ જીતવામાં સફળ રહી હતી.

મનિકા બત્રાની ત્રીજા સેટમાં જોરદાર જીત મેળવી છે અને હવે મેચ ચોથા સેટમાં ગઈ છે જ્યાં મોનિકાએ જીતવું જરૂરી છે.

મનિકા બત્રાનો મહિલા ટેબલ ટેનિસ સિંગલ્સમાં પ્રી-ક્વાર્ટર ફાઇનલમાં  જાપાનની મુ હિરાનો સાથે મુકાબલો. મનિકા બત્રા પ્રી-ક્વાર્ટર ફાઈનલનો પહેલો અને બીજો સેટ હારી ગઈ છે.

ભારતીય બેડમિન્ટન સ્ટાર પીવી સિંધુને મોટો ફાયદો થયો છે. પેરિસ ઓલિમ્પિકમાં તેના મેડલના માર્ગમાંનો મોટો અવરોધ દૂર થઈ ગયો છે. ટોક્યો ઓલિમ્પિકની સેમીફાઈનલમાં સિંધુને હરાવીને ફાઇનલમાં સિલ્વર મેડલ જીતનારી તાઈવાનની તાઈ ત્ઝુ-યિંગ ગ્રુપ સ્ટેજમાંથી જ બહાર થઈ ગઈ છે.

બે ભારતીય તીરંદાજો દીપિકા અને ભજન કૌરે મહિલા તીરંદાજીની વ્યક્તિગત ઈવેન્ટની પ્રી-ક્વાર્ટર ફાઈનલ મેચમાં ક્વોલિફાય કરી લીધું છે. આ બંને વચ્ચે હવે 3જી ઓગસ્ટને શનિવારે મેચ રમાશે.

ભારતીય ઘોડેસવાર અનુષ અગ્રવાલ ઘોડેસવારીનાં પ્રથમ તબક્કા એટલે કે ક્વોલિફાયર રાઉન્ડમાંથી જ બહાર થઈ ગયો છે. તે ગ્રુપ Eમાં 9મા ક્રમે રહ્યો હતો. જોકે પેરિસ ઓલિમ્પિકમાંથી બહાર હોવા છતાં તેણે ઈતિહાસ રચ્યો છે. 24 વર્ષનો અનુષ ઓલિમ્પિકમાં આ રમતમાં ભાગ લેનાર પ્રથમ ભારતીય છે. તમને જણાવી દઈએ કે તે 17 વર્ષની ઉંમરથી જર્મનીમાં ટ્રેનિંગ લઈ રહ્યો છે.

મનિકા બત્રા મહિલા ટેબલ ટેનિસ સિંગલ્સમાં પ્રી-ક્વાર્ટર ફાઈનલમાં પહોંચી ગઈ છે. આજે રાત્રે 8:30 વાગ્યાથી તેનો મુકાબલો જાપાનની વર્લ્ડ નંબર 13 ખેલાડી મુ હિરાનો સામે થશે.

પેરિસ ઓલિમ્પિક 2024નો આજે 5મો દિવસ છે. આજે ભારતીય ખેલાડીઓએ શાનદાર પ્રદર્શન કર્યું છે. બેડમિન્ટન, ટેબલ ટેનિસ, શૂટિંગ, તીરંદાજી અને બોક્સિંગમાં ભારતના ખેલાડીઓએ મેડલ તરફ એક ડગલું આગળ વધ્યું છે.

• પીવી સિંધુ મહિલા બેડમિન્ટન સિંગલ્સમાં રાઉન્ડ ઓફ 16 માટે ક્વોલિફાય થઈ ગઈ છે.
• લક્ષ્ય સેન મેન્સ બેડમિન્ટન સિંગલ્સમાં રાઉન્ડ ઓફ 16 માટે ક્વોલિફાય થયો.
• શ્રીજા અકુલાએ મહિલા ટેબલ ટેનિસ સિંગલ્સમાં રાઉન્ડ ઓફ 16 માટે ક્વોલિફાય કર્યું હતું.
• સ્વપ્નિલ કુસલ 50 મીટર રાઇફલ 3 પોઝિશન ઇવેન્ટમાં ફાઇનલમાં ક્વોલિફાય થયો.
• લવલિના બોર્ગોહાને મહિલા બોક્સિંગ 75 કિગ્રા વર્ગમાં ક્વાર્ટર ફાઇનલમાં પ્રવેશ મેળવ્યો.
• દીપિકા કુમારીએ મહિલા તીરંદાજી વ્યક્તિગત કેટેગરીમાં રાઉન્ડ 32 માટે ક્વોલિફાય કર્યું હતું.

સ્ટાર તીરંદાજ દીપિકા કુમારીએ એક જ દિવસમાં (31મી જુલાઈ) બે વાર ચાહકોને ખુશખબર આપી છે. તેણે 32ના પ્રથમ રાઉન્ડની મહિલા સિંગલ્સ મેચમાં એસ્ટોનિયાના તીરંદાજને હાર આપી છે. આ પછી નેધરલેન્ડના તીરંદાજોને 6-2થી હરાવીને પ્રી-ક્વાર્ટર ફાઇનલમાં પ્રવેશ કર્યો હતો. હવે તેમની આગામી મેચ 2 દિવસ પછી થશે.

શૂટિંગમાં, રાજેશ્વરી અને શ્રેયસી બંને મહિલા ટ્રેપ ઇવેન્ટની ફાઇનલમાં ક્વોલિફાય થવામાં ચૂકી ગયા. બંનેએ ક્વોલિફિકેશનમાં 113 પોઈન્ટનો નિરાશાજનક સ્કોર કર્યો હતો. તેણી 22મા અને 23મા ક્રમે રહી હતી.

સ્ટાર તીરંદાજ દીપિકા કુમારીએ પણ ચાહકોને ખુશખબર આપી છે. તેણે રાઉન્ડ ઓફ 32ની મહિલા સિંગલ્સ મેચ જીતીને આગળના રાઉન્ડમાં પ્રવેશ કર્યો છે.

ભારતીય હોકી ટીમે મેડલ તરફ વધુ એક પગલું ભર્યું છે. ટીમે શાનદાર પ્રદર્શન કર્યું છે અને ગ્રુપ Bમાંથી ક્વાર્ટર ફાઈનલ માટે ક્વોલિફાય કર્યું છે. ભારતે ન્યુઝીલેન્ડ અને આયર્લેન્ડ સામે જીત મેળવી હતી. ટીમે આર્જેન્ટિના સામે ડ્રો રમી હતી. હવે આ ગ્રુપમાં બેલ્જિયમે ઓસ્ટ્રેલિયાને હરાવ્યું છે. આ સાથે ભારતીય ટીમ ક્વાર્ટર ફાઈનલમાં પહોંચી ગઈ છે.

ભારતીય મહિલા સ્ટાર બોક્સર લોવલિના બોર્ગોહેને શાનદાર પ્રદર્શન કર્યું અને 75 કિગ્રાની રાઉન્ડ ઓફ 16 મેચ જીતી. આ મેચમાં લોવલીનાએ નોર્વેની સુનિવા હોફસ્ટેડને 5-0થી હાર આપી હતી. આ જીત સાથે જ લોવલિના ક્વાર્ટર ફાઇનલમાં પહોંચી ગઈ છે.

લવલીના બોર્ગોહેન મેડલથી માત્ર પગલું દુર છે.

ટોક્યો ઓલિમ્પિક્સની બ્રોન્ઝ મેડલ વિજેતા લોવલિના બોર્ગોહેન માટે સ્પર્ધા શરૂ થઈ ગઈ છે. તેનો સામનો નોર્વેની જુનિયર વર્લ્ડ ચેમ્પિયન સુનિવા હોફસ્ટેડ સામે છે.

ભારતની સ્ટાર બોક્સર લવલીના બોર્ગોહેનની મેચ ટૂંક સમયમાં શરૂ થશે. તે 75 કિગ્રાની રાઉન્ડ ઓફ 16 મેચમાં રમશે. તેની સ્પર્ધા નોર્વેની સુનિવા હોફસ્ટેડ સાથે છે.

ટેબલ ટેનિસ મહિલા સિંગલ્સ મેચમાં શ્રીજા અકુલા અને ઝેંગ જિયાન વચ્ચે મેચ રમાઈ હતી. પ્રથમ ગેમમાં સિંગાપોરની ઝેંગ આગળ હતી, બીજી ગેમમાં ભારતની શ્રીજાએ શાનદાર વાપસી કરી હતી અને હવે રાઉન્ડ 3માં બંને વચ્ચે ટકકર જોવા મળી હતી અને અંતે શ્રીજા અકુલાએ શાનદાર જીત મેળવી રાઉન્ડ 16માં સ્થાન મેળવ્યું છે.

ટેબલ ટેનિસ મહિલા સિંગલ્સ મેચમાં શ્રીજા અકુલા અને ઝેંગ જિયાન વચ્ચે મેચ રમાઈ રહી છે. પ્રથમ ગેમમાં સિંગાપોરની ઝેંગ આગળ હતી, બીજી ગેમમાં ભારતની શ્રીજાએ શાનદાર વાપસી કરી હતી અને હવે રાઉન્ડ 3માં બંને વચ્ચે ટકકર ચાલુ છે.

લક્ષ્ય સેને જોનાથન ક્રિસ્ટી સામેની મેચ જીતી મેળવી છે. ભારતીય શટલરે પોતાનું સર્વશ્રેષ્ઠ પ્રદર્શન કર્યું અને મેચ 21-18, 21-12થી જીતી લીધી.

લક્ષ્ય સેને ઇન્ડોનેશિયાના ક્રિસ્ટી સામે 21-18થી પ્રથમ ગેમ જીતી લીધી છે. આ જીત બાદ તેમની મેચ જીતવાની આશા પણ વધી ગઈ છે.

લક્ષ્ય સેન ઈન્ડોનેશિયાની શટલર ક્રિસ્ટી સામે એક સમયે ખુબ પાછળ હતો. લક્ષ્ય, જે એક સમયે 0-5થી પાછળ હતો, હવે આગળ ચાલી રહ્યો છે

સ્વપ્નિલ કુસલે 50 મીટર રાઇફલ 3 પોઝિશનની ફાઇનલમાં પહોંચી ગયો છે. આવતીકાલે ફાઈનલ રમાશે. ઐશ્વર્યા પ્રતાપ સિંહ તોમર 11મા સ્થાને (589 અંક) રહી અને બહાર થઈ ગઈ.

ભારતના સ્વપ્નિલ કુસલે પુરૂષોની 50 મીટર રાઇફલ 3 પોઝિશન ક્વોલિફિકેશન રાઉન્ડમાં 7મા સ્થાન સાથે ફાઇનલમાં પ્રવેશ કર્યો. ટોચના 8 એથ્લેટ્સ આ રાઉન્ડમાં ક્વોલિફાય થાય છે, જ્યારે શરૂઆતથી જ આગળ ચાલી રહેલી ઐશ્વર્યા પ્રથમ ફાઇનલમાં સ્થાન મેળવવાથી ચૂકી ગઈ હતી.

બેડમિન્ટનમાં, લક્ષ્ય સેન પુરુષ સિંગલ્સમાં ઈન્ડોનેશિયાના જોનાથ ક્રિસ્ટી સામે રમી રહ્યો છે. આ મેચ જીતીને લક્ષ્ય પણ પીવી સિંધુની જેમ પ્રી-ક્વાર્ટર ફાઇનલમાં જગ્યા બનાવવા માંગશે.

પીવી સિંધુએ મેડલ તરફ વધુ એક પગલું ભર્યું, એસ્ટોનિયન શટલર સામે એકતરફી મેચ જીતી

ભારતની સ્ટાર શટલર પીવી સિંધુ બીજી ગેમમાં પણ આગળ છે, એટલે કે આ મેચમાં જીત તેનાથી વધુ દૂર નથી.

પીવી સિંધુએ એસ્ટોનિયાની કુબા સામે પહેલી ગેમ ખૂબ જ સરળતાથી જીતી લીધી છે. તેઓએ આ ગેમ 21-5ના મોટા માર્જિનથી જીતી લીધી.

50 મીટર રાઇફલ 3 પોઝિશનમાં ભારતની ઐશ્વર્યા તોમર અને સ્વપ્નિલ કુસાલ ફાઈનલમાં સ્થાન મેળવવા માટે ઉતર્યા.

ભારતની સ્ટાર બેડમિન્ટન ખેલાડી PV સિંધુ આજે (31 જુલાઈ) પેરિસ ઓલિમ્પિકમાં KUUBA ક્રિસ્ટિન સામે રમવા જઈ રહી છે. ક્રિસ્ટિન એસ્ટોનિયાનું પ્રતિનિધિત્વ કરી રહી છે.

પેરિસ ઓલિમ્પિકમાં ફૂટબોલ મેચ દરમિયાન સુરક્ષામાં ખામી સર્જાઈ હતી જ્યારે અમેરિકા અને ગિની વચ્ચે રમાયેલી મેચ દરમિયાન એક ચાહક મેદાનમાં ઘુસી ગયો હતો. આવું ત્યારે થયું જ્યારે અમેરિકાએ ગિની પર 3-0થી વિજય નોંધાવ્યો. જોકે બાદમાં સુરક્ષાકર્મીઓએ તેને પકડીને મેદાનમાંથી હટાવી દીધો હતો.

શૂટિંગમાં, ઐશ્વર્યા પ્રતાપ અને સ્વપ્નિલ કુસારે 50 મીટર રાઇફલ 3 પોઝિશન ઇવેન્ટના ક્વોલિફિકેશન રાઉન્ડમાં એક્શનમાં છે. આ ક્વોલિફિકેશન રાઉન્ડ હોવાથી તેનું ટેલિકાસ્ટ કરવામાં આવશે નહીં.

બપોરે 12:50- બેડમિન્ટન (મહિલા સિંગલ્સ, ગ્રુપ સ્ટેજ)- પીવી સિંધુ

બપોરે 1:40- બેડમિન્ટન (પુરુષ સિંગલ્સ, ગ્રુપ સ્ટેજ)- લક્ષ્ય સેન

11:00 PM- બેડમિન્ટન (પુરુષ સિંગલ્સ, ગ્રુપ સ્ટેજ)- એચએસ પ્રણય

સિમોન બાઈલ્સ અને ટીમ USA એ રિડેમ્પશન ક્વેસ્ટમાં ઓલિમ્પિક ગોલ્ડ મેડલ જીત્યો. યુ.એસ.ની ટીમનો 171.296નો સ્કોર ઇટાલી અને બ્રાઝિલ કરતાં ઘણો આગળ હતો, જેણે બાઈલ્સને જીત અપાવી.

પેરિસ ઓલિમ્પિકમાં કાળઝાળ ગરમીથી ચાહકો પરેશાન થઈ ગયા છે. ઓલિમ્પિકની શરૂઆતના સમયે વરસાદ બાદ તાપમાનમાં નોંધપાત્ર વધારો થયો છે. જેના કારણે એથ્લેટને પણ ભારે મુશ્કેલીનો સામનો કરવો પડી રહ્યો છે.

મનિકા બત્રા આજે તેની પ્રી-ક્વાર્ટર ફાઈનલ મેચ જીતીને ઈતિહાસ રચી શકે છે અને આગળના રાઉન્ડમાં જગ્યા બનાવી શકે છે.

બિહારની મહિલા ધારાસભ્ય શ્રેયસી સિંહ આજે એટલે કે 31મી જુલાઈએ ટ્રેપ મહિલા ક્વોલિફિકેશન રાઉન્ડ રમશે. આ મેચ બપોરે 12.30 વાગ્યાથી રમાવાની છે, જેમાં રાજેશ્વરી કુમારી પણ પોતાની તાકાત બતાવશે. જો શ્રેયસી આજે ક્વોલિફાય થશે તો તે સાંજે 7 વાગ્યાથી આ ઈવેન્ટની ફાઈનલ મેચ રમશે.

પાંચમા દિવસે (31મી જુલાઈ) ભારતને એક પણ મેડલ નહીં મળે. તેનું મુખ્ય કારણ એ છે કે શેડ્યૂલ મુજબ આ દિવસે એક પણ મેડલ મેચ નથી.

ભારતને 5માં દિવસે તેના ટ્રેપ શૂટર પાસેથી મેડલની અપેક્ષા છે. મહિલા ટ્રેપ શૂટિંગમાં શ્રેયસી સિંહ અને રાજેશ્વરી કુમારી રેન્જમાં રહેશે. તેમની ક્વોલિફિકેશન મેચ બપોરે 12.30 વાગ્યે શરૂ થશે જ્યારે ફાઇનલ સાંજે 7 વાગ્યે શરૂ થશે.

બે વખતની ઓલિમ્પિક મેડલ વિજેતા પીવી સિંધુ ગ્રુપ સ્ટેજમાં ક્રિસ્ટિન કૌબાનો સામનો કરશે, જ્યારે લક્ષ્ય સેન અને એચએસ પ્રણય પણ પોતપોતાના ગ્રુપમાં મેચ રમશે.

મહિલા સિંગલ્સ (છેલ્લો 32 રાઉન્ડ): શ્રીજા અકુલા વિ જીયાન ઝેંગ (સિંગાપોર) – બપોરે 2:20

ચોથા દિવસે 3 બોક્સરની હાર બાદ હવે તમામની નજર લોવલિના પર છે, જે 5માં દિવસે પોતાની પ્રી-ક્વાર્ટર ફાઈનલ મેચ રમશે. લવલીનાની આ મેચ ભારતીય સમય અનુસાર બપોરે 3.50 કલાકે શરૂ થશે. ટોક્યો ઓલિમ્પિકમાં બ્રોન્ઝ મેડલ વિજેતા પેરિસને પણ મેડલની ઘણી આશા છે.

12:30 PM: પુરુષોની 50 મીટર રાઇફલ 3 પોઝિશન્સ (ક્વોલિફિકેશન) – ઐશ્વર્યા પ્રતાપ સિંહ તોમર અને સ્વપ્નિલ કુસલે.

12:30 PM: મહિલા ટ્રેપ શૂટિંગ (ક્વોલિફિકેશન- દિવસ 2)- શ્રેયસી સિંહ અને રાજેશ્વરી કુમારી

7:00 PM: ટ્રેપ શૂટિંગ ફાઇનલ – શ્રેયસી સિંહ અને રાજેશ્વરી કુમારી ક્વોલિફાય થશે તો રમશે

બોક્સિંગમાં એક પછી એક 3 ભારતીય બોક્સરની હારને કારણે 3 મેડલ જીતવાની તકો ગુમાવી છે. અમિત પંઘાલ અને જાસ્મીન બાદ ભારતને ચોથા દિવસની રમતમાં પ્રીતિ પવારની હારથી ભારે નિરાશાનો સામનો કરવો પડ્યો હતો.