ગોલ્ડન બોય નીરજ ચોપરાએ વર્કઆઉટ કરતો વીડિયો શેર કર્યો, જુઓ Video
ઓલિમ્પિકનો ગોલ્ડ મેડાલીસ્ટ હિરો નીરજ ચોપરાએ તેના વર્કઆઉટનો એક વીડિયો પોસ્ટ કર્યો છે. લોકો આ વીડિયોને ખુબ પસંદ કરી રહ્યા છે.
રવિવારે, ચેમ્પિયન જેવલિન થ્રોઅર તાલીમમાં પાછો ફર્યો હતો અને તેણે તેના બેકહેન્ડ ખભાના સ્નાયુઓને મજબુત કરતો વીડિયો પોસ્ટ કર્યો હતો. ભારતના ભાલા ફેંકના ખેલાડી નીરજ ચોપરાએ પોતાના પ્રદર્શનથી ઘણી ખ્યાતિ મેળવી છે. ટોક્યોમાં ઐતિહાસિક ગોલ્ડ મેડલ જીત્યા બાદ 24 વર્ષીય ઓલિમ્પિક ચેમ્પિયન જેવલિન થ્રોઅરે ડાયમંડ લીગ ફાઇનલ્સ ગોલ્ડ જીતીને ઈતિહાસ રચ્યો હતો. આ પછી વર્લ્ડ ચેમ્પિયનશિપમાં સિલ્વર મેડલ જીત્યો. હાલમાં નીરજ ચોપરા જીમમાં પરસેવો પાડી રહ્યો છે.
તમને જણાવી દઈએ કે, ઈજાગ્રસ્ત નીરજ ચોપરા ઈજાના કારણે બર્મિંગહામ કોમનવેલ્થ ગેમ્સમાં ભાગ લઈ શક્યો ન હતો. ચોપરા માને છે કે ભારતીય એથ્લેટિક્સ આગળનો રસ્તો હજુ છે અને આગળ વધુ શાનદાર પ્રદર્શન કરવાની આશા રાખે છે.
— Neeraj Chopra (@Neeraj_chopra1) February 12, 2023
નીરજ ચોપરા ત્રણ મોટી સ્પર્ધાઓની તૈયારી કરી રહ્યો છે
નીરજ ચોપરા આ વર્ષે યોજાનારી ત્રણ મોટી સ્પર્ધાઓની તૈયારી કરી રહ્યો છે. જેમાં વર્લ્ડ ચેમ્પિયનશિપની ફાઈનલ, એશિયન ગેમ્સ 2023 અને ડાયમંડ લીગનો સમાવેશ થાય છે. તાજેતરમાં, નીરજ ચોપરાએ પત્રકારોને જણાવ્યું હતું કે, તે આ વર્ષે જેવલિનમાં 90 મીટરના આંકને સ્પર્શવાની તૈયારી કરી રહ્યો છે. તેમણે કહ્યું કે, આ એક જાદુઈ આંકડો છે જેના સુધી સખત મહેનત કર્યા પછી જ પહોંચવું શક્ય છે.
🌅🏃♂️ pic.twitter.com/72VXFvSxXM
— Neeraj Chopra (@Neeraj_chopra1) February 8, 2023
આ વર્ષે યોજાનારી વર્લ્ડ ચેમ્પિયનશિપમાં ભાગ લેવા માટે. વર્લ્ડ ચેમ્પિયનશિપ 19 થી 27 ઓગસ્ટ દરમિયાન હંગેરીની રાજધાની બુડાપેસ્ટમાં યોજાશે. ચીનના ગુઆંગઝૂમાં એશિયન ગેમ્સ પણ છે. 2024 પેરિસ ઓલિમ્પિક માટેની ક્વોલિફિકેશન પ્રક્રિયા પણ આ વર્ષે શરૂ થવાની છે.
આ બે સ્પર્ધાઓ પણ મહત્વની
ઝારખંડ એથ્લેટ્સ એસોસિએશન રાંચીમાં 2023 માં 2 મોટી ઇવેન્ટનું આયોજન કરશે. પ્રથમ ઈવેન્ટ ફેબ્રુઆરીમાં જ્યારે બીજી ઈવેન્ટ જુલાઈમાં યોજાશે. મોરહાબાદી ઇન્ટરનેશનલ રેસ વોક ચેમ્પિયનશિપ ફેબ્રુઆરીમાં અને 62મી નેશનલ સિનિયર એથ્લેટિક્સ ચેમ્પિયનશિપ જુલાઈમાં યોજાશે.જે એશિયન એથ્લેટિક્સ ચેમ્પિયનશિપ માટે ક્વોલિફિકેશન ઈવેન્ટ હશે.
આ ચેમ્પિયનશિપમાં ઓલિમ્પિક ગોલ્ડ મેડલ વિજેતા નીરજ ચોપરા સહિત અન્ય ખેલાડીઓ ભાગ લેશે. રાષ્ટ્રીય અને આંતરરાષ્ટ્રીય ચેમ્પિયનશિપ માટે 14 અને 15 ફેબ્રુઆરીના રોજ રાંચીમાં દેશ અને વિશ્વના કુલ 350 એથ્લેટ ભેગા થશે. ઓલિમ્પિક ગોલ્ડ મેડલિસ્ટ નીરજ ચોપરા પણ આ ચેમ્પિયનશિપમાં ભાગ લેવા માટે રાંચી જશે.
