પોર્ટુગલનો સ્ટાર ફૂટબોલર ક્રિસ્ટિયાનો રોનાલ્ડો (Cristiano Ronaldo) હવે તેની કારકિર્દીના અંતિમ તબક્કામાં છે. તેની ઉંમર 37 વર્ષ છે. રોનાલ્ડોએ ઇંગ્લિશ ફૂટબોલ ક્લબ માન્ચેસ્ટર યુનાઇટેડ (Manchester United) સાથે બે વર્ષના કરાર પર હસ્તાક્ષર કર્યા હતા. જે આવતા વર્ષે સમાપ્ત થવાની તૈયારીમાં છે. પરંતુ તે પહેલા ક્લબ માટે એક ખરાબ સમાચાર સામે આવ્યા છે. ક્રિસ્ટિયાનો રોનાલ્ડોએ યુનાઈટેડ ક્લબ સાથેનો તેમનો કરાર પુરો કરવાનું મન બનાવી લીધું છે. એટલે કે આ સિઝનમાં યુનાઈટેડ ક્લબ તેના સ્ટાર ખેલાડી રોનાલ્ડોને ગુમાવી શકે છે. જોકે ધ રેડ ડેવિલ્સ ક્લબ દ્વારા આ વાતની પુષ્ટિ કરવામાં આવી છે. ક્રિસ્ટિયાનો રોનાલ્ડો માન્ચેસ્ટર યુનાઇટેડ ક્લબમાંથી ટ્રેનિંગ છોડીને હાલમાં પરિવાર સાથે રજાઓ માણી રહ્યો છે.
રિપોર્ટ્સમાં કહેવામાં આવી રહ્યું છે કે આ રેડ ડેવિલ્સ ક્લબ છોડ્યા બાદ રોનાલ્ડો ઇંગ્લિશ ક્લબ ચેલ્સી અથવા ફ્રેન્ચ ક્લબ પેરિસ સેન્ટ-જર્મન (Paris Saint Germain FC) માં જોડાઈ શકે છે. જર્મનીની ક્લબ બાયર્ન મ્યુનિકમાં પણ જોડાવાના અહેવાલો મળી રહ્યા છે. જોકે અત્યાર સુધી કોઈ ક્લબ તરફથી કોઈ ઓફર આવી નથી.
જો રોનાલ્ડો પીએસજી (PSG) નો હાથ પકડશે તો ફૂટબોલ ચાહકોને એક જ મેચમાં દર વખતે ડબલ ધડાકો જોવા મળશે. હકિકતમાં આર્જેન્ટિનાના સ્ટાર લિયોનેલ મેસી (Lionel Messi) પણ પીએસજી તરફથી રમે છે. આવી સ્થિતિમાં જો પોર્ટુગીઝ સ્ટાર્સ પણ જોડાય છે તો મેસ્સી અને રોનાલ્ડોનો મિજાજ એકસાથે જોવા મળી શકે છે.
હકિકતમાં માન્ચેસ્ટર યુનાઇટેડ ક્લબ આ વર્ષે ચેમ્પિયન્સ લીગ માટે ક્વોલિફાય કરી શકી નથી. તે ઇંગ્લિશ પ્રીમિયર લીગમાં છઠ્ઠા સ્થાને રહી હતી. જ્યારે રોનાલ્ડો તેની વધતી ઉંમરને કારણે આ વર્ષે ચેમ્પિયન્સ લીગમાં રમવા માંગે છે. કારણ કે આવતા વર્ષની ટૂર્નામેન્ટ સુધીમાં તેની ઉંમર 38ને વટાવી જશે. આ જ કારણ છે કે રોનાલ્ડો અન્ય ક્લબમાં જોડાઈને ચેમ્પિયન્સ લીગ રમવા માંગે છે.
માન્ચેસ્ટર યુનાઈટેડએ રોનાલ્ડો સાથે બે વર્ષના કરાર પર હસ્તાક્ષર કર્યા. જે 30 જૂન 2023 ના રોજ પુરો થવા જઇ રહ્યો છે. પરંતુ તે પહેલા રોનાલ્ડોએ ક્લબ છોડવાનું મન બનાવી લીધું છે. જો કે રેડ ડેવિલ્સ ક્લબ પાસે પણ રોનાલ્ડો સાથેના આ કરારને એક વર્ષ માટે લંબાવવાનો અધિકાર છે. પરંતુ ક્લબ પણ રોનાલ્ડોને છોડવા માટે રાજી થઈ ગઈ છે. 2021માં કરાર થયા બાદથી રોનાલ્ડોએ યુનાઈટેડ ક્લબ માટે 38 મેચોમાં 24 ગોલ કર્યા છે.