ફિફા વર્લ્ડકપ 2022માં 32 ટીમ એક ટ્રોફી જીતવા માટે 20 નવેમ્બરથી 18 ડિસેમ્બર, 2022 વચ્ચે મેદાન પર ઉતરી છે. 28 દિવસ સુધી આ ફૂટબોલ મહાકુંભ રમાશે. જેમાંથી 48 ગ્રુપ સ્ટેજ મેચ પૂર્ણ થઈ છે. આ દરમિયાન ફિફા વર્લ્ડકપ 2022માં ઘણી રોમાંચક મેચ જોવા મળી. સાથે સાથે 6 જેટલા મોટા અપર્સેટ પણ સર્જાયા હતા. 32 ટીમોના 832થી વધારે ખેલાડીઓ મેદાન પર પોતાની ટીમને જીતાડવા માટે ઉતર્યા હતા. કતારના 8 ભવ્ય સ્ટેડિયમમાં 64 મેચો રમાવાનું આયોજન હતુ. ફિફા વર્લ્ડકપ 2022ના અંતે 3585 કરોડની ઈનામી રકમ અલગ અલગ ટીમોને તેમના પ્રદર્શન મુજબ આપવામાં આવશે.
14 દિવસ સુધી કતારના 8 સ્ટેડિયમમાં રમાયેલી 48 મેચમાં સંઘર્ષ કરીને 16 ટીમો પ્રી કવાર્ટર ફાઈનલમાં પહોંચી છે. ચાલો જાણીએ પ્રી કવાર્ટર ફાઈનલની મેચો, ગ્રુપ સ્ટેજના ગોલ, યલો કાર્ડ અને રેડ કાર્ડ અંગેની માહિતી વિગતવાર.
ફિફા વર્લ્ડકપ 2022માં આગામી દિવસોમાં 3થી 7 ડિસેમ્બર વચ્ચે પ્રી કવાર્ટર ફાઈનલ મેચ રમાશે. 16 ટીમો વચ્ચે 8 પ્રી કવાર્ટર ફાઈનલ મેચ રમાશે. 9થી 11 ડિસેમ્બર વચ્ચે કવાર્ટર ફાઈનલ મેચ રમાશે. 14-15 ડિસેમ્બરે સેમીફાઈનલ મેચ અને 17 ડિસેમ્બરે ત્રીજા સ્થાન માટે મેચ થશે. જ્યારે ફિફા વર્લ્ડકપ 2022ની ફાઈનલ મેચ 18 ડિસેમ્બરે યોજાશે.
ફિફા વર્લ્ડકપ 2022માં જર્મની, બેલ્જિયમ, ઉરુગ્વે જેવી ટીમો પોઈન્ટ અને ગોલ ડિફરેન્સને કારણે વર્લ્ડકપમાંથી બહાર થઈ ગઈ છે.
ફિફા વર્લ્ડકપ 2022માં 3 રેડ કાર્ડ મળ્યા છે. જેમાંથી એક રેડ કાર્ડ સાઉથ કોરિયાના એક કોચને પણ મળ્યો હતો. જ્યારે વેલ્સના ગોલ કીપરને જોખમી કિક જ્યારે કેમરુનના ખેલાડીને શર્ટ કાઢીને ઉજવણી કરતા રેડ કાર્ડ મળ્યો હતો.જ્યારે ફિફા વર્લ્ડકપ 2022માં 163 યલો કાર્ડ મળ્યા છે.
ગ્રુપ A: કતાર, એક્વાડોર, સેનેગલ, નેધરલેન્ડ ગ્રુપ B: ઈંગ્લેન્ડ, ઈરાન, યુએસએ, વેલ્સ ગ્રુપ C: આર્જેન્ટિના, સાઉદી અરેબિયા, મેક્સિકો, પોલેન્ડ ગ્રુપ D : ફ્રાન્સ, ઓસ્ટ્રેલિયા, ડેનમાર્ક, ટ્યુનિશિયા ગ્રુપ E: સ્પેન, કોસ્ટા રિકા, જર્મની, જાપાન ગ્રુપ F: બેલ્જિયમ, કેનેડા, મોરોક્કો, ક્રોએશિયા ગ્રુપ G: બ્રાઝિલ, સર્બિયા, સ્વિટ્ઝર્લેન્ડ, કેમરૂન ગ્રુપ H: પોર્ટુગલ, ઘાના, ઉરુગ્વે, દક્ષિણ કોરિયા
1. અલ બાયત સ્ટેડિયમ 2. લુસેલ સ્ટેડિયમ 3. અહમદ બિન અલી સ્ટેડિયમ 4. અલ જાનુબ સ્ટેડિયમ 5. અલ થુમામા સ્ટેડિયમ 6. એજ્યુકેશન સિટી સ્ટેડિયમ 7. ખલીફા ઇન્ટરનેશનલ સ્ટેડિયમ 8. સ્ટેડિયમ 974
Published On - 8:07 pm, Sat, 3 December 22