Cameroon Vs Serbia : ફિફા વર્લ્ડકપ 2022ની સૌથી રોમાંચક મેચ, કેમેરૂન અને સર્બિયા વચ્ચેની મેચ 3-3ના સ્કોરથી ડ્રો

આજે કતારના અલ જાનુબ સ્ટેડિયમમાં આજે કેમેરૂન અને સર્બિયાની ફૂટબોલ ટીમ વચ્ચે મેચ રમાઈ હતી. ગ્રુપ Gની ટીમો વચ્ચેની આ મેચ રોમાંચક રહી હતી. આ મેચ ફિફા વર્લ્ડકપ 2022ની 29મી મેચ હતી. કેમેરૂન અને સર્બિયા વચ્ચેની આ મેચમાં પ્રથમ હાફનો સ્કોર 1-2 રહ્યો હતો. પ્રથમ હાફમાં સર્બિયાનો દબદબો રહ્યો હતો. છેલ્લી મિનિટોમાં 2 મિનિટમાં 2 ગોલ કરીને કેમરુનની ટીમે આ મેચ ડ્રો કરી હતી.ફિફા વર્લ્ડકપની આ સૌથી રોમાંચક મેચ 3-3ના સ્કોર પર ડ્રો રહી હતી.ફિફા વર્લ્ડ રેકિંગની વાત કરીએ તો કેમેરૂનની ટીમ 43માં સ્થાને છે, જ્યારે સર્બિયાની ટીમ આ યાદીમાં 21માં સ્થાને છે.

ફિફા વર્લ્ડકપ 2022માં હમણા સુધી 29 મેચ રમાઈ છે. જેમાં 9 મેચ ડ્રો રહી છે. આ મેચોમાં 3 મેચ 1-1ના સ્કોરથી ડ્રો રહી છે. જ્યારે બાકીની મેચ એક પણ ગોલ વિના ડ્રો રહી છે. જયારે આ મેચ 3-3 થી ડ્રો રહી હતી. ફિફા વર્લ્ડકપ 2022માંથી યજમાન દેશ 2 મેચમાં હાર સાથે જ બહાર થઈ ગઈ છે. વર્લ્ડકપમાં સતત 2 મેચ જીતીને ડિફેન્ડિગ ચેમ્પિયન ટીમ ફ્રાન્સ પ્રી કવાર્ટર ફાઈનલમાં પહોંચનાર પહેલી ટીમ બની છે. કેનાડાની ટીમ પણ આ ફિફા વર્લ્ડકપમાંથી બહાર થઈ ચૂકી છે.

આ વર્લ્ડકપનો ત્રણ મોટા અપર્સેટ સર્જાઈ ચૂક્યા છે. પહેલા સાઉદી અરેબિયા એ આર્જેન્ટિનાની ટીમને જ્યારે જાપાનની ટીમે જર્મનીને હરાવીને મોટા અપર્સેટ સર્જયા હતા. ત્યાર બાદ મોરોક્કોની ટીમે વર્લ્ડ રેંકિગમાં બીજા નંબરની ટીમ બેલ્જિયમને હરાવી વર્લ્ડકપનો ત્રીજો સૌથી મોટો અપર્સેટ સર્જયો હતો.

રોમાંચક મેચ 3-3થી ડ્રો

આ રોમાંચક મેચમાં જીતવા માટે બંને ટીમો એ છેલ્લી મિનિટ સુધી પ્રયત્નો કર્યા હતા. આજની મેચ 3-3ના સ્કોરનીથી ડ્રો થતા બંને ટીમોને 1 પોઈન્ટ મળ્યો છે. આ સાથે જ બંને ટીમોની ફિફા વર્લ્ડકપમાં આશા જીંવત રહી છે. આ બંને ટીમો પોતાની ફિફા વર્લ્ડકપ 2022ની પ્રથમ મેચો હારી ચૂકી હતી.

આખી મેચનો ઘટનાક્રમ

આ હતી કેમેરૂન અને સર્બિયાની ટીમો

ગ્રુપ Gનું પોઈન્ટ ટેબલ

ફિફા વર્લ્ડકપમાં 32 ટીમો એક ટ્રોફી જીતવા માટે 20 નવેમ્બરથી 18 ડિસેમ્બર, 2022 વચ્ચે મેદાન પર ઉતરી છે. 28 દિવસ સુધી આ ફૂટબોલ મહાકુંભ રમાશે. 32 ટીમોના 832થી વધારે ખેલાડીઓ મેદાન પર પોતાની ટીમને જીતાડવા માટે ઉતર્યા છે. ફિફા વર્લ્ડકપ દરમિયાન 90થી વધારે ઈન્ટરનેશનલ ઈવેન્ટ્સ યોજાશે, જેમાં 100થી વધારે ઈન્ટરનેશનલ આર્ટિસ્ટના પર્ફોમન્સ થશે. કતારના 8 ભવ્ય સ્ટેડિયમમાં 64 મેચો રમાશે. ફિફા વર્લ્ડકપ 2022ના અંતે 3585 કરોડની ઈનામી રકમ અલગ અલગ ટીમોને તેમના પ્રદર્શન મુજબ આપવામાં આવશે.

ફિફા વર્લ્ડકપ 2022ના 8 ગ્રુપમાં વિભાજીત થઈ 32 ટીમો

ગ્રુપ A: કતાર, એક્વાડોર, સેનેગલ, નેધરલેન્ડ ગ્રુપ B: ઈંગ્લેન્ડ, ઈરાન, યુએસએ, વેલ્સ ગ્રુપ C: આર્જેન્ટિના, સાઉદી અરેબિયા, મેક્સિકો, પોલેન્ડ ગ્રુપ D : ફ્રાન્સ, ઓસ્ટ્રેલિયા, ડેનમાર્ક, ટ્યુનિશિયા ગ્રુપ E: સ્પેન, કોસ્ટા રિકા, જર્મની, જાપાન ગ્રુપ F: બેલ્જિયમ, કેનેડા, મોરોક્કો, ક્રોએશિયા ગ્રુપ G: બ્રાઝિલ, સર્બિયા, સ્વિટ્ઝર્લેન્ડ, કેમરૂન ગ્રુપ H: પોર્ટુગલ, ઘાના, ઉરુગ્વે, દક્ષિણ કોરિયા

ફિફા વર્લ્ડકપ 2022 માટે કતારના 8 સ્ટેડિયમ

1. અલ બાયત સ્ટેડિયમ 2. લુસેલ સ્ટેડિયમ 3. અહમદ બિન અલી સ્ટેડિયમ 4. અલ જાનુબ સ્ટેડિયમ 5. અલ થુમામા સ્ટેડિયમ 6. એજ્યુકેશન સિટી સ્ટેડિયમ 7. ખલીફા ઇન્ટરનેશનલ સ્ટેડિયમ 8. સ્ટેડિયમ 974