Boxing: માઇક ટાયસનની સ્ટાઈલમાં બર્લંગાએ વિરોધી બોક્સરનો કાન કરડી ખાધો, ગુસ્સામાં આવી કરી દીધો હુમલો, જુઓ Video

જ્યારે પણ માઈક ટાયસન (Mike Tyson) અને ઈવેન્ડર હોલીફિલ્ડની વાત થાય છે ત્યારે બોક્સિંગ મેચ (Boxing Match) ચોક્કસપણે યાદ આવે છે. આજે પણ ચાહકો જૂન 1997માં રમાયેલી WBA હેવીવેઇટ ટાઇટલની મેચ ભૂલી શક્યા નથી, જ્યારે દિગ્ગજ બોક્સર ટાયસને વિરોધી ખેલાડી હોલીફિલ્ડનો કાન કાપી નાખ્યો હતો. તે ઘટનાને લગભગ 25 વર્ષ થઈ ગયા છે અને 25 વર્ષ પછી ફરી એકવાર 25 વર્ષીય બોક્સરે તેને આ ઘટનાની યાદ અપાવી છે. ટાયસનને આ ક્રિયાની યાદ અપાવનાર બોક્સરનું નામ એડગર બર્લંગા (Edgar berlanga) છે, જેણે શનિવારે રાત્રે ટાયસનના અંદાજમાં જ તેના વિરોધીનો કાન કરડી લીધો હતો.

બર્લંગાએ મેચના 7મા રાઉન્ડમાં પ્રયાસ કર્યો હતો

હકીકતમાં, એક મેચમાં બર્લાંગા રોમર એલેક્સિસ પર દબાણ બનાવવાનો પ્રયાસ કરી રહ્યો હતો, પરંતુ તે તેમાં સતત નિષ્ફળ રહ્યો હતો. આવી સ્થિતિમાં, તે નિરાશ દેખાતો હતો અને પછી બાઉટના 7મા રાઉન્ડમાં ગુસ્સામાં તેના પર હુમલો કર્યો અને ટાયસનની જેમ જ એલેક્સિસનો કાન કાપી નાખવાનો પ્રયાસ કર્યો. નજીકના રિપ્લે પણ સ્પષ્ટપણે બતાવે છે કે બર્લંગાએ ચોક્કસપણે એલેક્સિસ સાથે આમ જ કરવાનો પ્રયાસ કર્યો હતો.

જોકે રેફરીએ કદાચ બર્લંગાને તેનો કાન કરડી લેવાનો પ્રયાસ કરતા જોયો ન હતો. આ કારણોસર, આ બોક્સરને તેના એક્શન માટે સજા કરવામાં આવી ન હતી.

ટાયસને બે વખત વિરોધી પર હુમલો કર્યો હતો

28 જૂન, 1997ના રોજ રમાયેલી ટાયસન અને ઇવેન્ડર વચ્ચેની હેવીવેઇટ ચેમ્પિયનશિપ રિમેચ વિશે વાત કરીએ તો, તે મેચમાં અમેરિકન બોક્સર ટાયસને બે વાર ઇવેન્ડર પર હુમલો કર્યો હતો. પ્રથમ પ્રયાસમાં, રેફરી રોકાયો, પરંતુ બીજા પ્રયાસમાં, ટાયસને ઇવેન્ડરનો જમણો કાન એટલી ખરાબ રીતે કાપી કરડી ખાધો હતો કે અમુક ભાગ નીચે ગરી પડ્યો હતો. ઇવેન્ડર હોલીફિલ્ડના કાનમાંથી ઘણું લોહી નીકળતું હતું. માઈક ટાયસનની રમત જગતમાં પણ ખૂબ જ ટીકા થઈ હતી. આ જ પ્રકારની ઘટના ફરી જોવા મળી છે જેમાં પણ ખેલ જગતમાં ચર્ચા થઈ રહી છે.