FIFA World Cupમાં મોટી દુર્ઘટના ટળી, સ્ટેડિયમ પાસે ભીષણ આગ ફાટી નીકળી
આજે કતારના લુસેલના કેતાફેન આઈલેન્ડ પાસે બનેલા ફેન વિલેજમાં આગ લાગી હતી. આ આગ એટલી બધી વધી ગઈ હતી કે તેના માટે અગ્નિશામક વાહન બોલાવવા પડયા હતા. મળતી માહિતી અનુસાર આ આગ એક ખાલી બિલ્ડિંગમાં લાગી હતી.
વિવાદો સાથે શરુ થયેલી કતાર ફિફા વર્લ્ડકપ હાલમાં ભારે ચર્ચામાં છે. રોમાંચક મેચની સાથે સાથે કતારના વિચિત્ર નિયમોને કારણે પણ આ ફિફા વર્લ્ડકપ ભારે ચર્ચામાં છે. ફિફા વર્લ્ડકપના ઉત્સાહ વચ્ચે કતારમાં ફૂટબોલ ફેન્સ હાલમાં મુશ્કેલીમાં મુકાયા હતા. મળતી માહિતી અનુસાર આજે કતારના લુસેલના કેતાફેન આઈલેન્ડ પાસે બનેલા ફેન વિલેજમાં આગ લાગી હતી. આ આગ એટલી બધી વધી ગઈ હતી કે તેના માટે અગ્નિશામક વાહન બોલાવવા પડયા હતા. મળતી માહિતી અનુસાર આ આગ એક ખાલી બિલ્ડિંગમાં લાગી હતી.
મળતી માહિતી અનુસાર આ આગ બપોરના સમયે શરુ થઈ હતી. આ આગ જે જગ્યા પર લાગી ત્યાંથી લુસેલ સ્ટેડિયમ 3.5 કિમી દૂર છે. આ આગથી આકશમાં કાળા ધુમાડા જોવા મળ્યા હતા. જોકે આ આગ પર કાબુ મેળવી લેવામાં આવ્યો હતો. આ ઘટનામાં કોઈ ઈજા કે જાનહાનિના સમાચાર મળ્યા નથી.
સ્ટેડિયમ પાસે ભીષણ આગ
A massive fire has broken out in the #WorldCup city of Lusail in Qatar, as per users videos. Footage shows thick black smoke rising near the fan village Qetaifan Island North pic.twitter.com/YpQ6a1M6gH
— Russian Market (@runews) November 26, 2022
લુસેલ આઇકોનિક સ્ટેડિયમ
ભારતીય સમય અનુસાર 27 નવેમ્બરે મધરાત્રે 12:30 કલાકે લુસેલ સ્ટેડિયમમાં આર્જેર્ટિના અને મેક્સિકો વચ્ચે મેચ રમાવાની છે. તે પહેલા જ આ સ્ટેડિયમ પાસે બનેલા ફેન વિલેજ પાસે આગ લાગી હતી. કતારમાં ફિફા વર્લ્ડકપ માટે લુસેલ સ્ટેડિયમને કરોડોનો ખર્ચ કરીને બનાવવામાં આવ્યુ છે. ફિફા વર્લ્ડકપની ફાઈનલ મેચ 18 ડિસેમ્બરે આ જ સ્ટેડિયમમાં રમાવવાની છે.
કતારનું ફેન વિલેજ
The 6,000-cabin fan village at the #FIFAWorldCup. The cabins were made by Chinese companies, and will be donated to the homeless in Kenya after the games. pic.twitter.com/Hq2usblxQo
— Hua Chunying 华春莹 (@SpokespersonCHN) November 24, 2022
ફિફા વર્લ્ડકપમાં 32 ટીમ એક ટ્રોફી જીતવા માટે 20 નવેમ્બરથી 18 ડિસેમ્બર, 2022 વચ્ચે મેદાન પર ઉતરી છે. 28 દિવસ સુધી આ ફૂટબોલ મહાકુંભ રમાશે. 32 ટીમોના 832થી વધારે ખેલાડીઓ મેદાન પર પોતાની ટીમને જીતાડવા માટે ઉતર્યા છે. ફિફા વર્લ્ડકપ દરમિયાન 90થી વધારે ઈન્ટરનેશનલ ઈવેન્ટ્સ યોજાશે, જેમાં 100થી વધારે ઈન્ટરનેશનલ આર્ટિસ્ટના પર્ફોમન્સ થશે. કતારના 8 ભવ્ય સ્ટેડિયમમાં 64 મેચો રમાશે. ફિફા વર્લ્ડકપ 2022ના અંતે 3585 કરોડની ઈનામી રકમ અલગ અલગ ટીમોને તેમના પ્રદર્શન મુજબ આપવામાં આવશે.