ઇયાન ચેપલે આઇસીસીને ‘સ્વિચ હિટ’, શોટ પર પ્રતિબંધ મુકવા માટે કરી અપીલ

ઓસ્ટ્રેલીયાના પૂર્વ કેપ્ટન ઇયાન ચેપલ આંતરરાસ્ટ્રીય ક્રિકેટ પરિષદ થી સ્વિચ હિટ શોટ પર પ્રતિબંદ કરવા માટેની અપિલ કરી છે. તેમણે કહ્યુ છે કે આ શોટ બોલર અને ફિલ્ડર બંને માટે અનૂચીત છે. ભારત અને ઓસ્ટ્રેલીય વચ્ચે રમાઇ રહેલી ત્રણ વન ડે મેચોની સીરીઝ દરમ્યાન ડેવિડ વોર્નર અને ગ્લેન મેક્સવેલ સ્વિચ હિટ શોટનો ખૂબ ઉપયોગ કરતા જોવા મળ્યા હતા.

ચેપલે એક સ્પોર્ટસ સમાચાર સંસ્થા સાથે વાત કરતા કહ્યુ હતુ કે, મેક્સવેલ અને વોર્નરે બીજી મેચમાં કેટલાક આવા શોટ રમ્યા. જો કોઇ બેટ્સમેન બોલ પડવા પહેલા પોતાના હાથ અથવા પગ બદલી લે છે તો તે અવૈધ શોટ હોવો જોઇએ. બોલરે તો અંપાયરને બતાવવુ જ પડે છે કે, તે કેવો બોલ નાંખનારો છે. પરંતુ બેટ્સમેન જમણેરી છે તો કેપ્ટન એ પ્રકારે ફિલ્ડીંગ ગોઠવતા હોય છે. અચાનક હવે જો તે ડાબા હાથે રમત રમે તો કે ખોટુ છે.

પુર્વ કેપ્ટને કહ્યુ કે મને એ સમજમાં નથી આવતુ કે, બોલરો આની ફરીયાદ કેમ નથી કરતા. તેમણે કહ્યુ કે ક્રિકેટ પ્રશંસકોએ આની પર રોક લગાવવી જોઇએ. સિડની ક્રિકેટ ગ્રાઉન્ડમાં રમાયેલી બીજી વન ડે મેચમાં ગ્લેન મેકસવેલે 29 બોલ પર 63 રનની તોફાની પારી રમી હતી. જે દરમ્યાન તે ઘણી વાર સ્વિચ હિટ શોટ રમતો જોવા મળ્યો હતો.